May iba pa ba?

Tanong lang:

Wala bang re-electionist na may katulad ng track record ni Senator Juan Flavier?

Courtesy of Portraits by Lopez

Remember Let's DOH it campaign during his term as Deparment of Health secretary? Nasa elementarya lang ako nang bonggang mauso ang komersyal ng TKO - Tubig, Kubeta, Oresol. 'Yung lalabas siya sa dulo sabay sabing "Let's DOH it!". Isa 'yan sa pinaka-epektibong kampanya ng gobyerno noon laban sa cholera. Bawat bata yata eh memoryado ang jingle niyan.

Nanalo siyang senador noong 1995 at muling nanalo noong 2001. Ni-isang intriga yata ay wala akong narinig laban sa kanya habang siya'y nakaluklok. Matapos ang dalawang termino ay hindi na siya muling tumakbo pa. Wala rin siyang kapamilya na binalak okupahin ang binakanteng pwesto niya. May delicadeza at hindi gahaman. PAK!

Oh mabalik tayo dun sa tanong ko. Nakita niyo na ba ang senatorial slate ng dalawang partido? Puros pamilyar ang apelyido de vaaahhh?! Kung hindi re-electionist eh kamag-anak ng dating senador o 'di kaya'y congressman na umaambisyon nang mas mataas na posisyon (o pork barrel). HALLER!? May iba pa ba? Well, malalaman natin 'yang pagsapit ng ala-singko ng hapon sa Viernes.