Monday, July 24, 2017

Bayo

EMERGENCY, MGA 'TEH! Damputin niyo ang pinamalapit na tabo at upuan dahil tiyak na maglalawa ang mga tigang na tilapya niyo. May bagong international male pageant na ginaganap sa Pinas, ang Man of the World. First edition itey at made in the Philippines kaya sure na bonggang competitive ang mga otokong kasali. Unang bayo pa lang ng mga kandidato, mala-Ondoy ang tagas ko. KALOKA!

Handa na ba kayo? Kung si Korina kanina pa, dapat kayo rin. Eto na sila, sasalantahin ang palaisdaan niyo...

Australia

Gibraltar and Philippines

Colombia

Guam and Korea

Egypt

Palestine and Puerto Rico

Japan

Malta and Moldova

Spain

Tweyni eight ang kasali at silang trese ang todong pumasa sa menu natin. Nanginginig ang katawang dyosa ko habang minamasdan ang mga litrato. Ang sasarap pagpantasyahan at iluklok sa dambana ng ligaya. Pinakamalasa sina Australia, Colombia, Egypt at Spain

Musculinity with Responsibility ang slogan ng patimpalak. Hindi ko bet kasi parang ipinilit ang rhyme pero sige na nga. First edition naman, baka baguhin next year. CHOS! According sa schedule of activities, pabalik na bukas ang mga candidates from Negros Oriental para sa charity auction at preliminaries bago ang finals on July 28 at One Esplanade. AMBILIS! Dapat mga 1-2 months ang itinatagal ng male pageants tapos 3 days lang sa mga merlat ahahahaha! 

Katulad ng ibang pageant, meron din online voting via FB. Click here at todong i-like and share ang picture nila.

Thursday, July 20, 2017

Praktikal

Can I Just Say:

Kung ako kay Nadine Lustre, talagang makikipag-live in ako kay James Reid. JUICE KOH! Kung 'yan ba naman ang katawan na uuwian ko gabi-gabi at fez na masisilayan tuwing umaga, aarti pa ba ako? Ayaw kong mapraning na baka landiin siya ng kung sino-sino. Dami pa namang kati perry ngayon. Mas mabuting bantay-sarado siya sa akin. CHOS!

Hindi man umamin, hindi rin itinanggi ni Nadine ang isyu. 2017 na daw kaya it's not new anymore. Siyempre, ang daming nakisawsaw sa kuda niya. Masama daw siyang impluwensiya sa mga umiidolo sa kanya at liberated masyado. May nabasa pa akong post na ini-link ang pagsasakripisyo ni Hesus. KALOKA! I'm sure mga basher niya 'yan. Kung basher ka, kahit ano pang sabihin ng tao, hahanap at hahanap ka ng mali dito.

For akiz, choice ng tao 'yan kung balak nilang magsama sa iisang bubong. Maging praktikal na tayo noh! Mas tipid sa gastusin kapag may kahati sa balur at bills. Tapos mas makikilala mo 'yung tao, kung ano siya sa bahay at totoong ugali niya. At least, makakapag-isip ka kung karapat-dapat ba siyang makasama habang buhay o pang-make out-make out lang.

Pero kung siya talaga ang makaka-live in ko...

...wala talaga akong kiyems sa sasabihin ng iba. Hinding-hindi ako matotomi. Kili-kili pa lang, ulam na. TSALAP!

Tuesday, July 18, 2017

#WeWantGrabUber

Tanong lang:


Saan nakuha ng LTFRB ang impormasyon na mas safe sa taxi, bus at jeepney?

NAKAKALOKA! Never pa yatang nakasakay ng public transpo ang mga kawani niyan at wit nila alam ang modus operandi ng mga kriminal. Patunay lang kung gaano sila kamangmang sa mga nangyayari sa daan.

For your information po mga ma'am at sir, sa halos araw-araw na byahe ko, lagi kong pinagdarasal na 'wag ko sanang makasabay ang dura gang, laglag barya gang, siksik gang, takip bag gang at kung anu-ano pang gang. Inoobserbahan ko muna ang mga pasahero, baka may kahina-hinalang pagmumukha. Kapag 'di ko bet, dedma na at mag-aantay ako ng iba. 'Yung mga aircon bus, dapat walang kurtina at maliwanag ang loob para kung magdeklara man ng holdap, pwedeng makita sa labas at baka sakaling may sumaklolo. Sa ordinary naman, 'wag dapat tutulog-tulog at baka tabihan ka ng magnanakaw. Masalisihan ka ng gamit mo. Isama pa natin ang mga naglipanang manyakis na walang hiya kung maniko ng dibdib ng babae. Kunwari may kukunin sa bulsa, gusto lang maka-tsansing.

Minsan lang ako mag-taxi pero dapat MGE, R&E o EMP dapat ang sasakyan ko or else, maya't maya ako titingin sa metro at baka simbilis ng gripo ang patak nito.

Hindi ako madalas mag-Uber o Grab dahil budget diva ang ateng niyo. Pero kung nagmamadali ako, sa Uber at Grab na ako. Mura na, safe pa, mabango pa at marami pang magagandang pa. GANON! Kung hindi alam ng LTFRB, isa-isahin natin ang advantages ng ride sharing apps na 'yan:
  • Safe dahil dumaan sa mabusising proseso ang pagpili ng drivers
  • Book anywhere basta may data connection ka at sakop pa ng geofence nila
  • Hindi choosy sa pasahero
  • Hindi pwedeng tanggihan ang drop-off location mo. Big NO NO NO 'yan sa kanila.
  • Kapag booked na, ibibigay sa'yo ang pangalan ng driver, type of vehicle at plate number nito
  • Susunduin ka sa pick-up location mo. No need rumampa sa daan para makarating sa sakayan. Nakaka-fresh!
  • Komportable at makakahinga ka. Hindi 'yung ipagsisiksikan mo ang puwitan para lang makaupo. Sabi kasi ni kuya barker, isa pa. Isang hita lang pala ang kasya. NYETA!
  • Pwede kang mag-book para sa iba. Eto ang ginawa ko dati sa tuwing may dialysis si mama. Kahit hindi ko siya masamahan, I know safe ang travel niya. I miss her everyday :'(
  • Garantisadong malinis ang sasakyan
  • Pwede mong i-rate ang serbisyo from 1-5 stars
  • Magagalang ang drivers. Tatanungin ka kung okay lang ang lamig ng aircon. 'Yung mga taxi, jusko parang pugon. Ayaw pa lakasan ni mamang driver ang aircon at kakain ng gasolina.
  • May navigation system. Automatic na iiwas ka sa traffic.
  • Bawal humingi ng dagdag bayad or else, pwede mo silang i-report. Sa taxi, 'di ka pa nakakasakay, nanghihingi na eh.
  • Kung suswertihin, may palibreng kendi o tubig sa loob
  • Kung mag-uberPOOL o Grabshare ka, may chance na makasabay mo si forever. CHOS! 
  • Mababango ang drivers. Hindi nanlilimahid. Walang amoy baktol. Kadalasan, ampopogi pa!
  • Hindi ka mapa-praning na baka bigla ka na lang pasukin ng masasamang loob sabay holdap kasi gumagana ang lock ng sasakyan. 
  • Ang pinakamaganda sa lahat, may customer service na pwedeng tumulong sa kung ano man ang issue mo. Agad-agad ang aksyon nila. Siyempre, exclusive lang sa ride experience mo. Hindi nila kayang sagutin kung bakit wala ka pang jowa. ARAY! POTAH! ANG SAKIT HUH!
Oh di ba, ang dami! Bakit hindi nila alam 'yan? Have they tried using the apps at naikumpara na ba nila sa ipinagmamalaki nilang jeep, taxi at bus? Questionable talaga ang panggigipit nila kaya wit mo rin maiwasang mag-isip ng kakaiba. Naiisip mo ba ang naiisip ko, ateng? Sa palagay ko nga.

Ang alam ko lang, we just don't want Uber and Grab, we need them to survive the road problems we face everyday.

Monday, July 10, 2017

Lumarga

Inaamin ko, malungkot ako. Halos ayaw ko nang pumasok sa trabaho dahil sa nararamdaman ko. Madalas kong maikumpara ang aking sarili sa iba. Bakit hindi ko magawa ang ginagawa nila? Pare-pareho naman kami ng posisyon. Tinamaan ako ng isekyuridad. Samahan mo pa na masisipag sila at ako'y may katamaran. Kasalanan ko rin naman.

Unti-unti nang lumalaki ang aking tiyan. Ang bewang kong dati at 28, ngayon ay halos umabot na ng 38. Kain kasi ako nang kain ng matatamis - banana que, salad, donuts, ice cream, pastries, samalamig at tsokolate. Ang mga pantalon ko, hirap ko nang isara. Ipit na ipit si chanda romero. Madalas maghuramentado. Bagsak ko ay sa banyo.

Gusto ko na ring mangibang bansa. Gusto ko ng ginhawa. Gusto ko ng karangyaan. Sino bang hindi? Pero hindi ganon kadali iyon. Mag-OFW ka man, kung hindi ka magsusumikap, wala kang patutunguhan. Hindi ko alam kung darating ang ganyang oportunidad sa ngayon, ang tanging magagawa ko lang ay manalangin na sana'y bigyan ng pagkakataon.

Kadalasan, hindi ko nakikita kung ano ang meron ako. Naghahangad ako ng kung anu-ano. Bili dito, bili doon. Tingin dito. Pili doon. Ubos-ubos biyaya, pagkatapos ay nga-nga. Ilang araw lang ang daraan, maghahanap muli ng panibago. Likas bang ganito ang mga tao? Siguro, dapat baguhin at mas maging matalino.

Walang magagawa ang pagmumukmok, sure 'yan! Kung nilukuban man ako ng kalungkutan, hindi ako papayag na ako'y kanyang pagharian. May paraan para maging masaya, may rason para ngumiti at lumarga. "Push mo 'yan 'teh!" ika nga ni Vice Ganda.

Thursday, July 6, 2017

Itinerary

Dalawang taon na ang nakararaan nang lumabas ang Breathe In. Breathe Out. album ni Hilary Duff at magpasa hanggang ngayon, waley pa rin akong kopya kahit bet na bet ko 'yan. Wit kasi ito nailabas sa Pilipinas dahil pili na lang ang mga album na ginagawang CD ngayon. Karamihan kasi ay sa Spotify na nakikinig o 'di kaya ay digital version ang binibili. Ewan ko pero mas bet ko pa rin talaga ang physical copy. Old school na ngang matatawag eh. KALOKA!

Bilang gogora naman akiz sa Hong Kong this September (I can't wait!), magresearch talaga ako online kung saan magandang rumampa doon para sa mga CD collector na tulad ko. Sana may Japanese version na available at may 5 extra songs compare sa standard version. May alam ba kayiz? Please let me know para maisama ko sa aking itinerary. Habang waley pa, let's enjoy her music and this is one of my favorites...

Tuesday, July 4, 2017

Rurok

Photo from cnnphilippines.com
Mga ateng, patuloy na dumarami ang bilang ng mga HIV/AIDS cases sa Pilipinas. According sa latest report ng Department of Health, 629 new cases ang naitala noong Abril, at 81.55% nito ay mga Millenials o nasa 15-34 years old. Rurok ng kalibugan! Itinuturong dahilan ang easy access sa internet, chat at dating apps. Tukso talaga ang mga iyan kaya dapat, strengthen the education on how to use the internet responsibly.

Although tutol pa rin ang simbahan at mga conservative peeps about sex education at pamumudmod ng libreng condom, I guess they need to know that these reports are alarming or siguro alam na nila but they are boxed sa kanilang paniniwala. They need to be more open minded on these issues and adapt to what the government and NGOs are doing to prevent the numbers in increasing.

At sa inyo mga ateng at kuya, hindi rason na wala kayong knowledge power sa HIV/AIDS. Kung nagawa niyo ngang i-swipe sa right ang picture niya, makipagpalitan ng message sa hindi kilala o gumawa ng alter account, I'm sure kaya niyong i-type sa Google ang mga katagang HIV prevention, Safe sex 101 and the likes.

Huwag din matatakot magpa-HIV test every now and then. Libre 'yan at very accessible kahit saan. Highly recommended ang Manila Social Hygiene Clinic sa Sta. Cruz, Manila, Love Yourself Anglo sa Mandaluyong at sa mga local health department ng inyong lugar.

Busugin ang sarili sa impormasyon then saka niyo i-fulfill ang sexual needs. GANERN! Eto pa ang very imformative video mula sa Rappler. Hindi fake news 'yan kaya 'wag kayong ano.

Monday, July 3, 2017

Ang Pila, Partido, Afam at si La Mudra

Photo from philstar.com
It's the second half of 2017 na, mga 'teh! Ambilis lumarga ng panahon. May hinahabol yata. CHOS! Sunud-sunod na rin ang pag-ulan at itinataon pa na bandang rush hour ang bagsak. Ayan, wala halos masakyan, trapik sa daan at sobrang haba ng pila sa sakayan. Kawawa si Juan na gagabihin sa pag-uwi at aagahan ang gising para 'di abutan ang bonggang pila sa MRT o UV Express. Para yatang palala nang palala ang sitwasyon. Totoo pala na "change is coming" pero hindi kami na-inform na for the worse pala. ARAY!

Naka-isang taon na si Du30 at VP Leni sa posisyon at sa trulili lang, ito na yata ang pinaka-kontrobersyal at maintrigang administrasyon. Hindi ko tuloy maiwasang ikumpara kina PNoy at Binay. Bagamat mula sa magkaibang partido, wit naman silang umabot sa patutsadahan at ka-cheapan.

Bet na bet ko ang katapangan ni Du30 pero ang mga taong nakapaligid sa kanya, akala mo kung sino. Hindi ko na iisa-isahin pa pero mga attitudero't attitudera. Imbes na pagbukludin ang mga Pinoy, parang sinasadya pang tayo'y watak-watakin. I hope sa social media lang itey. Alam niyo naman, ang tatapang ng iba sa comment section to the extent na pagbabantaan ang buhay mo pero duwag naman sa totoong buhay. I'm still hoping na sana, gumawa ng paraan ang ating mga pinuno para tayo'y magkaisa.

Todong inabangan ng sambayanan ang labang Pacquiao vs. Horn na sa huli, afam ang nagwagi. Infairness dito kay Jeff Horn, makulay din ang buhay. Na-bully noong bata na halos isipin niyang magpakamatay at tinukso-tukso din siyang "gay". Lahat nalagpasan niya at ngayon, siya na ang bagong WBO Welterweight champion. Kita mo nga naman, yurak-yurakan man ang iyong pagkatao, darating ang panahon na iaangat ka ng Diyos. I love his story and I love him na! Kaya lang may jusawa na kaya wit na!

Malungkot pa rin ako sa pagkawala ni La Mudra. Minsan, bigla ko na lang siya maiisip sa ibang tao o may maaamoy ako na magpapaalala sa kanya. Dinalaw nga niya ako last month sa panaginip, tatlong beses pa. Patawid daw kami sa EDSA tapos hawak niya ang kamay ko. Ramdam na ramdam ko ang haplos at yakap niya. Tila ba ginagabayan pa rin niya ako sa buhay. Laking pasalamat ko kasi pinayagan siya ni God na bisitahin ako. Ramdam ko, miss na miss na niya kami. I know she's just there at looking after us. I pray she'll visit me often kahit sa panaginip lang.