Monday, April 30, 2012

Suntukan

Dalawang kasabihan mula kay Bb. Melanie:

Image from My Sarisari Store
  • Iwasang magmayabang kung 'di rin lang kagandahan sapagkat mas lalong lumulutang ang iyong kapangitan.
  • Huwag ismolin ang mga bakla sa suntukan at baka ikaw ang una naming masampolan.

Sunday, April 29, 2012

Rooftop

Where on Earth:


...is Harold Pineda?

Sino ba naman ang hindi nahumaling sa kanya noong late 90's - early 2000's lalo na't walang kiyeme siyang nagbuyangyang ng kanyang masarap na wankata? Hindi pa uso ang Internet noon kaya naman sa mga local gay magazines lang tulad ng Chika Chika, Valentino at X-Pose todong matutunghayan ang kanyang kahubdan.

Bago siya napasok sa showbiz eh bonggang winerva muna siya ng Ginoong Pilipinas. Nagkaroon siya ng ilang pelikula at isa diyan ang award winning na Pila Balde with Ana Capri. I'm sure eh nasight niyo na rin ang walang kupas niyang photoshoot sa rooftop kung saan marami siyang props tulad ng kulambo, water sprinkler, gigantic hose at ang paborito ko sa lahat, hawla ng ibon. Kahit mahigit isang dekada na yatang kinunan 'yon, ang sarap pa rin pagpantasyahan.

At dahil hindi ko alam kung where na him, let's reminisce his delightness sa pamamagitan ng artikulo niya sa Chika Chika Extra-Extra Vol. 1 No. 14 dated February 3, 2000 written by Dominic Rea.

(right click then open image in new tab for clearer view)

Friday, April 27, 2012

Bloody Love

Hi Papa Mike! Acoh ba ang kinakawayan mo o ang taxing sasakyan natin? How shuweet naman of you to bring flowers for me. Oh! It smells so good just like meh. I'm so kilig up to the tiniest part of my body. There's also butterflies in my stomach whenever I see you. Is this love or am I just infatuated? Either way, it feels so good. NAKS! That's English you know. Can you punas the blood on my nose? Hihihi...

*Photography by Olivier Passebeque for Philippine Star Ystyle

Thursday, April 26, 2012

Skuala Lumpur

Nakakabahala naman ang sunud-sunod na balitang demolisyon sa Parañaque at Quezon City. Nauna noong Lunes ang Silverio Compound kung saan isang buhay ang nasawi dahil sa marahas dispersal. Bali-balitang SMDC ang nakabili ng lupa kung saan magtatayo sila ng gusali. Todong dineny naman ni Henry Sy Jr. ang paratang pero may papeles na nakuha ang mga residente na dapat by June 2012 ay ready na ang lupa para umpisahan ang proyekto ng NHA/SMDC.

Dito naman sa QC ay nakatakda na rin ang petsa ng demolisyon sa mga informal settlers ng Doña Nicasia Subdivision bandang Commonwealth. Ilan sa mga residente ay nagbarikada noong isang araw sa harap ng Quezon City Hall.

Noong isang linggo naman, nasunog ang ilang kabahayan sa may Agham Road malapit sa TriNoMa. Nasunugan man, pinili ng mga naapektuhan na 'wag lisanin ang kanilang pwesto. Magtatayo na lang daw sila ulit ng panibagong matitirhan. Ayon sa balita, Ayala Land naman daw ang nagbabalak umangkin sa mga lupa at gagawin daw business district. HUWAW! Sa Montalban, Rizal ang relocation site at hindi man lang sa parehong siyudad. KALOKA!

Simula nang malipat ako sa public school noong ako ay Grade 5, nagkaroon ako ng mga kaibigan at ka-klase na nakatira sa skuala lumpur. Hindi man ako natira sa ganoong lugar, alam ko ang hirap na kanilang pinagdadaanan. Nariyang hindi makapasok ang ilan sa aking mga ka-eskwela dahil na-demolish ang kanilang bahay. Ang iba ay nasangkot sa batuhan para lang ipaglaban sa kanilang tinitirhan. Sa murang edad, natuto na sila kung paano protektahan ang lugar kung saan sila nagkamalay.

Andiyan na tayo sa konseptong parte ng pag-unlad ng isang lungsod ang magagarang imprastraktura. 'Yun nga lang at 'di maiiwasang may masagasaan dahil hindi naman bakanteng lote ang balak nilang gawan.

Noong panahon ng Kastila at Amerikano, may malinaw silang konsepto para sa city development ng ating bansa. Ngayon kasi na hati-hati na ang lungsod, kanya-kanya silang plano kung paano pauunlarin ang kanilang nasasakupan. Kebs sa mga taong maapektuhan pero kapag malapit na ang halalan, walang demolisyon na mababalitaan. Aawitan muna sila ng matatamis na pangako kapalit ng kanilang boto. Kapag winerva na, talo-talo na!

Sa EDSA nga lang, halos tabi-tabi na ang mga bonggang condo units na itinatayo ng SMDC, Ayala Land, GA atbp. Para ngang sinasakop na nila ang highway eh. Wala nang lugar if ever na magkaroon ng road widening ang pinaka abalang lansangan sa Kamaynilaan. Hindi na ako magtataka kung balang araw eh sina Sy at Ayala na ang may ari ng NCR.

Tuesday, April 24, 2012

Patak

Kasabay ng pag-init ng panahon ang pagkatuyo ng lupa. Kapag ilang araw o linggo na hindi pumapatak ang ulan, magsisimula nang magbitak-bitak ito. Diyan ko maikukumpara ang sex life ko. Tuyo, bitak-bitak at... at... at... tuyo. Keri lang 'yan since buhay pa naman watashi. Anyways, hindi sex life ko ang sentro ng ating usapan ngayon kundi ang kontrobersyal na video na 'to...


Matapos kong mapanood 'yan, nasabi ko sa aking sarili ang pamosong linya ni Basha sa pelikulang One More Chance...

"Sana ako na lang... sana ako na lang..." sabay patak ng luha.

Friday, April 20, 2012

Kondisyon

Isa ako sa mga broken-hearted ng maluz valdes ni Jejomar Binay si Mar Roxas sa pagka-pangalawang pangulo noong 2010 National Elections. Todong nahirapan akong i-accept na olats ang bet ko. Wala naman akong choice kundi  tanggapin ang resulta at mag move-on na lang.

Ayon sa mga sarbey eh laging mataas ang trust ratings ng mga utaw sa kanya. Nauungusan pa nga niya si PNoy eh. Imperness naman kay Binay, nakita ko naman na ginawa niya ang kanyang makakaya para hindi mabitay ang mga Pinoy na nahatulan ng death penalty sa China noong 2011. Siya rin ang in-charge sa pabahay program ng pamahalaan. Good job for 2 years ang lolo mo.

Mahigit apat na taon pa bago ang susunod na presidential elections pero ano ba itong si VP at atat yatang maging pangulo. Nabanggit na niya noong isang taon na may balak siyang tumakbo bilang presidente at inulit na naman niya this year. Pa ul-ul lang. Wala namang masama mag-ambisyon noh! Sino ba naman ako para pigilan siya? Lumayo ka man ay maiiwan ♫ ang bakas ng ating pagmahahalan ♪ Ang awiting ito ay alaala ♫ na hindi kita malilimutan ♪ CHAR! Napakanta lang.

Ewan ko lang ah pero para sa akin, parang hindi maganda na wala ka pa sa kalahati ng termino mo eh sinasabi mo na ang ganyan. Para kasing kinukondisyon mo na ang tao na ikaw ang iboto as early as now.

Walang halong kaplastikan mga 'teh, 'di ko man siya bet noong una eh mukhang malinis naman siyang pulitiko. Gandang ganda nga ako sa City Hall ng Makati eh. Hindi ko lang talaga feel ang 'maagang pangangampanya'.

Speaking of maagang pangangampanya, napansin niyo bang very visible na ang ilan sa mga personalidad na tatakbong senador next year? Malayo pa ang campaign period pero ramdam ko na sila. Nakikisawsaw sa iba't ibang isyu ng bayan. Isa sa kanila eh may bonggang billboard sa EDSA. Well, well, well, for sure mas dadami pa 'yan sa mga susunod na araw. Abangan.

Thursday, April 19, 2012

Sarong Banggi, a stage play

Ang writer at direktor ng pelikulang Taksikab na si Archie Del Mundo ay may bagong handog para sa atin. This time ay stage play naman ng pelikulang Sarong Banggi, ang 2005 indie movie ni Emmanuel Dela Cruz

Sa adaptasyon na ito, si Marife Necesito ang gaganap na Jaclyn, ang role ni Ms. Jaclyn Jose sa pelikula. Si Rob Joseph naman si Nyoy na originally ay ginampanan ni Angelo Ilagan.

One night only lang ito mga shupatemba kaya kung bet niyo manood, go na kayo sa April 26 (Thursday), 9 PM sa Music Box Comedy Bar sa Timog Ave. QC. 500 peysosesoses ang ticket with special performances by Rain Javier, Xixi Maturan and a lot more.

This stage play is written & directed by Archie Del Mundo and produced by Eightfold Path Productions.

Wednesday, April 18, 2012

Tapyas

Last year ng umalingawngaw ang isyung magtatayo ng mas malaking carpark ang SM Baguio ngunit ang kapalit ay ang pagtapyas ng mga Pine trees kung saan nakilala ang Summer Capital ng Pinas. Agad umani ng protesta mula sa mga environmentalists ang planong ito.

Ilang buwan ang lumipas, inakala ng ilan na hindi na magaganap ang 'krimen' na gagawin sa mga puno. Hindi pala. Tuloy pa rin ang mall expansion at ang gagawin sa mga puno... earth-balling. So ano bang ibig sabihin niyan? Tatanggalin ang puno sa lupang tinubuan nito kasama ang mga ugat at itatanim sa ibang lupa. Hindi pa nga lang sure kung tutubo ito bilang 'mamamahay' ito sa bagong 'tirahan'.

Hindi ba't parating apektado ang Baguio kapag may bagyo? Prone ang bayang ito sa landslide. Oh eh ano ba ang sanhi ng landslide? 'Di bat malambot na lupa. Bakit lumalambot ang lupa? Sapagkat walang mga punong nagpapatibay dito. Eh bakit puputulin pa nila ang mga puno? Para sa mas bonggang mall. HUWAW!

Katulad nating mga utaw, may buhay din ang mga puno. Elementarya pa lang tayo ng ituro ng Science teacher natin na isa ito sa todong nagbibigay buhay sa atin. Mula hangin na ating nilalanghap hanggang sa pagkaing ating nilalantakan. Kung tutuusin, lubus-lubos ang pakinabang natin sa mga puno. Ito pa ba ang igaganti natin?

Bb. Pilipinas 2012 winners

Last Sunday night ang isa sa pinakagrandiyosang gathering ng mga bektas sa Araneta Colisuem dahil sa taunang Binibining Pilipinas. Habang ang lahat ay nagkakasiyahan, binuro na parang atchara ang byuti ko sa opisina. Wit ko na nga napanood ng live, wit ko pa rin napanood ang TV telecast. IMBEY!

Si Janine Tugonon ang nakasungkit ng korona bilang Miss Universe Philippines na dating Bb. Pilipinas-Universe ang tawag. Mas maganda kung hindi na lang nila pinalitan pero hindi ako si Madame Stella kaya 'wag na watashi umarti. Pambato naman natin sa Miss International 2012 si Nicole Schmitz at ang disi-otso anyos na si Katrina Dimaranan naman ang kinoronahang Bb. Pilipinas-Tourism. Runners-up naman sina Ali Forbes at ang 5'10" byuti na si Elaine Kay Moll

Hindi man nakoronahan ang last year 2nd runner-up na si Mary Jean Lastimosa eh naiuwi naman niya ang Miss Avon at Miss PAL awards. Ilan pa sa mga betchikels ko ang winerva ng special awards katulad ni Giselle Angelica Munoz as People's Choice at Karen Gallman bilang Miss Photogenic

Nawa'y magtagumpay ang new set of Binibinis sa mga international pageants na kanilang sasalihan. Pinoys will support them all the way!

*Photos courtesy of Missosology.org and OPMBworldwide.com

Sunday, April 15, 2012

Boses

Problema ng ilang bakla:


Kung sino ang gustong magpaka-merlat, 'yun ang boses babae.
At kung sino pa ang pumuputok ang masels, 'yun ang boses kike.

AMP!

Saturday, April 14, 2012

Pechay

Hi Bb. Melanie,

I'm Alex, an OFW here in HCMC Vietnam. I've been reading your blog for more than a year now. I love everything about you and your blog. I often say to myself "parang ako lang" when you tackle things, may it be personal, social issues, kalandian and more.

Batid ko (if I'm not mistaken), like me, ikaw ay isa ring less-usong bakla, meaning, baklang pa-girl, baklang mas pipiliin pa rin na magpahaba ng buhok, magpumulit na magsuot ng heels sa lahat ng pagkakataon.

Now, my whole point of writing, first, is to thank you for writing such a wonderful blog which I never fail to check every waking morning, second, is to ask you a little favor.

I'm planning to undergo Male to female Sex Reassignment Surgery, matagal ko na to pinag iisipan. Alam ko na bago ako ma-operahan, I need to undergo a Hormone Replacement Therapy first which should be done under a professional supervision of an experienced doctor.

ko sana magtanong sa'yo kung may kilala kang doctor diyan sa Pinas na pwede tumulong sakin (with regards to Hormone Therapy). Wala akong idea kung kanino lalapit. I tried to check online pero wala naman akong substantial information na nakita. Baka meron kang kakilala, or baka may kilala mga friends mo.

Any information would be much appreciated Bb. Melanie.

Thank you so much and more power!

Your avid fan,
Alex

Image from letsplantsomething.wordpress.com

Haller Alex!

I'm so glad na isa na namang OFW ang nahalina't natuwa sa aking blogelya, kapatid ko pa sa pananalig!

Well, totoo ka diyan sa less-usong bakla sapagkat mas bet ko pa rin ang magkaroon ng 36-22-36 na vitals stats kesa 6 pack abs. CHARAT! Hindi ko lang siguro keri ang magpaka-discreet kaya eto ako't loud na loud.

Nalerki ako sa iyong inquiry. Well, alam kong matagal mo ring pinag-isipan 'yang Sex Reassignment Surgery. At one point in my life, pinangarap ko rin ang pagkakaroon ng 'pechay baguio'. Kung magpapaligaya yan sa'yo, go go go!

Regarding sa Hormone Replacement Therapy, wala akong personal na kilala pagdating diyan. Tinanong ko si Mikee, isa kong kaibigan na maraming kakilalang baklang kontesera. Isa sa mga close friends niya ang diyosang si Marianne Arguelles. Search mo kay kuya Google ang larawan niya.

Ang tinutukoy mo ba eh ang pagtuturok ng hormones sa katawan para lumambot ang features mo ala-Anne Curtis? Kuda niya kasi, pwede ka naman daw bumili ng hormones at sa health center ka na lang magpaturok. Pero if you need a professional help, may knows siya. Email kita ng details on how you can reach Mikee.

At dahil pinost ko na rin lang ang sulat mo dito sa aking blog, marami sa ating mga shupatemba ang maaaring makabasa nito. Malay mo, may kakilala sila na professional na tutulong sa iyo. 'Yung hindi ka naman malalagay sa panganib. Kaya mga 'teh comment lang kayo ah!

Nagmamasarap,
Bb. Melanie

Friday, April 13, 2012

Lahat Masarap

Bukas na pala ang BIG night ng Century Tuna Super Bods 2012 na gaganapin sa isla ng Boracay. Excited na akey kung sino ang mananalo ng MALAKI sa sampung otokong kasali. Isa kaya kina (top pic) Charlie Sutcliffe, (2nd row L-R) Cris Lomotan, June Macasaet, (3rd row L-R) Martin Flores o John Spainhour ang magwawagi? O baka naman doon sa natitirang lima kukuha ng magwawagi? 

Basta kahit sino sa kanila eh pwede sapagkat LAHAT sila ay MASARAP!

At baka sabihin niyo inetsapwera ko naman ang female candidates. Well, I wish them good luck bukas... yun lang.

Thursday, April 12, 2012

Pwesto

Para sa mga CD collector na tulad ko, iba ang feeling kapag nadaragdagan ang ang aming koleksyon. Pinaghalong excitement at saya kapag bubuksan na namin ang CD at isasalang sa player. Pa ul-ul na patutugtugin ang mga kanta hanggang sa magsawa.

Nagsimula akong mangolekta ng music albums noong ako'y Grade 6. Cassette tape ng 911 ang una sa koleksyon ko. Simula noon, nagtuloy-tuloy na ako sa pag-iipon nito. Mid 2000's nang mawala ang cassette tapes sa pamilihan. Puro CD's na ang natira. Buti na lang at graduate na ako noon at may trabaho kaya nasustentohan ko naman ang hilig ko.

Ang album ng isang foreign artist ay nagre-range from 350 - 500 peysosesoses depende kung Standard or Deluxe edition ito. Minsan, mas mahal pa diyan. Mas abot-kaya naman ang OPM albums na 150 - 350 peysos lang. Depende sa dami ng kanta at bongga ng case.

Kapag rare or out of stock na ang isang CD, maaari kaming tumakbo sa Amazon.co.uk at bumili nito. Buti na lang at hindi nagkakalayo ang presyo nito sa presyo sa merkado. Minsan, mas mura pa nga. Todong mag-aantay ka nga lang ng 3-4 weeks para sa shipping.

Sa pagliliwaliw ko sa Quiapo area, isang pwesto sa Cartimar Recto ang natuklasan ko. Isang pwesto na maaaring ituring na langit ng mga tulad ko, original CDs sa mas murang halaga.

Napakalawak ng selection ng pwesto na 'to from Rock, Pop, Jazz, Latin, OPM, Frank Sinatra to Lady Gaga meron sila.

Tingnan mo si kuya, hindi magkamayaw sa pagpili.

At kung vintage ang bet mo, madami silang vinyl records sa murang halaga.

May mga concert DVDs din sila. May kahalong movies 'yan ni Ate Shawie. Fan yata ng Megastar ang may ari. CHOS!

May mga second hand books din sila worth 150 - 200 lang.

Kaya sa mga nangongolekta diyan at mas pinipili pa rin ang bumili ng physical copy kesa mag-download sa Internet, punta na kayo dito. I'm sure mag e-enjoy kayo!

Tuesday, April 10, 2012

Pangarap ka na lang ba...

From Mike Concepcion's Instagram
♫♪ Oh magiging katotohanan pa
Bakit ang sharap mo talaga
Ngunit 'di bale na
Kahit masharap ka pa
Mahal naman kita
Aaahhhh... Aaahhhh... ♫♪

(repeat til fade)

Sunday, April 8, 2012

Sampung Binibini 2.0

Eksaktong isang linggo na lang at makikilala na ang mga bagong kokoronahan sa Binibining Pilipinas 2012. Todo na ang excitement ng 'sangkabaklaan lalo na ang mga beauty pageant fanatics bilang dalawang taon na sunud-sunod tayong naka-enter sa Miss Universe at Miss International. Pressured ang ilan dahil ayaw nating maligwak ulit sa mga patimpalak na 'yan.

Hindi maiiwasan ang kabi-kabilang tsismis ng 'lutuan' tuwing season ng Bb. Pilipinas. Master chef daw diyan si Madame Stella Marquez-Araneta ngunit taun-taon naman ay merong ganyan. Parte na ng kumpetisyon na dapat nating makasanayan. Nasa sa atin na kung paniniwalaan o hindi... and I choose to not believe it. Simply because walang proof. Kahit sino pwedeng gumawa niyan. Agree?

Nahirapan ako ng bongga sa pagpili ng sampung betchikels ko. Inakala ko noong una na mahina ang batch na ito kumpara noong isang taon pero hindi pala. Bawat dilag ay may kanya-kanyang angking kagandahan at karisma. Sa ilang linggo kong pagmamasid at pagkilala sa kanila via Missosology.info, silang sampu ang aking feel na feel.

BB. PILIPINAS - UNIVERSE

International Appeal 
Jaine Hidalgo
Paborito ng ilang international forumer sa Missosology. Exotic Pinay beauty na sinamahan pa ng maganda at proportion na katawan. 

Brains
Janine Tugonon
She almost made it last year. Magaling sa pananalita at may conviction. Importante 'yan sa Miss U lalo na't kabi-kabila ang press conference na kanilang dinadaluhan. 

Underrated 
Giselle Angelica Munoz
With her strong credentials (Ateneo and UP), we can never go wrong with this lady. 

Mga Alternatibo:

Fer Mary Baliquig & Ayelee Dasalla

***

BB. PILIPINAS - INTERNATIONAL

Positivity
Golda Soller
Kapag siya'y ngumiti, lahat ay nahahalina. Samahan pa ng positibong aura at charming personality, siguradong swak tayong muli sa Miss International. 

Fierce
Ali Forbes
Kabogera pagdating sa glamshots. Marunong mag-project at may buhay ang mga mata. Ramdam din ang fighting spirit niya.

Dusky Beauty
Mia Arcenas
Pambato ng Cebu this year. Na-impress ako sa paraan niya ng pagsagot sa isang interview sa TV Patrol. We need a good speaker pagdating sa Miss International and I think perfect siya doon.

Mga Alternatibo:

Mary Jean Lastimosa & Karen Gallman

Abangan sa Linggo, April 15 ang grand coronation night sa Araneta Colisuem na ipapalabas sa Kapamilya Network.

Saturday, April 7, 2012

Chemistry

Kapag sumasapit ang Semana Santa noon, madalas mapanood sa TV ang classic movies nina Hilda Koronel, Bembol Roco, Vilma Santos at Nora Aunor. Kapag switch channel mo naman sa IBC 13, maa-aliw ka naman sa patalastas ng Silhouette 40, ang sabon na kayang tumunaw ng taba sa isang liguan lang.

Wa-i na 'yan ngayon. Mga pelikula na lang nina Claudine Barreto, Aga Muhlach, Regine Velasquez at Marian Rivera ang pinapalabas na ewan ko kung may relevance sa Holy Week.

Dahil na-miss ko good old films ng Philippine Cinema, nanood na lang ako nito sa DVD. Una diyan ang Tag-ulan sa Tag-araw nina Vilma Santos at Christopher De Leon.

"Yan kasing kamay mo na 'yan, magmula ng mahawakan ko, 
para akong naging gulaman, na kahit anong ihugis mo pwede!"

Pinalabas ito noong 1976 kung saan young looking pa ang dalawang bida. Ginampanan nila ang magpinsan na nagka-inlaban. Kahit sensitibo ang paksa, maayos na naitawid ng pelikula ang istorya. Nainis ako sa kakatihan ni Nanette (Ate Vi). Stalker ang drama at sinusundan si Rod (Boyet) sa canteen man o loob ng bus. Todong umiiwas na nga si lalake, panay pa rin ang kiri niya. Ayan, nabuntis tuloy at najombag ni tatay. 'Yan ang napapala ng malalandi. Afftected much watashi! Ang galing kasi nilang mag-portray.

Next naman diyan ang Tinik sa Dibdib ni Ate Guy at Ipe.

"Tao ang kausap ninyo hindi hayop!"

Aktwali, last year ko pa napanood 'to. Alam niyong lahat na paborito ko ang Bona kaya naman natuwa ako na balik-tambalan sila sa pelikulang ito.

Magulo ang pamilya ni Lorna (Ate Guy) na isang manikyurista. Babaero ang kanyang tatay at martir naman si nanay. Naging parokyano niya si Lando (Ipe) na na-love at first sight sa kanyang byuti. Sinong babae ang hindi mahahalina sa matatamis na salita at pangako ng isang matikas na bigotilyo. Wit na nagpakipot si babae at nagpakasal na kay lalake. Tumira sila sa bahay nito kasama ang madrastang si Tricia (Pilar Pilapil) na palaging naka-tapis at bonggang seksi outfit. Nunca siyang nagustuhan nito dahil bago pa siya tumira doon ay may nangyayari na palang kababalagahan sa dalawa. Saksi dito ang lukresiang si Moret (Dina Bonnevie).

Sa dalawang pelikulang 'yan, parehong si Eddie Garcia ang gumanap na kanilang tatay. Ramdam ko ang bigat ng pananakit niya kay Nanette ng malaman nitong buntis ang kanyang anak samantalang nakakagalit ang mga pananalita niya laban kay Lorna at sa nanay nito.

Hindi man nagkatuluyan sa totoong buhay, effective na screen partners sina Vilma & Boyet at Guy & Ipe. May chemistry kumbaga. Buti na lang at may mga kopya pa ang magagandang pelikula noon na maaari ko pang mapanood. Sana lang eh may mahagilap pa akong kopya ng Paru-Parong Itim, Nakaw na Pag-ibig at Rubia Servios dahil bet ko 'yan isunod review-hin.

Wednesday, April 4, 2012

Daig

Can I Just Say:

Hindi pala ako ang pinaka-ambisyosang bakla sa mundo dahil daig niya ako...

Jenna Talackova
...at talagang balak niyang sumali sa Miss Universe ah. KALOKA!

Read the related news here.

Blockbuster

Wit ko makalimutan ang petsang February 14, 1998. Hindi dahil sa nakipagdate ako sa araw na 'yan (dose anyos pa lang ako nun noh!) kundi nanood akong mag-isa ng Titanic sa SM North. Araw ng mga puso kaya naman puro lovers in paris ang kasabayan ko sa loob ng sinehan. Buti na lang at safe sa bata ang manood sa SM. Panay ang ronda ng bantay with matching nakakasilaw na flashlight. Bawal gumawa ng mahalay.

Pagkapasok sa eskwelahan, todo daldal na sa mga classmates tungkol sa movie. Amaze na amaze sa visual effects at pagkakahati ng barko. Kilig na kilig din kami kay Leonardo DiCaprio. Talaga naman super gwapo siya sa pelikulang iyon. Madali talagang pakiligin ang bubot na puso.

And after 14 years, ipapalabas na ulit sa sinehan ang blockbuster movie ni James Cameron. All these years, marami pa rin ang fanatic at 'di nagsasawang ulit-ulitin sa VCD, DVD at cable TV ang pelikulang ito. Ginawa ko na 'yan kagabi pero kung bet niyo sa malaking sinehan with bonggang 3D glasses, simula April 7 ay mae-experience niyo na ulit 'to.

Heto ang 2012 trailer ng Titanic in 3D...

Monday, April 2, 2012

Top 10

A new read this new month...


...and so far, I'm enjoying it!

Special thanks to James for lending me his copy.

Sunday, April 1, 2012

Wala ba kayong mga kamay?

Where on Earth:

...are the Powerboys?

10 years ago ng sumikat ang linyang 'yan sa isang deodorant commercial. Limang lalaki na nakatapis lang ng tuwalya ang todo dance sa locker room habang lumi-lipsync ng kanta. Sa lakas ng impact niyan, nabuo ang grupong Powerboys. Sila ay sina Jay Salas, Geff Rodriguez, Greg Martin, Frank Garcia at ang parang leader nila, si Jordan Herrera

Eto lang yata ang bukod tanging grupo na walang itulak-kabigin sa mga miyembro. Lahat masarap! Regular silang napapanood noon sa Magandang Tanghali Bayan. Madalas eh half-naked ang drama nila. Nakakaganang panoorin habang lumalaps. 

Inspirasyon ko 'yang si Geff noong college freshman ako sa Accountancy. Sa kakapantasya ko yata, lumagapak akiz. Pamatay naman ang abs at accent nitong si Greg Martin. Keri lang naman si Frank Garcia at Jay Salas. Aarti pa ba me?

Pero si Jordan Herrera talaga ang pinakabongga. Runner-up sa Mossimo Bikini Summit 2002 at nagkaroon ng iba't ibang offer sa TV at pelikula. Matunog na matunog din ang name niya sa mga bakla. I wonder why? Hhhmmm...

Well, isang dekada na ang lumipas. Huli kong napanood si Jordan sa indie film na Big Night samantalang sa Sports Unlimited naman si Geff. Palagi niyang kapartner sa iba't ibang sports activities si Tisha Silang (may bitterness?). Occasional actor naman sa Kapuso si Frank Garcia na naging ex-jowa yata ni Sunshine Dizon. Wa na ko news sa dalawang natira. 

I-reminisce na lang natin ang kanilang kasikatan sa pamamagitan ng kanilang interview sa Starstudio Magazine noong September 2002. Right click at open in a new tab niyo na lang para mas malinaw ang image at text. 

Related Posts Plugin for WordPress, Blogger...