Wednesday, March 12, 2014

Sinakop

Tipong Pinoy hosts
Kapag walang cable na naka-tap sa balur mo, wala kang ibang choice kundi ilipat-lipat sa iilang istasyon ang TV mo at ganyan ako. Minsan pinagtya-tiyagaan ko ang mga lumang palabas sa IBC 13 lalo na ang magazine show nina Susan Calo-Medina at Wency Cornejo, ang Tipong Pinoy. Ang dami kong natututunan ukol sa kaugalian at kulturang Pilipino sa loob ng tatlumpung minuto. Dagdag kaalaman at nakakatuwang panoorin kasi 90's pa yata 'to ginawa. Wala pang abala kasi no commercial.

Production of Filipino komiks
Komiks seller

Paborito ko ang episode nila tungkol sa kasaysayan ng komiks sa Pilipinas. Namana pala natin ito sa mga Amerikano nang tayo'y kanilang sinakop. Isang uri ng aliw sa masang Pinoy dahil sa abot-kayang halaga. Noong una ay tapusan ang bawat kwento na ginawang serye para abangan at todong tangkilikin. Si Mars Ravelo ang tinaguriang pinakasikat na nobelista pagdating sa komiks. Alam naman natin na siya ang lumikha kay Darna, Dyesebel, Captain Barbell, Facifica Falayfay, Maruja etc. na lahat ay bonggang naisapelikula. Ininterview din sina Carlo J. Caparas at Pablo S. Gomez na kasing level niya sa kagalingan.

Mars Ravelo
One of the best-selling komiks
Pablo S. Gomez
Naikwento ko na 'to pero uulitin ko. Namiss kong bigla ang mga tindahan ng komiks na madalas naming daanan ni mama sa Muñoz kapag namamalengke siya. Lagi siyang bumibili ng Horoscope tapos Pinoy Klasiks sa akin. Buti na lang at may naitabi pa akong ilan. Panaka-naka ay may nagbebenta sa Recto. Meron din online pero tatagain ka sa presyo. Sana meron pa akong makita ganito.

2 comments:

  1. nung akong isang chikiting ang nais kong laging pinapapanood ay Travel Time ni Susan Calo-Medina. Para sa akin sya original travel diva.

    ReplyDelete
  2. Meron pa yata niyan hanggang ngayon ateng. Sa ANC tuwing Sabado.

    ReplyDelete