Saturday, June 30, 2012

Pader

Babala: Ang susunod na eksena ay kathang isip lamang at nangangailang ng Striktong Patnubay at Gabay. May maseselang tema, karahasan, droga, lenggwahe, sekswal at katatakutang maaaring hindi angkop sa mga normal na tao. 

Pasado ala-siete ng gabi. Sakay ng jeep si Bb. Melanie. May ngiti sa kanyang labi dahil sa excitement na makapiling ang mister. Nangangailangan nang ibabad sa Ariel ang suot niyang white polo at puro himulmol na ang black pencil cut skirt na may slit sa kaliwang hita. May run na rin ang kanyang  stockings at nakanganga ang black sandals. Matapos ng ilang kanto ay pumara na siya at naglakad papuntang karinderya.

Bb. Melanie: Aling Maring, dalawang order nga po ng pritong isda at kanin. Pahingi na rin po ng sabaw. Sa katapusan po ang bayad ah.

Padabog na ibinalot ni Aling Maring ang order niya. Yamot na ang matanda sa haba ng utang ni Bb. Melanie.

Pagkaabot sa inutang, dali-daling siyang pumasok sa isang masukal at madilim na eskinita. Muntikan pang madulas dahil basa ang dinaraanan. Spell atat.

Malayo pa ang kanyang nilakad bago marating ang tinutuluyang bahay. Agad niyang binuksan ang pintuan na gawa sa yero at nahindik sa kanyang nakita...

Image courtesy of Inez Moro Photography
Sino ka? Anong ginagawa niyo ng asawa ko? Aba'y mga %$#@!*+ ina niyo!

Naihagis ni Bb. Melanie sa gilid ang biniling pagkain at parang leon na sinugod ang mestizang babae. Mabilis na naiharang ni lalaki ang kanyang katawan at nang magkaroon ng tiyempo, agad agad na tumalilis ang tisay.

Sino ang malantod na 'yon? Kelan mo pa ako niloloko?

Parang walang narinig si lalaki at pinulot ang plastic ng pagkain sa gilid. Tumalikod ito kay Bb. Melanie at pumunta ng kusina. Parang asong ulol na sumunod ang bakla. Kumuha ang lalaki ng isang plato at ibinuhos ang kanin. Isinalin sa mangkok ang sabaw, kumuha ng ulam, umupo sa bangkito at nagsimulang himayin ang isda.

Halos mamatay ako sa kaka-overtime para lang sa'yo pero eto pa ang ginawa mo. Puros varicose veins na nga ang binti ko kakatayo sa mall! Kung gusto mo pala ng blonde, sana sinabi mo sa akin. Pwede naman akong magpakulay eh. Ano bang meron ang babaeng 'yon na wala ako? SABIHIN MO! (long pause) SAGUTIN MO AKO! (long pause ulit)

Focus ang camera sa mukha ni Bb. Melanie. Kitang kita kung gaano kaitim ang luha niya dahil sa natunaw na eyeliner. Kumalat na rin ang eye shadow niya at hindi na pantay ang Ever Bilena Oriental funda. Panaka-naka ay may lumalabas na uhog na kung hindi sisinghutin ay nakakariding makita.

Panay ang subo ni lalaki ng pagkain. Sarap na sarap at walang pake sa paligid. Ang sarap din siguro niya. Hihihi...

Uurong si Bb. Melanie sa pader na gawa sa sira-sirang plywood at mag e-emote. Dahan dahang uupo sa sahig habang panay ang hikbi at iyak na humahalo sa sipon. Yak.

Ma..saya ta..yo sa si..mu..la ng relasyon na..tin. Kahit tu..tol ang ma..ma at pa..pa, bi..nale..wala ko si..la da..hil sa pag..ibig ko sa'yo. Ti..na..liku..ran ko ang la..hat pa..ra maka..pi..ling ka lang pero bakit mo ako gi..na..gani..to? Ang sa..kit... ang shakit shakit.

Direk: CUUUTTT!!! Ano ba 'yan Melanie! Hindi ka na namin maintindihan. Isinga mo na 'yan!  May limang eksena pa tayong kukunan. We can't afford to delay the shoot. Sa isang araw na sisimulan ang editing.

Bb. Melanie: Opo direk. Ready na po ako.

Direk: Okay. Standby. Ulitin mo 'yung eksena sa pader. Dapat damang dama at hindi puro iyak. 4...3...2...1... AKSHUN!

2 comments:

Meowfie said...

I don't know you...
but it just took me 5 seconds to realize that i need to follow this blog after seeing your banner LOL.



Will be reading your past few blogs,
Have a nice day :)

Anonymous said...

Greetings from singapore. I always read ur posts! Awesome

Related Posts Plugin for WordPress, Blogger...