Tuesday, July 19, 2011

Ang Birthday, si Divine Lee at Gutom

Matagal-tagal din bago nasundan ang huling paglalamyerda ko. Kaya naman ng malaman kong sa Clark, Pampanga gaganapin ang vertdey celebration ng aking friend na si Julius eh join kaagad akitch. It's time for my byuti to feel the world outside Metro Manila. 

Sa Fontana Leisure Park ang venue at special request ng celebrant na mag-outfit ala mujerita kami ni Shanelle. Game naman naming pinagbigyan ang kanyang hiling. 

Bitbit si Ate Paul, namili ako ng aking isusuot sa mga branded at mamahaling shops (ambisyosa) sa Isetann Recto. Peg ko ang socialite na si Divine Lee. Kailangang ma-achib ko ang look niya. Mahilig siya sa mga dress at sakto naman na may nakita ako. Ang problema: Maluwang. Ang naisip kong solusyon: Pasikipan.

'Di problema ang sapin sa tiil dahil madami niyan si Aly. Humarbat ako ng isang pares sa kanyang koleksyon. Pinakita ko rin sa kanya ang maluwang kong dress. Between me and Aly, siya ang may taste when it comes to fashion and accessories. Siya daw kasi si Gretchen Barretto. To the rescue ang bakla at pinahiram ako ng belt na 'sang dangkal ang lapad. WAPAK! Solb ang problema sa damit.

Maraming pipol ang invited sa party ang isa sa kanila ay ang photographer na si Mark. 'Di namin pinalampas ni Shanelle ang opportunity na mafecturan in our bonggang attire. Emote sa kanan, emote sa kaliwa. Konting buka ng leps, ipikit ang mga mata, ilagay ang kamay sa balikat, tumingkayad, hawakan ang banga, tingin sa ilaw atbp. 

Kabog ako sa cleavage ni Shanelle
Napagod ako sa aming ginawa. Tatlong beses akong pinabalik sa set. Kung anu-anong pose ang aking pinaggagawa. Hindi pala biro ang mag-mudil ba. Nakaka-gutom. Buti na lang at 'sandamakmak ang handa. Kaya after ng photoshoot, galit-galit muna...

Ay! Nakalimutan kong babae ako.

1 comment: