Tuesday, June 20, 2017

Nakabalandra

Kumustasa, mga ateng? Na-miss ko kayo nang bonggang bongga! Heto ako, subsob sa trabaho. Very quick lang na kwento, never kong na-imagine sa tanang buhay ko noong estudyante ako na ang magiging trabaho ko eh humarap sa numero at gumawa ng pie chart, graphs at analysis. Mahina ako sa Math at nunca kong pinagtuunan ng pansin ang Excel. But life is really surprising, heto ako't 'yan ang hinaharap everyday by Ariana Grande and I'm not complaining. Challenging pero kinekeri. Ganyan lang dapat sa buhay, de vaahhh?

Nalelerki ako sa patutsadahan nina Erwin Tulfo, Ed Lingao, mga ka-DDS at Kultong Dilawan sa FB. Kanya-kanyang kampo, ayaw magpatalo. Parang Katy Perry at Taylor Swift lang. Nakaka-stress basahin ang comments section. Minsan, na-type ko na 'yung sasabihin ko pero iisipin ko muna kung dapat ko bang i-comment. May makakaintindi ba sa punto ko o babarahin lang ako't pagbibintangang miyembro ng kulto? Kumbaga Juday vs. Claudine lang, hindi kasali si Jolina o 'di kaya, Nora vs. Vilma, etsapwera si Hilda. Hindi ba pwedeng pro-Pinoy at walang kinikilingang partido?

Sakay ako ng jeep pajuwelay noong Linggo. Huminto kami malapit sa pedestrian lane bilang naka-red light nang bigla na lang sumulpot sa harapan namin itong batang babae. Tantiya ko eh wala pang apat na taon ang edad, may bitbit na sampaguita at inaalok sa mga sasakyan. JUICE KO 'DAY! Hindi kineri ng puso ko ang eksena. Malapit lang siya sa aksidente. Ambibilis pa naman ng mga sasakyan ditey at daanan pa ng truck.

Hindi maalis ang mga mata ko sa kanya. Malaki lang siya ng konti sa gulong pero heto't kumakayod na. Nasaan ang magulang ng batang ire? Saktong may dumaan na truck sa likod niya. Baka mahagip dahil halos out of sight na siya ng ganung klaseng sasakyan. 'Di napigilang mag-komento ni manong driver. Ayun at nagturo pa ng ibang bata na nasa gitna ng kalsada, may bitbit ding sampaguita.

Nagdaan ang administrasyon ni Arroyo at PNoy and we now have Du30 at lagi kong tinatanong sa sarili ko, nakikita ba ng tao nila ang ganitong problema? Maliwanag na child labor at labag sa batas pero nakabalandra sa daan. Todong nakadudurog ng puso.

Habang busy sa bangayan ang iba, heto si nene... abala sa pagbebenta.

1 comment:

Anonymous said...

Kawawa ang bata. Nothing changes in pinas, haay.

Related Posts Plugin for WordPress, Blogger...