Todo sa Bongga

Giling

2012-01-28T09:47:00.001+08:00

Tatlong gay bar pa lang ang napapasok ko sa tanang beki life ko. Knowsline niyo naman, hindi na masyadong tinatangkilik ang lugar na 'yan nowadays ngunit subalit datapwat kulang ang kulay ng bahaghari kung hindi ka pa nakakakita ng mga macho in tight puki shorts and bonggang boots.

Dalawa sa napuntahan ko ay nasa kahabaan ng Sta. Cruz at Recto. Walking distance lang mula sa Isetann 'yung isa kung saan may im-tu-im on stage. Nakakawala ng ulirat! Winnie da poo din 'yung nasa Sta. Cruz dahil B-Y (sabay tapik sa baba) ang mga ohms nila. Sad to say eh ilang linggo o buwan lang sila nagtagal. Na-raid pa 'yung isa.

Sa Makisig na-divirginize ang aking mga mata. Twice na ako nakapasok dito at siyempre, may kasamang friends. Shyness naman kung solo flight akiz. Epek na epek ang mga dancers ditey. Todo giling sa mellow music nina Gary V. at Celine Dion. Ewan ko lang ngayon kung updated na ang playlist nila.

Matagal tagal na simula nang ako ay huling mapadpad dito ngunit hanggang ngayon eh makisig pa rin ang kanilang establisyemento na nasa kahabaan ng Timog Avenue. Hindi pa naman ito nire-raid ng Imbestigador kahit nasa iisang street lang sila ng GMA-7 kaya safe siguro ang pumunta sa lugar na itechiwara. Walang entrance fee pero bahala na kayong dumiscover kung swak sa bulsa ninyo ang drinks nila.

Pagtanda

2012-01-26T13:33:00.001+08:00

Mga 'teh, naisip na ba ninyo ang mangyayari pagtanda ninyo? Isa ba kayo sa mga baklang gustong magka-pamilya para magka-anak na pwedeng mag-alaga sa inyo kapag kayo'y uugud-ugod na? Paano kung hindi niyo bet makipag-lampungan sa babae? May iba pa ba kayong choice?

Minsan, narinig ko sa TV, ang alam ko si John Lapuz ang nagsabi, na maglalagay daw siya ng kama sa Golden Gays dahil doon siya titira kapag siya'y tumanda. Naging biro ko na rin 'yun minsan kapag tinatanong ako kung paano ako pagtanda ko. Ngayong mas may isip na ako, hindi ko alam kung mananatiling biro 'yun o hindi malayong maging katotohanan.

Bakla ako. Tipikal na bakla na hindi kayang makipag leps to leps sa babae. Mas lalo hindi ko kaya ang lamasin ang kanilang suso at dilaan ang kanilang tahong. Kahit hindi ko pa sinusubukan eh maisip ko pa lang, nakakasulasok na. So malabo akong magkaanak. Magkaroon man, hindi ko konsepto na alagaan nila ako at suportahan sa aking pagtanda. Hindi nila ako responsibilidad dahil may sarili silang buhay na dapat asikasuhin. Para lang naman 'yan sa akin.

May kaibigan si mudang, itago natin sa pangalang Monching. Lalaking lalaki ang dating. May bigote at buo ang boses. Bata pa lang ako eh kachokaran na siya ni mama. Pareho kasi silang mananahi. May kasama siya sa bahay, lalaki din. Dalawa lang sila doon. Hanggang sa lumaki ako, magkasama sila. Nito ko lang napagtanto, same boat pala kami. Ang swerte di ba?! Kaya lang, hindi kami pareho ng agos. Hindi ako tago. Ladlad ako.

Kung ako ang tatanungin, mas madaling makahanap ng makakasama ang isang tago. Pareho kasi sila. Kaya nilang sakyan ang isa't isa (literal at hindi). Sa isang tulad ko, hindi ko maatim na papatol ako sa kasing loud ko. Baka pareho kaming tumuwad at mag-antayan.

Ilan na rin sa inyo ang gusto na ako'y magkwento tungkol sa aking lovelife. Kung meron lang talaga, hindi ito ang mababasa niyo. Bokya. Zero. Wala. Sa edad kong 'to (26), hindi ko alam kung paano ang magka-jowa. Kaya kapag iniiyakan ako ng mga kaibigan ko tungkol sa paghihiwalay nila ng kanyang jowa, madali para sa akin ang sabihin na "kalimutan mo na siya", "move on ka na" o di kaya "may iba pang darating". Hindi ko alam ang feeling ng magmahal at ma-heartbroken eh. 'Yung mangarap na tumanda kasama ng isang minamahal at kung paano mawasak ang pangarap na 'yon.

Kaya sa tuwing naririnig ko at nababasa ang tungkol sa Golden Gays, hindi na lang si Markova (RIP) at si Justo Justo ang sumasagi sa isip ko. Parang nakikita ko na ang sarili ko. Hindi ko sinasabing malungkot ang mapunta doon pero 'yung thought lang na wala kang kasama sa buhay pagtanda mo, parang iba sa pakiramdam. Nakakalungkot kahit papaano.

Wala lang, naisip ko lang 'yan ng mapanood ko ito.

Parody

2012-01-25T12:30:00.000+08:00

Ang dami kong tawa sa parody version ng music video ng We Found Love ni Rihanna made in Bangkok, Thailand. Kuhang kuha ang video concept pati na 'yung ilang eksena. Mismong 'yung original singer eh baka mahiya sa bonggang emote ni atih habang kumakanta sa pader. Tiyak na maaaliw din kayo kaya eto panoorin niyo...

Komiks

2012-01-24T16:03:00.002+08:00

Lumaki ako na isa ang komiks sa pinaghuhugutan ng aliw ni mader dear. Tandang tanda ko pa na bawat linggo eh bumibili siya ng Horoscope kung saan mga artistang Pinoy ang cover sa bawat edisyon. Bukod sa kanyang horoscope na Pisces ay sinubaybayan din niya ang kwento ni Nimfa sa nobelang Sa Isang Sulok ng mga Pangarap na kalaunan ay ginawang pelikula nina Alice Dixon at Ariel Rivera.

Karay ako palagi ni mama kapag pupunta ng Muñoz para mamalengke at dahil bata, lahat ng magustuhan ko ay tinuturo ko at pinapabili. Nagkataon naman na sa komiks din ako nahilig kaya keri lang kay mama ang maaga kong bisyo.

Pinoy Klasiks ng GASI Publication ang paborito ko noon. Samu't saring kwento ng kababalaghan, drama, action at fantasy ang mababasa dito. Merong nobela na itutuloy at meron naman wakasan.

Kahit isang digit pa lang ang edad ko noon at hindi pa masyadong nakakaintindi ng drama sa buhay eh talagang sinubaybayan ko ang nobelang Lalaban Ako ni Elena Patron na iginuhit ni Rico Rival. Ako na yata noon ang pinakabatang fan nila.

Sayang lang at wala akong natirang kopya ng seryeng 'yan. Nasunog kasi ang unang batch ng koleksyon ko. Buti na lang at nagsama silang muli sa isa pang nobela. Ito ay ang Sino Ang Babaing Iyon? na lumabas sa pahina ng Pinoy Klasiks noong mid-90's.

Narito naman ang dalawa sa mga iginuhit na pabalat ni Sir Rico Rival...

As we all know, wala na sa sirkulasyon ang komiks. Unti-unti itong namatay noong early 2000's. Sayang at hindi natin napagyaman ang industriyang ito na nagbigay aliw at saya sa mga Pinoy sa loob ng ilang dekada.

Akma

2012-01-22T14:21:00.004+08:00

Ratsada ang byuti ko sa mga events ngayong buwan. Matapos ang meet and greet session with Ricky Lee noong Viernes ay gora naman ako kagabi sa premiere screening ng indie film na Bola. Siyempre saan pa ba 'yan gaganapin kundi sa UP Film Theater.

Kenneth Salva and Director Lem Lorca

Swak ang arrival ko dahil hindi pa nagsisimula ang movie kahit bonggang one hour delayed ang flight ko. Agad din namang nagsimula ang palabas matapos mag-opening spiel ni direk Lem Lorca.

Arnell Ignacio

Kakaiba ito sa karamihan ng napanood ko na. For the first time yata eh hindi sa dalawang brusko na nagka-inlove-an ang focus ng pelikula. Ipinakita dito kung paano magmahal ang isang bakla at kung ano ang kaya niyang gawin para sa napupusuan. Idagdag ko lang mga 'teh, disente ang karakter ng mga baklang bida sa istorya. Hindi ganid sa laman. PERFEK!

Jacob Miller (hangkyut!)

Isa pang napansin ko eh sakto ang mga linyang binanggit. Akma sa sitwasyon at napapanahon ang mga salitang ginamit. Walang TH factor. Minsan kasi, magugulat ka na lang kung saan napulot ng isang karakter ang mga pinagsasabi niya. Parang walang pinaghugutan, may masabi lang.

Photo op

Kahit baguhan sa mundo ng showbizness eh hindi nagpahuli pagdating sa aktingan sina Jacob Miller at Kenneth Salva kina Arnell Ignacio, Simon Ibarra (abangan niyo ang mga linya niya) at Suzette Ranillo.

After the screening

I highly recommend this movie (feeling Kris Aquino). 'Wag na 'wag niyong palalagpasin 'to kapag ipinalabas na sa mga sinehan. Talagang magugustuhan ninyo!

Autograph

2012-01-21T12:00:00.002+08:00

Kagabi ay nakipag-rubbing elbows ako sa batikang manunulat na si Ricky Lee. Oh de vaaahhh close kami. As in tight na tight ang aming friendship. CHOS! Aktwali, pumunta lang ako sa openbook event ng Freelance Writers Guild of the Philippines para makipagkwentuhan sa kanya. Siya kasi ang featured author nila for this month. Ginanap ito sa Chef's Bistro sa Tomas Morato at bitbit ko si Ateh Paul (my ever good samaritan friend na malapit nang magkaroon ng lovelife dahil sa kanyang kabutihan at busilak na puso).

Nag-kwento siya kung paano niya nabuo si Amapola at kung paano siya nagsimula bilang isang writer. Ang dami kong napulot na aral mula sa kanya. Bukod diyan eh napahanga rin ako sa pagiging todong humble niya. Noong una ay kinakabahan pa daw siya sa amin. Sa dinami-dami ng pelikula at awards niya, ni isang ere ay wala akong naramdaman sa kanya.

Ang mga nagsipagdalo eh pwedeng magbato ng mga questions. Noong una eh nagkahiyaan pa pero dahil wala ako niyan eh ask lang ako. Infernezzz, talagang mabait ang lolo mo. Chill chill after ng discussion at may nag-intermission number na bagets. May bonggang paraffle pa pero wiz kami nanalo.

Hindi na namin tinapos ang programa dahil maaga pa ang pasok ko kinabukasan. Ayaw ko namang umalis nang hindi napipirmahan ang kopya ko ng libro kaya kahit talk tv si emcee sa harap, lumapit ako sa mesa kung saan siya naroroon at humingi ng autograph. Nakangiti pa niyang tinanggap ang libro at tinanong ang aking pangalan. ANG SAYA!

Dibdiban

2012-01-19T09:20:00.002+08:00

Kung dati eh madalas kong fini-feature si Richard Pangilinan dahil sa kanyang likas na kasarapan, well nagbago ang ihip ng hangin nitong mga nakaraang buwan. Nagpahinga na kasi siya sa pagsali sa mga bikini contest at nag-focus sa kanyang pag-aaral para sa board exam. YES! I'm so proud of my baby (baby oh!). This is for our future! CHAR!

Nagbunga naman ng dibdiban niyang pagre-review dahil...

CONGRATS MY LOVE! ♥♥♥

Possibility

2012-01-16T11:17:00.003+08:00

Morning thought:

When you don’t ask, the answer is always NO. When you do, you create the possibility for a YES. --- MGG

So alam mo na ang gagawin mo 'teh. ☺

Bola

2012-01-14T11:05:00.000+08:00

Jacob Miller and Kenneth Paul Salva

Bonggang bongga ang pasok ng 2012 para sa mga panatiko ng indie films dahil Enero pa lang eh meron na agad handa pa sa 'tin. Bola. Oha! Sa title pa lang eh todong mananabik ka na. Ito ang unang pelikulang idinirek ni Lemuel Lorca, mula sa panulat ni Jerry B. Gracio na siya ring sumulat ng Muli.

The movie stars Arnel Ignacio, Simon Ibarra, Suzette Ranillo at ang nagbabalik na si Sofia Valdez. Bida dito ang mga baguhang sina Jacob Miller at Kenneth Paul Salva.

Ang director's cut ay mapapanood sa January 21, 2012 (Sabado), ala-siete ng gabi sa UP Cine Adarna. 200 pukekels ang tiket price.

Eto ang trailer slash music video ng pelikula:

Dalawang taon

2012-01-12T11:14:00.000+08:00

Mukhang hindi na mapipigilan ang pagpapatupad ng K+12 program ng Department of Education. Sa Hunyo na daw magsisimula 'yan. Ibig sabihin, dalawang taon ang madadagdag sa high school. Apat na taon ang junior high at dalawang taon ang senior high. KALERKS! Dagdag pasakit sa mga magulang na iginagapang ang edukasyon ng kanilang mga junakis.

Wala namang problema kung makakatulong 'yan sa paghinang ng utak ng kabataang Pinoy. Kaya lang...

Wasto na ba ang ratio ng mga estudyante at guro sa pampublikong paaralan?
Ang mga silid-aralan at upuan? Baka naman may nagka-klase pa sa hagdan.
Ang supply ng libro, 1:1 na ba?
Sina Ma'am at Sir, sapat na ba ang nakukuha tuwing kinsenas at katapusan?

Kulang pa 'yan pero kung hindi pa nila nareresolba ang mga problemang nabanggit, malamang na maging sakit lang sa ulo ang K+12 program.

Si Amapola sa 65 na Kabanata

2012-01-10T11:33:00.002+08:00

Iniwan ko sa taong 2011 ang pagbabasa ng mga romance pocketbooks. Nakaka-umay na kasi at hindi (pa) ako maka-relate. Kapag pinukol na ni kupido ang puso ko eh babalikan ko 'yan.

Kaya lang, ano ang babasahin ko tuwing sasakay ako ng MRT papuntang Makati? Eh hindi pa naman ako mapakali kapag walang binabasa. So ayun nga, naisip ko ang ikalawang nobela ni Ricky Lee, Si Amapola sa 65 na Kabanata.

Una kong nabasa ang scriptwriting manual ni Ricky (feeling close) na Trip to Quiapo at talaga naman marami akong natutunan. Siya din ang sumulat ng mga pelikulang Sibak, Burlesk King at Twilight Dancers.

While I was browsing and reading the first part of the book (nosebleed), hindi ko masyadong na-bet-an ang takbo ng istorya. Nalilito ako dahil na rin siguro nanibago ako sa kakaibang istilo ng kanyang pagsulat. Nasanay ako sa mga dialogue ng Precious Hearts (chos!) pero nakabawi naman habang patuloy kong binabasa.

Aktwali, hindi ko pa tapos ang libro. Lagpas na ako sa gitna pero hook na hook na ako sa istorya ni Amy at ang kanyang pakikipagsapalaran bilang manananggal. Hindi nito focus ang gay relationship at tawag ng laman. May social relevance pa. Hindi ko iku-kwento ng bonggang bongga pero kakaiba ito sa lahat ng nabasa ko. Straight to the point at walang paliguy-ligoy ang bawat salita.

At kung nagtataka kayo kung saan nagmula ang ating lahi, nako basahin niyo 'to nang malaman niyo. May libre pang bookmark na kasama.

Bungisngis

2012-01-09T10:33:00.001+08:00

Ang sarap gumising sa umaga! Imagine-in niyo na 'yung bedsheet ko puti tapos nakapulupot sa akin ang puting kumot. Didilat ako, ngingiti, babangon at mag-iinat. Lalapit sa floor to ceiling na glass window, hahawiin ang kurtina, magzu-zoom-in sa mukha ko ang camera sabay sisikatan ng araw ang makinis kong mukha. HUWAW! Coffee-mate commercial lang ang peg de vaaahhh?!

Pang-hapon kasi ang naging schedule ko sa loob ng apat na buwan kaya naman na-miss ko ng todo ang masarap na hatid ng umagang kay ganda. F na F ko ang freshness na dulot nito.

Mabalik tayo sa scenario ko. Habang pinagmamasdan ko ang tanawin sa labas ng bintana ay may yayakap sa aking likuran. Isang lalaki na may matipunong katawan. Tatawa ako tapos iikot paharap sa yumakap sa akin. Bubuhatin niya ako at ihihiga muli sa kama. Bubungisngis ako dahil kilig na kilig ang pepe ko.

Kaya lang, blanko 'yung mukha nung lalaki. Lagyan natin ng fes.

Hhhmmm sige, siya na lang...

Charlie Sutcliffe

ANG SARAAAAP NG UMAGA MGA 'TEH!

*photo from Missosology.info

Turista

2012-01-06T16:46:00.000+08:00

Fresh na fresh ang bagong campaign ng Department of Tourism para mas makahikayat pa ng mga turista na bisitahin ang ating 7, 107 islands.

Matatandaan na semplang sa mga mapanuring Pinoy ang naunang kampanya na pinamagatang Pilipinas Kay Ganda na kinopya lang daw sa ibang bansa. Napilitan tuloy mag-resign ang kakaupo pa lang na DOT secretary noon na si Alberto Lim.

Agad naman siyang pinalitan ni Mon Jimenez na magmula sa isa sa pinakamatagumpay na Ad Agencies ng bansa. Agad niyang inumpisahan ang pagkatas sa creative juices ng kanyang team kaya bongga ang kinalabasan.

Mukhang aprubado ang Its more fun in the Philippines at #1ForFun campaign na sa kasalukuyan ay trending topic na sa Twitter at pinag-uusapan na sa iba't ibang social networking sites. Makakatulong ito para todong tumaas ang bilang ng mga turista na tatapak at mamamasyal sa ating sinilangang bayan. More of them means more income to the Filipinos and its country. SUSYAL! Umi-English akiz! Praktisin natin 'yan para hindi tayo nosebleed kapag dumagsa sila.

Buhos

2012-01-05T17:47:00.001+08:00

Kawawa naman ang isa nating atih na located sa Nueva Vizcaya. Binuhusan siya ng boiling water ni fadir dahil wit nito bet ang pagka-beki niya. Hindi daw matanggap ni fadir na tatlo sa kanyang boys eh gurls. Grabe naman!

Hindi normal ang ganitong balita pero karamihan sa atin ay alam kung ano ang nararamdaman ni atih. Hindi man tayo nabuhusan ng kumukulong tubig eh ibang buhos naman ng diskrimisyon at pangungutya ang nararanasan natin. 'Yung ilan, mismong sa loob ng tahanan pa.

Mahirap na sarili mo pang kadugo ang hindi tatanggap sa pagkatao mo. Kaya nga nauso ang discreet gays de vaahhh?! Bawal magladlad or else may konsikwensiyang haharapin.

Hindi natin masisisi kung nais ipakulong ni atih si fadir. Sariwa pa kasi ang sugat. Maghilom man kaagad ang lapnos niya sa katawan pero matatagalan pa ang nasa kanyang puso't kalooban.

Tuyo

2012-01-04T20:03:00.000+08:00

Kagabi, para akong biktima ng kagutuman...

Ako'y uhaw na uhaw...

Parang aswang.

Nang makakita ng 'tuyo'...

Sinunggaban agad!

Matapos malamnan ang kumakalam na 'tiyan'...

May mga salitang binitawan.

Naghanap ng kasagutan sa katanungang...

Hindi mo ba ako babastusin?

Pwede ba?

2012-01-04T00:18:00.000+08:00

Dahil ilan sa inyo eh hiling na magkajowa na ako ngayong taon, ipinapangako ko na hindi na ako magiging choosy. Kapag andiyan na, grab the crotch este the opportunity agad. Nakakapagod din naman kasing maging El Niño sa panahon ng La Niña. Lahat nadiligan na pwera akiz.

Panahon na talaga para ako'y matalsikan ng ligaya.

Pwede bang siya ang mauna?

Prince Harry for GQ magazine (UK edition)

Ultimate

2012-01-03T21:56:00.000+08:00

This is the ultimate pasabog of 2012! Dinaig pa ang Goodbye Philippines at Bin Laden sa lakas ng dating. Shakira ako sa transformation ni Charice para sa Preview at yaman-yamanan ang aura ni ma'am Jinky sa Mega.

Sila ang buhay na patunay ng rags to riches na istorya. Pwede tayong yumaman mga 'teh. In short, magiging cover gurl din tayo in the future. CHARAT!

Madaming kumukuda na todo daw ang pag-photoshop sa kanilang dalawa. Nasobrahan daw sa smudge at pag-adjust ng skin tone. Well, parang nga. Hehehe...

Anyways, nasobrahan man o hinde, wapakels na tayo 'dun. Eh kung sa iyon ang mas ikagaganda de vaaahhh!?

Amin ka!

2012-01-01T14:35:00.001+08:00

Sa mismong araw na 'to, dalawang taon na ang nakalilipas, nang simulan ko ang pinakamasarap na blog sa kalawakan. It all started sa ideyang mag-eeleksiyon at balak kong okrayin ang mga campaign paraphernalias ng mga nagsisipagtakbo. Hindi ko akalain na higit pa roon ang magagawa ko.

Salamat mga 'teh sa dalawang taon na pagsama sa akin at pagtalakay ng iba't ibang paksa. Hindi man magkakapareho ang ating opinyon, hindi naging hadlang 'yon upang tayo ay maging isa.

Ngayong bagong taon, makakaasa kayo na mas marami pang masasarap na talakayan ang magaganap. Kahit ano pag-uusapan natin, seryoso man o hindi. Basta, hindi pwedeng mawala ang mga boys. Kumbaga sa sasakyan, sila ang gasolina natin.

Kaya humanda ka 2012 dahil... AMIN KA!

Version

2011-12-31T00:41:00.005+08:00

THIS IS IT MGA SHUPATEMBAS! Ilang oras na lang at 2012 na. Kapag ganitong magtatapos ang taon eh uso sa TV ang mga year-end specials kung saan nagbabalik-tanaw sila sa mga juicy events na naganap. Na-inspire akong gumawa ng sarili kong version kaya eto't namnamin natin...

Mga pelikulang bet na bet ko...

1. Beastly
2. Patayin Sa Shokot Si Remington
3. No Other Woman (naka-relate akiz)
4. Breaking Dawn

Siyempre mawawala ba ang indie films...

1. Taksikab (solb na solb sa director's cut)
2. Anton Tubero
3. Kape Barako
4. Private Nights

Mga pa ul-ul na kanta...

1. Teenage Dream ni Katy Perry
2. Super Bass ni Nicki Minaj
3. The Edge of Glory ni mother Gaga
4. Love on Top ni Beyonce

Babasahin na puno ng aliw at impormasyon...

1. Bakla-Bakla, Paano Ka Ginawa?
2. Beastly
3. Cosmopolitan Philippines (April 2011)
4. The Science of Advertising

Hindi mawawala ang mga ohms na nagpatibok ng pu(ke)so ko...

1. Mike Concepcion (mahal ko na talaga siya!)
2. Darren Criss
3. Kevin Zaldarriaga
4. Gianni Senasael

And last but not the least, Todo Sa Bongga's 2011 most commented posts...

1. Lahad (peace na tayo mga Marianatics)
2. Instant
3. Balakid
4. "Chocolates" at "De Lata"

BOOM BOOM PAK PAK NA 2012 MGA 'TEH! ☺

Humabol

2011-12-29T22:27:00.006+08:00

Ngayong araw ay natagpuang patay sa loob ng isang sasakyan sa Valenzuela City ang aktor at StarStruck alumnus na si Tyron Perez. Kasalukuyang iniimbestigahan ang rason ng kanyang pagkamatay. Bali-balita na suicide daw ang nangyari. Todong nakakalungkot naman ang balitang ito na parang humabol pa sa pagtatapos ng taon.

Knows na knows siya sa ating gay world dahil bukod sa angking kakisigan ay nakagawa siya ng ilang pelikula ng may temang kaseksihan tulad ng Twilight Dancers at Pipo.

May you rest in peace Tyron.

Regalo

2011-12-29T00:52:00.000+08:00

Ngayong taon ay sa opisina ko sinalubong ang Kapaskuhan. Bilang isang ehemplong pokpok sa telepono eh kailangan kong jumosok nang araw na 'yon. Nakauwi na ako ng pasado alas-dos ng madaling araw. Buti na lang at may nasakyan pa ako de vaahhh!?!

At kapag Pasko, uso ang gift giving. Share ko sa inyo ang ilan sa mga regalo ko...

Ispeyshal ang isang 'to dahil galing siya sa aking bestfriend na si Kriselda. Hindi ko pa siya naikukwento sa inyo. One of these days eh ipapakilala ko siya at ang aming history bilang magkaibigan.

'Yung nasa kaliwa ay ang natanggap ko mula sa exchange gift namin sa opisina. Buti naman at sinunod ng nakabunot sa akin ang wish ko. Akala ko kasi, coffeemate naman ang matatanggap ko this year dahil kape ang niregalo sa akin last time.

Worth 300 pesos ulit at naghanap talaga ako ng sakto lang. Hindi ko kasi bet 'yung mga humihiling ng ganito ganyan pero ang presyo eh lagpas sa pinagkasunduan. Mas lalong hindi ko feel 'yung mga naglalagay sa wishlist ng "babayaran ko na lang 'yung sobra".

Hindi naman regalo sa akin 'yung nasa right. That is my bonggang gift for my mudrakels. Matagal na siyang may diabetes pero ngayon lang ako nakabili ng panukat sa kanyang blood sugar. Buti na lang at discounted siya sa eBay Kuponan with free shipping pa. Hindi ko pa nga lang nasusubukan dahil syokot ako sa dugo.

Wala lang picture pero bago magpasko ay may early gift si Ateh Paul sa akin na isang shoulder bag na may fes ni Mariah Carey. Fan na fan lang ang peg. I also received chocolates from an officemate at personalized keychain from my super friend JB.

Lumago

2011-12-28T18:32:00.001+08:00

"Humarap ka kapag kinakausap kita!

Itong tandaan mo, wala pang taong hindi rumespeto sa pangalang Magnolia Dela Cruz.

At ang hindi marunong kumilala sa aking pangalan ay aso lamang!"

Unang beses na may kulay ang movie poster na aking gagamitin sa pelikula ni Ate Guy. Bilangin Ang Bituin Sa Langit na ipinalabas noong 1989 ang aking latest na napanood. Unang beses ko din mapanood si La Aunor at Pip sa isang pelikula. Matagal na akong may kopya nito pero hindi gumagana sa DVD player. Inantay ko pang makabili ako ng bagong player bago ko mapanood.

Noli ang pangalan ng karakter ni Ate Guy na short for Magnolia. Isang batang babae na nangarap maging valedictorian subalit naunsyami dahil si Anselmo (Tirso Cruz III) ang nakapagtapos na may pinakamataas na parangal salamat sa impluwensiya ng nanay niya na si Doña Martina (Gloria Romero). Hindi siya nawalan ng pag-asa at ipinagpatuloy ang pag-aaral habang nagta-trabaho bilang labandera. Gustong gusto ko ang mga pelikulang nagpapahalaga sa edukasyon kaya bet ko ang mga eksenang ganito.

Nag-umpisa ang aberya ng magkasakit ang kanyang itay at gipitin sila ni Doña Martina dahil nakasangla dito ang kanilang lupain. Todo bigay si Ate Guy sa eksena kung saan pinapatigil ng sakim na doña ang irigasyon sa kanilang lupain. Kebs si Ate Guy kesehodang maputikan siya. Palakpakan!

Nagsumikap si Noli na pagyamin ang natitira nilang lupain. Nag-aral siyang muli at nakilala sa isang klase si Arturo (Miguel Rodriguez). Nabighani si tisoy sa gandang kayumanggi. Nakakakilig silang dalawa!

Unti-unting lumago ang kabuhayan ni Noli hanggang siya ay yumaman. Payment siya ng pagkakautang kay doña. Mas bumongga ang kanyang yaman nang magpakasal sila ni Arturo. 'Yun nga lang, may nangyari sa kanila ni Anselmo sa kakahuyan at siya ay najontis. KALERKS!

Mahaba-haba pa ang itinakbo ng pelikula pero imbes na gumanda eh chumaka ang istorya. Na-deds si Arturo tapos biglang tumanda sina Noli at Anselmo. May tag-isa silang anak na sina Ate Guy at Pip din ang gumanap. Nagka-inlove-an pero pinigilan dahil sila'y magkapatid na sa bandang huli at nagpakamatay sa pamamagitan ng sumabog na sasakyan. After ng libing, ikinasal ang kanilang mga magulang. Ang gulo!

Knowing La Aunor, walang itulak-kabigin pagdating sa aktingan. Magaling din sina Tirso Cruz III, Perla Bautista at Gloria Romero. Aliw factor sina Beverly Salviejo at Flora Gasser. Hindi ko lang bet ang bandang dulo ng pelikula. Parang minadali at humina ang impact ng istorya.

Galante

2011-12-27T18:08:00.003+08:00

Madaming kumukuda na masungit akong tingnan. Latest na nagsabi diyan ang ka-opisina ko at isang masahista sa Tomas Morato. Isa siguro 'yan sa mga rason kung bakit witchells akez magkajowa ever! Kaya next year, pag-aaralan kong mabuti kung paano magmukhang mabait, maging matimtiman at malumanay magsalita. 'Yung tipong masikip na masikip sa todong pagka-virgin.

Once na magka-jowa ako, magiging galante ako at kakalimutan ko ang pagiging makunat. Sa unang weeksary namin eh bibilhan ko siya ng bonggang ketay. Mind you, brand new ang babaylahin ko at hindi second hand mga 'teh. Siyempre papipiliin ko siya ng gusto niya at meron siyang apat na choices...

a. Cherry Mobile
b. My Phone
c. Torque
d. CD-R King

Kaya boys... come to me next year. Pleeees...

Special

2011-12-24T20:45:00.000+08:00

MALIGAYANG PASKO MGA 'TEH!

Special mention sa mga nagta-trabaho sa araw ng bisperas tulad ko, mga Pinoy abroad na naglipana sa bawat sulok ng mundo para kumayod at mga shupatembang walang otokong kayakap. ARAAAYYY!!! Ikain na lang natin 'yan at solb pa tayo. Walang rason para malumbay. Ligaya lang!

Pabalat

2011-12-23T18:13:00.000+08:00

Bonggang bongga ang December 2011 - January 2012 issue ng People Asia magazine. Tatlo sa mga Pinoy na nag-uwi ng tumataginting na karangalan ngayong taon ang nasa pabalat.

Una diyan si Manny Pacquiao at Shamcey Supsup. Undisputed sa kanyang posisyon si Manny bilang hari ng boksing samantalang third runner-up naman si Shamcey sa Miss Universe.

Kasama pa rin si Manny Pacquiao sa version 2.0 ng cover and this time, si Gwendolyn Ruais naman ang kasama niya. Noong 1993 pa ang last time na nag-place tayo as runner-up sa Miss World kaya madami ang natuwa nang itanghal na first princess noong Nobyembre si Gwen.

Ang chika, dapat daw ay magkakasama silang tatlo sa iisang cover kaya lang wiz pumayag ang handlers ni ateh Shamcey. Kaya ang final verdict, dalawang cover for this edition! Mas bongga!

Mister International 2011 winners

2011-12-21T17:48:00.002+08:00

KONGRACHULEYSHONS sa mga winners ng Mister International 2011.

Fourth runner-up si Marco Djelevic Virriat ng Sweden (kilig keps), third runner-up si Lê Khôi Nguyên ng Vietnam (achooo!), second runner-up si Steven Yoswara ng Indonesia at first runner-up naman si Martin Gardavský ng Czech Republic.

Bonggang winner si Cesar Curti from Brazil. Looks family siya mga 'teh dahil nakatuntong na rin siya sa ating bansang sinilangan at gumawa ng ilang tv commercials tulad ng Coffee Mate at Cobra.

Entra naman sa top 16 ang ating pambato na si Fhrancis Oliver Lopez. Kabog! 2011 is the year of semifinalists ng mga pambato natin sa iba't ibang kompetisyon. Sana nek time eh todong win na tayesh.

*photos from Missosology.info

Walang Adan

2011-12-20T20:39:00.000+08:00

Ilang araw nang pa ul-ul sa media player ko ang awiting Love On Top ni ateh Beyonce. Talagang bet na bet ko ang bawat liriko kahit hindi ako nakaka-relate sa mensahe nito. Kanta kasi ito ng isang babae sa kanyang iniibig. Eh loveless ako. AMP! Keri lang 'yun dahil certified top naman ako. CHAROT!

Dahil isa akong eba na walang adan, iaalay ko na lamang ang awiting ito sa mga lalaking pinantasya at pinapantasya ko. Marami-rami din 'yun so hindi ko alam kung sino sa kanila ang pipiliin ko. Kayo na lang ang pumili at bibigyan ko kayo ng choices.

♫♪ Baby it's you
You're the one I love
You're the one I need
You're the only one I see

Come on baby it's you

You're the one that gives your all
You're the one I can always call
When I need you make everything stop
Finally you put my love on top ♪♫

Love on Top is a single from Beyonce's 4th album '4'.

*photo by Boyet Ocampo.

Dasal

2011-12-17T18:14:00.006+08:00

Ipagdasal natin ang ating mga kababayan na todong nasalanta ng bagyong Sendong lalong lalo na ang mga pamilyang nalagasan ng buhay dahil sa pagbulusok ng matinding baha :'(

Maaari tayong mag-donate sa Red Cross sa pamamagitan ng atin cellphone. Just text RED [space] amount of donation at i-send sa 2899 (Globe) o 4143 (Smart). Sa cellphone load ibabawas ang donasyon. Tulong tayo mga 'teh.

Mister International 2011

2011-12-16T00:36:00.002+08:00

Wala pang Noche Buena pero todo na ang kabusugan ko sa dami ng masasarap na putahe sa Mister International 2011. Ito ay kasalukuyang ginaganap sa Bangkok, Thailand at sa December 17 ang grand finals. Si Fhrancis Oliver Lopez ang pinadala ng ating inang bayan. Tama ang nabasa niyo mga 'teh, may letter 'H' sa kanyang pangalan.

Sa dami ng handa, hindi lahat ay maaaring tikman. Baka maimpatso ang byuti ko. Hating kapatid tayo sa masasarap na handa mga 'teh. Eto oh, lasapin niyo...

Philippines (panalo!)

Korea (hangkyut!) & Sweden (the suso... bow!)

Norway (David Beckham ko)

Slovak Republic (raaarrr!) & Spain (tsup tsup)

*photos courtesy of Missosology.info

Balakid

2011-12-14T17:30:00.001+08:00

Walang katapusan ang kaguluhan sa gobyerno. Matapos mapigilan ang sweet escape ni Ateh Glo, eto't gusto namang tanggalin sa puwesto si Chief Justice Renato Corona. Tumataginting na 188 na kongresista ang bumoto para siya'y ma-impeach.

At ngayong araw nga, nagdeklara ng court holiday ang ilang korte sa bansa para magprotesta sa panggigipit diumano ng gobyerno sa kanila.

Obvious naman ang dahilan kung bakit gustong patalsikin ni PNoy si Corona sa pwesto: Isa siyang malaking balakid para makamit ang hustisya laban sa nagdaang administrasyon.

Hindi ba't bonggang isyu noong isang taon ang pagkakaluklok niya sa kanyang pwesto bilang midnight appointee ni Ate Glo.

Powers naman ng kahit sinong pangulo ang maghirang ng midnight appointee NGUNIT mawawalan na ito ng bisa dalawang buwan bago matapos ang kanyang termino.

ARTICLE VII, Section 15: Two months immediately before the next presidential elections and up to the end of his term, a President or Acting President shall not make appointments, except temporary appointments to executive positions when continued vacancies therein will prejudice public service or endanger public safety.

Ang coronation night ni Corona ay noong May 12, 2010, dalawang araw matapos ang presidential election. Maliwanag pa sa kili-kili ko na mismong ang dating pangulo ang sumuway sa ating konstitusyon. Kaya naman pala todong dumadami ang mga kriminal. Pangulo pa ang nangunguna sa hindi pagsunod sa batas. AMP!

Dati, hindi ako naniniwalang bulok ang sistema ng hustisya sa bansa pero ano 'to ngayon. Alam naman nila simula't sapul na iligal ang nangyari, bakit kinakampihan pa ng iba. Dahil sa lintek na court holiday na 'yan, for sure eh may mga trabahong nabalam imbes na umusad.

Lakas

2011-12-14T00:54:00.001+08:00

Hindi ko maintindihan ang klima ngayong kapaskuhan. Minsan sobrang lamig na sinabayan ng makapal na hamog. Halos hindi mo na makita ang matatayog na gusali. Minsan, todong alinsangan sa katawan. Ang lagkit sa pakiramdam. Mabuti sana kung ibang klaseng lagkit 'yun eh. CHOS!

Sa kakagalugad ko sa malawak na kaharian ng Facebook, may isang otokong pumukaw sa aking pihikang panlasa. Pamilyar na siya dahil nakagawa na siya ng ilang bonggang fashion shows at TV commercials. Ilang beses ko na rin siyang nakita ng personal sa Cosmo Bachelor Bash.

Ipinakikilala ko si Cris Lomoton at ang kanyang cobra...

Kung ganyan ba naman lahat ng cobra, walang baklang matamlay. Dilat at tunay ang lakas magdamag!

*photos by Paul Cortes and Mark Alvarez

Kuha

2011-12-13T17:13:00.003+08:00

Parang nalito ako bigla nang makita ko sa cover ng Playboy si Lindsay Lohan.

Lumihis ng landas ang isipan ko.

Sinearch ko pa ang ibang kuha niya sa magazine.

Kaka-tense.

Tapos tinanong ko ang sarili ko...

Ano na ang gusto mo?

Evening Gown o Barong Tagalog?

YAY!

Pinatay

2011-12-10T23:42:00.002+08:00

Lunar eclipse ngayon. Lumabas ako sa balkonahe at nakita ang kagandahan ng buwan. Konti lang ang maliwanag pero kita ang kabuuan. Dahil diyan, isusuot ko ang aking paboritong nighties, magsasalin ng gin bulag sa kopita, lalagyan ng yelo at lalapit sa bintana. Mangangalumbaba sa pasimano at tititigan ang buwan. Mag-iisip ng malalim at babalikan ang nakaraan...

Original post date: Monday, June 1, 2009 at 11:31pm

Where: Multiply

Title: Edukasyon

Napanood ko kagabi yung Book To School ni Sandra Aguinaldo sa I-Witness at maraming tanong ang nabuo ko sa isip ko. Ayon sa kanyang ulat, DepEd ang may pinakamalaking budget sa mga sangay ng gobyerno. Pero...

Bakit may ilang paaralan na ilang libro lang ang napapadala ng DepEd?

Bakit lumang luma na ang librong ginagamit ng ilang estudyante?

Bakit tuwing ikalimang taon lang nila papalitan at padadalhan ng bagong libro ang mga paaralan sa malalayong probinsya?

Bakit apat na guro lang ang nagtuturo sa isang eskwelahan na may higit 400 estudyante?

Bakit hanggang ikalimang baitang lang ang pwedeng i-offer ng isang paaralan?

Bakit dalawang libo lang ang sweldo ng isang guro?

Bakit ang silid aralan ng mga mag-aaral eh butas butas at ang sahig eh lupa???

Bakit walang upuan at maayos na pisara sa loob nito?

Bakit ang mga batang nais makapagtapos eh hindi ito nagagawa?

Bakit iba ang pagpapahalaga ng mga bata sa pag-aaral sa probinsya kumpara dito sa siyudad?

Nasagot ng ilang opisyales ng DepEd ang ilan sa mga katanungan ko pero bakit hindi ko matanggap ang sagot nila? Parang hindi katanggap-tanggap para sa isang indibidwal na tulad ko.

Hindi naman nakakatakot yung palabas pero hindi ko na natiis panoorin, pinatay ko na lang yung TV.

Sana makatulong tayo kahit papaano, sa kahit anong paraan.

Kaliwa

2011-12-09T20:48:00.000+08:00

Oo, gwapo silang apat...

...pero 'yung nasa kaliwa ang dumukot ng puuuuuso ko.

(sabay ipit ng buhok sa likod ng tenga)

*photo from chuvaness.com

Daliri

2011-12-09T16:50:00.000+08:00

Tanong lang:

One size smaller ba ang pipiliin kapag bibili ng Havaianas?

Madami kasi akong nakikita na kapag 'yan ang suot eh lagpas sa tsinelas ang mga daliri nila sa paa. O baka naman talagang mahaba lang ang daliri nila?

Tuloy

2011-12-08T19:38:00.003+08:00

Tuloy na tuloy na sa December 18 ang batch 4 ng Love Yourself Photoshoot. Hindi kasi ito natuloy noong November 20 pero ngayon eh wala nang makakapigil pa.

Perfect na regalo ito ngayong Pasko para sa'yo at sa iyong minamahal. Bukod diyan eh makakatulong ka pa dahil ang proceeds nito ay for the benefit of The Love Yourself Project.

Go na and register here.

Yapos

2011-12-06T20:22:00.003+08:00

Excited ako sa tuwing dumarating ang Christmas party ng kumpanyang pinapasukan ko. Simula 2007 kasi, lagi akong nagbibihis mujer sa ganitong event. Pinaplano ng maigi kung ano ang isusuot at fino-forecast kung ano ang magiging itsu. Siyempre, damay diyan ang mga fwends ko.

At noong Linggo nga ay ginanap na ang biggest event of the year. CHOS! Hollywood icon ang tema ng party. Nagsama sama ang mga beki at nagpatalbugan para maitanghal na bonggang Diva of the Night. May 5 kwit na premyo kaya A for effort ang mga bekla.

Shanelle in kabugerang Victoria's Secret outfit...

Mikee in fenk wings Victoria's Secret outfit...

Steph in Cinderella outfit (minus the glass shoes)...

Alice in talk-to-my-boobey outfit...

At si Kim Kardashian (feelingera)...

Si Steph ang nagwagi ng gabing iyon kaya umuwi kaming butas ang bulsa. Pero dahil nagkalat ang ohms ng gabing iyon, aurora sevilla ang mga bakla.

Si Shody...

Sa mga nagtatanong dati kung sino si Adrian, eto siya (kilig!)...

Masikip sa dibdib...

Mabenta si Shanelle...

Bella Flores inspired kilay...

Boss namin (pengeng bonus)...

Hindi pa nag-uumpisa ang party pero nakita ko na siyang todong nakatingin sa akin. Katabi niya sa table si boss. Kebs sa kahihiyan at konserbatibong kaugalian. Wala nang kiyeme, kinalabit ko siya at nagpa-fecture sa kanya. Nilubos ko na rin ang pagkakataon at siya'y aking niyapos.

LOL!

2011-12-03T23:04:00.001+08:00

Dear Mayor Herbert Bautista and Vice Mayor Joy Belmonte,

MARAMING MARAMING SALAMAT PO sa tulay na inyong ipinagawa na ilang buwang nakatengga. Tinatanaw po naming malaking UTANG NA LOOB ang alay niyo. Sa wakas, hindi na kami makikipag-patintero sa mga bus at trak na dumadaan sa Mindanao Avenue. Sana po naki-join kayo sa amin before. CHOS!

Ibang level po ang kasiyahang dulot ng INYONG proyekto. Natutuwa po kami at naisip NIYO na gawin ang tulay tao na ito para sa ligtas na pagtawid.

Oo nga po pala, ang GWAPO at GANDA niyo sa karatulang ito. Infernezzz, naisingit pa ang PAGMUMUKHA ninyo. Hindi pa yata sapat na ang laki-laki na ng mga letra ng pangalan niyo. Ayaw din magpatalo ni kapitan at MAS MALAKI ang fecture niya. Baka ma-insecure kayo.

Muli, sampu ng residente ng barangay na ito, MARAMING MARAMING SALAMAT PO at ang galing ninyo. Alam ko pong marami pa kayong proyekto na ipapatupad na selyado hindi lang ng inyong pangalan kundi kasama na ang pagmumukha ninyo.

Isa pa po... MARAMING SALAMAT PO!

Nagmamasarap,
Bb. Melanie

Beautiful

2011-12-01T23:26:00.000+08:00

Beautiful photos of beautiful people.

Please like Lonliwen's Facebook page here.

Protect

2011-12-01T20:52:00.000+08:00

World Aids Day ngayon mga 'teh. Alam niyo na ang dapat gawin para hindi na kumalat 'yan. Para sa acute kakatihan, use mariang palad. For higher level of itchiness, use Trust, Lick or Frenzy.

Enjoy life as you enjoy sex. Protect yourself all the time.

Lupalop

2011-11-30T19:41:00.001+08:00

Sa Sabado na malalaman kung kaninong ulo ang susunod na puputungan ng korona para maging Miss Earth 2011. Walumpu't limang dilag na nagmula pa sa kung saan saang lupalop ang magtatagisan sa UP Theater.

Isa ang Miss Earth sa apat na grandslam beauty pageants (Miss Universe, Miss World at Miss International) sa mundo kaya madami ang nag aabang dito. Ito lang ang bukod tanging patimpalak na si Mother Earth ang bonggang concern kaya makakaasa ang manonood na hindi lang pisikal na anyo ang basehan sa mananalo. Kasama diyan ang kanyang adbokasiya para sa ikagaganda ng mundo. TARUSH!

Tulad ng dati, meron na akong mga paborito para manalo. Eto sila...

Kelly Kamwelu ng Tanzania. Sumali na siya sa Miss U at Miss International this year pero olats ang lola niyo. Pero kahit ganun, never say die ang byuti niya. Go lang nang go, fight lang nang fight! Pwede siyang endorser ng Globe. CHOS!

Caroline Medina ng Venezuela. Basta galing sa bansang 'yan, siguradong dyosa.

Renate Cerljen ng Sweden. Nakakahumaling ang kanyang ganda na sinabayan pa ng sweet smile. Pero 'wa epek sa akin dahil babae din akesh.

Nina Astrakhantseva ng Crimea. First time kong marinig ang pangalan ng bansang 'yan. Parang ang bango bango niya sa kanyang national costume.

Sarka Cojocarova ng Czech Republic. Todong favorite siya para manalo sa taong ito. Siya din ang itinanghal na Best in Swimsuit.

Ilang araw na lang at may bago nang kokoronahan. Ating abangan kung sino ang susunod na mangunguna sa pangangalaga kay inang kalikasan.

*photos courtesy of OPMB.

Inakala

2011-11-29T20:37:00.000+08:00

Matapos ang ilang araw na pagmumuni-muni, inakala kong magtatagal ang aking naramdamang kadiliman. Salamat sa payo niyo mga 'teh at lumiwanag ang kalangitan. Nakatulong din ang paglabas ko kasama ang aking mga kaibigan. Hinarap ko na rin ang isang bagay na kinatatakutan ko. Kung ano man ang resulta, pabor man sa akin o hindi, tuloy pa rin ang buhay.

Pero sinubok muli ang katatagan ko noong linggo. Prenteng nakaupo lamang ako at pinapanood siya mula sa malayo. Inakala kong matibay na ulit ako ngunit hindi pa pala. Naging marupok ako sa ilang mga eksena na nakaganito lang siya...

Naramdaman ko ang mainit na likidong sasambulat sana sa fake fake pero pinigilan ko at baka magtaka ang mga tao kung bakit baha sa loob ng sinehan. CHAR!

Lintek na Bella 'yan! Wala na siyang ibang ginawa kundi ang lumandi. Woman on top pa siya. AMP!

Manhid

2011-11-27T00:48:00.000+08:00

Minsan nararamdaman ko na mas matanda pa ako sa tunay kong edad. Pagod na ako agad. Gusto kong sabihin na kaya ko 'to, na malalagpasan ko rin ang lahat pero dumarating sa puntong ayaw ko na.

Gusto kong makatulong sa abot ng aking makakaya. Kung minsan nga, kahit hindi eh kinakaya ko pa rin. Matatag ako. Alam ko 'yun. Hindi ko lang maramdaman iyon ngayon. Biglang naglaho ang matibay na Melanie. Mahina at marupok na bakla ang nababasa niyo ngayon.

Tao lang ako na nagfi-feeling dyosa. Nasasaktan. Natatakot. Nagsasawa. May maliit na boses na nagsasabing subukan ko pa rin kahit ilang beses na akong nadapa at pinagsaraduhan ng pintuan.

Pag-iisipan ko muna ng mabuti bago ako sumubok at gumawa ng desisyon. Namamanhid na yata ako sa rejection.

Pasensya na.

May pinagdadaanan lang.

At hindi ito tungkol sa lablayp.

Wish ko lang.

Are you...

2011-11-26T20:41:00.000+08:00

Click here for more information.

Mestizo & 4some

2011-11-25T00:27:00.001+08:00

Sagana ang buwan ng Kapaskuhan para sa 'sangkabaklaan dahil bukod sa 13th month pay at Christmas bonuses ay dalawang gay indie films ang ipalalabas next month.

Una diyan ang director's cut premiere ng Mestizo, A Beautiful Boy ng Goldmine Entertainment Productions sa December 9 in UP Diliman. Limang ohms na 'sing kinis at puti ng labanos ang bida dito. Dalawa sa mga ito sina Mygz Molino (Id'nal) at Richard Bradley. Bet na bet ko ang mga tisoy kaya para sa akin ang pelikulang 'to.

Watch niyo ang trailer dito at baka magwater din kayo tulad ko. Andiyan na rin ang detalye kung paano makakakuha ng tickets.

Miss niyo na ba si Jeff Luna ng famous indie films na Libido at Darang? Pwes, mapapanood na ulit siya via 4some directed by Han Salazar. The movie also stars Pauline Subido, Jhoy Ortiz, Marklen Trinidad at Isakhani Duckert. Showing in selected theaters on December 14.

May naaninag ako sa teaser ng pelikulang ito kaya kung gusto niyong malaman kung ano 'yon, panoorin niyo dito. DALI!

Galore

2011-11-23T21:02:00.001+08:00

Blue

Jeff Timmons

OH MY GULAY! Magko-concert ang A1, si Jeff Timmons ng 98 degrees at ang UK boyband na Blue sa February 25, 2012 sa Smart Araneta Coliseum. Boyband galore from my high school days. Mahihimatay yata ako sa news na 'to lalo na't patay na patay ako kay Lee Ryan noong high school pa magpasahanggang ngayon. Makikita ko na rin siya in flesh. OH LA LA!

Sa Sabado, November 26 pa ia-announce ang price ng concert tickets. Wish ko lang na abot kaya ang halaga nang sa gayon ay makapunta naman ang maralitang tulad ko. Pag-iipunan ko talaga yan limang piso kada araw para masaksihan ang kanilang konsyerto. Actually, sa Blue lang ako excited. Kebs sa A1 at kay Jeff Timmons though masarap din sila.

Sa Ticketnet makakabili ng ticket so kung excited kayong tulad ko, watch tayo nito next year.

Libot

2011-11-22T23:38:00.002+08:00

Gora ang byuti ko last Sunday sa Intramuros, Manila. Feelingerang dayuhan ako sa sariling bayan dahil ilang beses ko pa lang napupuntahan ang historical place na itey. College pa yata ang huling punta ko dito para mangalap ng ad rates ng mga newspaper at tabloid. Todo lakad ang ginawa ko mula underpass sa Manila City Hall hanggang sa makarating ng San Agustin Church.

Hindi ko naman naisip na meron palang museum sa loob nito. May iba't ibang exhibit na may kinalaman sa kasaysayan ng ating bansa. Una kong napasok ang exhibit ng mga santo na gawa sa ivory ang ulo at kamay. Nakakamangha dahil ilang daang taon na pala ang edad ng mga nakita ko. Bonggacious din ang mga suot na damit na gawa sa mga mamahaling materyales.

Hallway of San Agustin Church

Naikot-ikot pa ako sa loob nito habang busy ang loob ng simbahan dahil sa sunud-sunod na kasal. Hindi ko tuloy maiwasang pagpantasyahan na sana'y maikasal din kay prince charming. 'Yun nga lang at wala pang akong nakikilang prinsipe. AMP!

Madaming paintings na malaki pa sa tao ang nakasabit sa hallway ng museum. Inisa-isa ko ang bawat madaan ko dahil minsan lang naman ako makakita ng mga 'to. Ang galing lang talaga ng mga taong biniyayaan ng talento sa pagguhit at pagpinta.

Panaka-naka ay may nasasalubong akong mga Koreano, Intsik at blondies na lumilibot din sa loob ng museo at simbahan.

Hapon na ng matapos ang aking paglilibot pero dahil maliwanag pa ang kalangitan, sinulit ko na ang araw at pinuntahan ang Fort Santiago. Mas maraming dayuhan ang narito. Panay ang kuha nila ng mga litrato para siguro souvenir nila.

Pumasok ako sa Rizal Shrine kung saan makikita ang memorabilias ni Dr. Jose Rizal tulad ng unang publikasyon ng kanyang nobela, mga kagamitan at damit. Hindi ko nga lang nakunan ng litrato kasi akala ko bawal, hindi pala. NAKANAMANOH!

Well, bago sa akin ang karanasang ito. Hindi naman kasi ako madalas na pumupunta sa mga ganitong lugar. Mas madalas pa akong nasa SM North at TriNoMa. It's a different feeling na ma-explore at balikan ang kasaysayan ng ating bansa. I'll do it more often nang sa gayon ay marefresh ang utak ko sa mga bagay na napag-aralan ko noon sa Hekasi at Social Studies.

90's Sexy Stars

2011-11-19T22:13:00.002+08:00

Dahil weekend na naman, todong magbalik tanaw tayo ulit sa nakaraan. Mga mid to late 90's kung saan sumibol ng husto ang industriya sa paggawa ng titilating films. Panahon kung saan nagpapalabas pa ng skin flicks ang SM Cinemas.

During that time, Rosanna Roces was hailed as the TF Queen and Priscilla Almeda was the TF Princess, thanks to Seiko Films. Pero may iba pang movie producers noon na sumugal para yanigin ang kamalayan ng kalalakihan.

Ini-launch ng FLT Films si Izza Ignacio noong 1996 sa pelikulang Kara, Kaakit-akit. Kasama niya sa pelikula sina Raymond Bagatsing at Emilio Garcia. Tagumpay ang showing nito kaya nasundan pa ng ilan tulad ng Dalaga na si Sabel at Sa Iyo Ang Itaas, Akin Ang Ibaba.

Naging household name siya ng mas makilala bilang Elena sa comedy sitcom na Kaya ni Mister, Kaya ni Misis. Nakakatawa ang kanyang karakter bilang aanga-anga at kikay na taga-asikaso ng order ng mga customers sa karinderya ni Nova Villa.

Kung padamihan lang ng sexy movies ang pag-uusapan, hindi papatalo diyan si Rita Magdalena. Wala pa ako sa hustong gulang noon pero dahil likas na usyosera na ako't mahilig magbasa, lagi kong nakikita ang mga movie posters niya sa tabloid na idine-deliver sa aming balur tuwing umaga. Every week eh may bago siyang pelikula at isa sa mga iyon ang Thalia, kung saan gumanap siya bilang multo.

Nauso din noon ang female counterpart ng mga pangalan ng kilalang action stars. Ramon Revilla is to Ramona Rivilla, Ian Veneracion is to Ynez Veneracion and Keanu Reeves is to Keanna Reeves.

Recently lang ay laman ng balita si Ramona Rivilla dahil kapangalan niya ang isa sa mga itinuturong suspek sa krimen na nangyari sa pamilya Revilla. Kakakasal pa lamang niya sa kanyang afam na jowa. According to her interview, kung hindi namatay si Ramgen ay aattend sana ito ng kanyang bonggang wedding.

Very active pa rin sa industriya ng showbiz ang byuti ni Ynez Veneracion. Madalas siyang lumabas sa mga soap opera ng Kapuso Network. Currently, mapapanood siya sa primetime drama na Mga Munting Heredera bilang isang kontrabida.

Sa lahat ng nabanggit, si Keanna Reeves ang pinakabago sa kanila. Early 2000's ng pumasok siya sa showbiz. Naging kontrobersyal siya ng aminin niya kay Titoh Boy Abunda na nagtrabaho siya bilang escort. Deny to death din siya sa kanyang true age na kinalaunan ay naging sentro na lamang ng biruan. Siya ang kauna-unahang nagwagi sa Pinoy Big Brother Celebrity Edition at salamat sa kanya, nakapagladlad ang ate nating si Rustom Padilla AKA Bebe Gandanghari. Sa ngayon, siya ay mapapakinggan sa radio program na Patol sa 92.3 News FM kasama sina Pilar Mateo at Arnell Ignacio tuwing 2:30 ng umaga mula Martes hanggang Sabado.

*Special thanks to Cinemarathon and Classic Tagalog Movies for the rare movie posters.

Part 4 (POSTPONED)

2011-11-17T18:17:00.001+08:00

Sa Linggo na, November 20, ang ika-apat na batch ng Love Yourself Photoshoot. WOW! Parang kailan lang nagsimula 'to at ngayon ay part 4 na. Galing!

This time around, may choices na ang magpapalitrato. Meron na kasing tank top version ang Love Yourself shirt. Bagay na bagay para sa mga gustong ipakita ang kanilang nagpuputukang biceps at triceps. Pero kung virginal byuti kayo tulad ko (weehhh) at medyo conservative, available pa rin ang classic v-neck shirt.

Click here for more details.

***

Announcement from The Love Yourself Project:

The LOVE YOURSELF CHARITY Open Shoot 4th Round, originally scheduled this Sunday Nov.20, has been postponed to December (exact date TBD). We were not able to receive the ordered t-shirts from our supplier, and our current inventory has dried out due to unforeseen demand. Apologies to all for any inconvenience caused. We shall announce a new schedule in December within next week. Thank you for your understanding.

Gulo

2011-11-16T17:28:00.001+08:00

Cong. Gloria Arroyo in NAIA
Photo courtesy of Rolex Dela Pena

Kawawa naman si Gloria kagabi sa NAIA at ni hindi nakaapak ng eroplano paalis ng bansa para makahanap ng espesyalista na maaaring tumingin sa kanyang karamdaman. Todong pinagpiyestahan tuloy siya ng mga usyosero't media people.

Kung bakit naman kasi sa mismong araw ng release ng TRO siya aalis. Hindi tuloy maiwasang magduda ang mga utaw kung bakit parang agad agad niyang bet umalis ng bansa. Ganun ba ka-emergency ang sakit niya? Bakit wala namang nababalita na it's a matter of life and death ang kanyang sitwasyon? Ayon nga sa latest X-Ray niya, umaayos na ang kanyang kondisyon.

Kuda ng PMA (Philippine Medical Association), maraming Pilipinong doktor ang maaaring gumamot sa kanya. Oh! 'Yun naman pala. Bakit gusto pa niyang magflylaloo sa Alemanya, Espanya at Austria? Ang mahal pa namang pumunta sa mga lugar na 'yan. Hindi kaya bonggang bakasyon ang gagawin niya? CHOS!

Nagkakagulo tuloy ngayon ang gobyerno kung sino ang dapat masusunod. DOJ ba na ayaw paalisin si ateng o Supreme Court na binigyan siya ng TRO? Sey naman ni Senator Miriam, sundin ang Philippine Constitution ano't ano man ang mangyari.

Anti-Epal Bill

2011-11-15T19:04:00.001+08:00

PAK na PAK ang inihaing Anti-Epal Bill (Senate Bill No. 1967) ni Sen. Miriam Santiago para sa mga pulitikong walang hiya kung ibandera ang kanilang pagmumukha at pangalan sa mga proyektong pondo ng bayan ang ginamit. Ang dami na kasing public officials na ganyan. Sa kalsada nga lang malapit sa tinitirhan ko, kabi-kabila ang mga waiting sheds na nakalagay puros pangalan ng konsehala, kongresista o barangay captain in BOLD CAPITAL LETTERS. 'Yung tipong malayo ka pa lang eh nababasa mo na. Ganun kashupal ang kanilang fes!

Isa pang halimbawa ang mga banners na nagsisipag-sulputan sa mga poste ng kuryente kapag may special occasion o holiday tulad ng "Happy Fiesta", "Congratulations to the New Graduates", "Merry Christmas" atbp. Susundan ito ng mga katagang "Greetings coming from Cong. Kukurikapu Burnik & Family" sabay may picture ng buong pamilya. Kalerki de vaaahhh?! Pagdating ng election season, buong angkan pala ang tatakbo. Tama ba?

Napapanahon na ang ganitong batas para mabawasan ang mga pulpulitiko. Ipasa na agad kung kinakailangan para numipis naman ang pagmumukha nila. Magsisilbi itong malamig na tubig na ibubuhos sa kanilang fes para sila'y magising at mahimasmasan.

Basahin ang buong panukalang batas dito.

SOLB!

2011-11-12T23:13:00.001+08:00

Tatlong taon ko nang dinadayo ang UP Film Theater para manood ng special screening / premiere night ng mga gay indie films. Mas masaya kasi ang isang pelikulang pang beki lalo na't fresh at 'di pa dumadaan sa matatalas na galamay ng MTRCB.

Kagabi ay pinanood ko ang special advance screening ng Id'nal produced by Ecstatic Entertainment Productions. 7PM ang umpisa ng palabas pero knowing us, siyempre witchells matutupad 'yan. Maagang nagpapasok ng mga manonood sa sinehan at para hindi mainip sa kahihintay eh nagpalabas muna sa entablado ng sexy picture slideshow with matching bonggang music.

Bago magsimula ang pelikula ay nagkaroon muna ng palaro ang mga hosts na kasama din sa pelikula. Nagpamigay sila ng key chains at pabango. SOSYAL! Game namang sumali ang ibang manonood. Pagkatapos ay isa-isang pinakilala ang mga artistang nagsipagganap. Karamihan ay baguhan at halos mapuno ang stage sa dami ng casts. Konting speech mula sa direktor at inumpisahan na ang palabas.

Hindi ko na ikukwento kung tungkol saan ang istorya pero todong natulala ako sa ilang eksena. Para akong kumain ng unlimited rice meal sa Mang Inasal. SOLB!

Siya naman ang naging panghimagas ko...

Much

2011-11-10T19:50:00.000+08:00

Can I Just Say:

Ang swerti swerti ng baklitang ito!

May lovelife na nga ang character niya sa Glee sa katauhan ng pagkasarap-sarap na si Darren Criss, ilang beses na rin silang nagkaroon ng smooching scenes at nitong last episode lang eh nagkaroon pa sila ng loving loving moment sa kama.

Inggiterrra much watashi! AS IN!

Hagalpak

2011-11-08T20:46:00.003+08:00

Three weeks na sa sinehan ang Praybeyt Benjamin, ang pangalawang pelikula ni Vice Ganda kung saan siya ang bida. Balak ko sana itong panoorin during the first week pero busy sa trabaho at walang makasama. Buti na lang at nag-aya ang nuknukan sa bait kong friend na si Ateh Paul kaya naman yesterday ay napanood ko na ito.

Pila balde ang mga utaw sa labas ng Cinema 11 ng SM North para mapanood ang pelikula. Rare 'yan na makita sa isang lokal na pelikula. Mas madalas kasi na sa foreign films mahaba ang pila.

Nakakatuwa ang pelikula lalo na't sa umpisa ay tanggap ng ama (Jimmy Santos) na bekling ang kanyang anak na si Benjamin Santos (Vice Ganda). Nakakatawa ang mga eksenang feeling babae si Benjamin at ang pagpapantasya niya kay Brandon (Derek Ramsey). Punong-puno ng mga panalong linya na talagang magpapahagalpak sa'yo. Paborito ko yung push-up scene ni Vice. Ang dami kong tawa 'dun!

Hindi mo nga lang maiiwasan na maikumpara ito sa Petrang Kabayo. Marami kasing similarities tulad nung bunsong anak na gumanap (Abby Bautista) at ang pamimilosopo nito. Syempre, dahil Wenn Deramas movie ito, hindi pwedeng mawala si DJ Durano.

Overall, satisfied naman ako sa aking napanood. Parang ibinalik ang old-school Pinoy comedy movies na may bakbakan sa bandang dulo. Nagtagumpay naman ang pelikula na pasayahin ang mga moviegoers at 'yun ang mahalaga.

Mailap

2011-11-08T17:28:00.000+08:00

KONGRACHULEYSHONS sa dalawang Pinay na nagpamalas ng kagandahan at katalinuhan nitong nakaraang linggo.

Unahin na natin si Dianne Necio na pasok sa Top 15 ng Miss International 2011 na ginanap sa China. Siya din ang tinanghal na Miss Internet Popularity. Patunay lamang na todong adik ang mga Pinoy sa kaka-Internet. Si Miss Ecuador ang nakasungkit ng korona.

At ang bonggacious sa lahat, second placer si Gwendoline Ruais sa Miss World 2011. Sayang at isang hakbang na lang sana at meron na tayong first ever Miss World crown. Ganun talaga at si Miss Venezuela ang nanalo. Maging masaya na lamang tayo sa ating nakamit. Pero dahil medyo bitter ako, magne-Nescafe Sweet & Mild na lang akiz. CHAROT!

The last time na umabot tayo ng ganitong pwesto eh noong 1973 pa. Ilang dekada muna ang lumipas so not bad di vaaahhhh?! Malay natin next year eh atin na ang mailap na korona.

Last one ang Miss Earth 2011 na gaganapin sa December dito sa Pinas. Abangan.

Condom

2011-11-05T18:59:00.001+08:00

Tanong lang:

Bakit kapag nakakakita ako ng taong bumibili ng condom eh napapa-second look ako?

Mag-iisip ng nakakakiliti.

Sabay ngingiti.

Tapos titingin uli.

Kayo rin ba?

Husay

2011-11-04T22:19:00.001+08:00

Kanina, bago ako umalis ng balur para kumayod ay napanood ko ang pelikulang Ispirikitik, Walastik Kung Pumitik starring Redford White, Bonel Balingit, Carding Castro at Serena Dalrymple. Tawa ako ng tawa sa mga linya at comedy stunts ng pelikula. Nakakamiss ang mga ganitong feel-good movie ng late 90's.

Isa sa mga supporting cast ng pelikula si Bernardo Bernardo na mas sumikat sa papel niya bilang Steve Carpio sa hit comedy sitcom na Home Along Da Riles. Siya ang numero unong kontrabida sa buhay ng ni Kevin Cosme. Siya ang bonggang assistant ni Cita Astals sa sitcom at kapag imberna siya dito, lagi niyang sinasabihan ito ng "ang babaeng walang balakang".

Matagal na siyang hindi nakikita sa TV o pelikula kaya naman hinanap ko ang kanyang byuti sa malawak na mundo ng Internet at natuklasan kong nasa US of A na pala siya. Doon na namirmihan at todong aktibo sa iba't ibang aktibidades tulad ng pagiging stage actor, interpreter, board member at marami pang iba (read his profile here).

Ang tipo ng akting niya ang isa sa mga hinahangaan ko. Kahit na madalas eh bekla ang kanyang role, never nabastos ang lahi natin sa paraan ng kanyang pag-arte. Inangat niya tayo sa husay niya sa pagganap.

Bet niyo ba 'to...

2011-11-03T22:56:00.000+08:00

ABANGAN.

Limas

2011-11-03T16:22:00.000+08:00

Araw-araw na lang may krimen na nagaganap sa ating kapaligiran. Hindi ko alam kung parte na ba talaga ito ng buhay at kailangan na lang natin masanay. Tipong ikaw na mismo ang iiwas kasi alam mong wala kang ligtas. Ang gulo ko 'di ba?

Tulad nitong notorious group na Acetylene Gang. Lumang luma na sila pero lagi silang bago sa balita. Hindi ko lubos na maintindihan kung bakit hanggang ngayon eh hindi sila mahuli-huli ng awtoridad. Heto't may bago silang nabiktimang sanglaan sa Sta. Mesa, Maynila nitong nakalipas na undas. Mahigit 500,000 na halaga ng alahas ang kanilang nalimas.

Iisa lang naman ang paraan nila ng pagnanakaw. Maghuhukay sila ng lupa hanggang sa marating ang vault ng sanglaan. Sibat agad kapag nakuha ang pakay. At para hindi mahirapan ang pulisya kung sino ang gumawa ng krimen, iiwanan nila ang mga kasangkapan na kanilang ginamit tulad ng oxygen tank, acetylene, lagare atbp. Kawawang mga nagsangla at wala na ang kanilang mga precious stones at jewelries.

Malamang na tataas pa ang bilang ng iba't ibang krimen lalo na't paparating ang Kapaskuhan. Mas maging maingat na lamang tayo para sa ating kapakanan.

Pagandahan

2011-11-01T19:50:00.000+08:00

Dalawang buwan na lang ang bubunuin natin at 2012 na. Nakakaloka ang bilis ng panahon. Masyadong nagmamadali ah! Oh baka masyado lang akong busy kaya 'di ko ramdam ang paglipas nito?

Gwen during top model competition

Hindi mawawalan ng ganap ang simula ng bagong buwan. Dalawa sa pinakamalaking kontes ng pagandahan ang gaganapin this month. Hihinto ang mundo ng mga byuti pageant fanatics sa London para sa Miss World 2011. Makikipaglaban si Gwendoline Ruais sa mahigit 'sangdaang kandidata para sa asul na korona na never pa nating nakamit. Does she feel any pressure right now lalo na't mataas ang expectation sa kanya ng mga Pinoy? Siya na ba ang magiging kauna-unahang Pinay Miss World? Alamin natin 'yan sa November 7, alas-diyes ng umaga sa GMA 7.

Dianne during talent competition

Pagkatapos ng ilang oras eh lilipad papuntang Chengdu, China ang ulirat ng mga bekla dahil doon makikipagkumpetensya si Diane Necio para sa Miss International 2011. Si Precious Lara Quigaman ang huling Pinay na nakapag-suot ng korona nito noong 2005. Mabalik kaya sa atin ito after 6 years? 'Yan ang dapat nating abangan.

Tradisyon

2011-10-29T19:06:00.000+08:00

Sa tuwing sasapit ang undas noong dekada noventa, isa sa madalas naming abangan ng pamilya ko sa ang Magandang Gabi Bayan. Taun-taon kasi ay may undas special ang MGB at talagang nakapangingilabot ang bawat kwento. Palaging sa sementeryo ang setting ni Noli de Castro na nakadadagdag sa takot factor ng programa. Una, iinterviewhin nila ang mismong nakaranas ng kababalaghan at pagkatapos ay susundan ito ng bonggang reenactment. Diyan na magsisimula ang todong takutan naming magkakapatid.

Nateggie agbayani sa ere ang MGB ng pasukin ni Kabayan ang pulitika. Pero dahil wala na siya sa politics at back on TV na siya, magre-resurrect ang isang tradisyon sa ating telebisyon. Watch niyo 'to...

Excited na ba kayo tulad ko?

Mikropono

2011-10-28T19:57:00.000+08:00

Hindi kumpleto ang handaan ng mga Pinoy kapag walang videoke. Birthday, kasal, binyag o pista man eh laging present ang mikropono, TV at song book.

Kapag maagang natatapos ang klase noong college at may natira sa baon naming magkaka-klase, diretso kami agad sa bilyaran sa may Altura. May videoke kasi duon. Habang naglalaro ang boys ng bola at tako, nagkakantahan naman ang mga babae at binabae.

Isa sa paboritong awitin ng mga bektas ang Through The Fire ni lolah Chaka Khan. Kiber magasgas man ang lalamunan basta todong aabot lang ang mataas na nota. Falsetto kung falsetto. Ilang beses na rin itong ni-revive ng OPM artists tulad ni Jaya at Nina.

Si Bryan, si Delma at ang propesor namin

Madalas kantahin ito ng college friend ko na si Bryan. Matagal na namin siyang hindi nakakabonding dahil nadestino ang loka sa bundok. Bababa na daw siya sa Disyembre at nawa'y makajamming namin siya.

Through the fire
To the limit, to the wall
For a chance to be with you
I'd gladly risk it all

Through the fire
Through whatever, come what may
For a chance at loving you
I'd take it all the way

Right down to the wire
Even through the fire

Baklang-bakla ang lyrics oh! Ang daming tinamaan. ARAAAYYY!

Through The Fire is a single taken from Chaka Khan's fifth album I Feel For You released in 1984.

Siya na!

2011-10-27T19:12:00.000+08:00

Ang sarap pakinggan ng balitang si Erich Gonzales ang magiging on-screen partner ni Mario Maurer sa pelikulang ipo-produce ng Star Cinema na ipapalabas next year. As you all know mga 'teh, feborit ko si Erich since manalo siya sa Star Circle Quest season 2. Lahat naman tayo eh na inlababo sa taglay na kasarapan ni Mario sa mga pelikulang Love of Siam at Crazy Little Thing Called Love.

May mga iba diyan na nagtaas ng hindi lang isa kundi dalawang kilay kasama na ang bigote nila at kinukwestiyon ang pagkakapili kay Erich. Dapat daw ay si ganito o si ganyan ang pinili. Well well well (Madame Claudia Buenavista tone), wala na kayong magagawa pa. Tsaka give chance to others naman. Perfect si Erich dahil sinisimbolo niya ang tunay na ganda ng Pilipina. Kaya siya na talaga, SIYA NA!

Quota

2011-10-26T19:02:00.000+08:00

Usap-usapan dito sa aming opisina ang nakawan at holdapan kahit saan. Sikat na naman ang mga taong may 'magna' degree. May quota yata ang mga hudas kapag dumarating ang kapaskuhan. Nakakasyokot!

Ilang beses na akong nakakita ng mga taong nabiktima ng snatcher. Swerte ako't hindi pa ako nabibiktima at wala akong balak magpabiktima. Wala rin naman silang mahihita sa akin. Baka maging abonado pa sila sa magegetching nila.

Para sa kaligtasan ng ating lahi ay gumawa ako ng ilang tips kung paano makakaiwas sa kapahamakan. Maaari itong makatulong sa inyo dahil ang iba sa mga ito ay tested at approved ko kaya tara at namnamin natin isa-isa:

Huwag maglalakad sa madidilim na lugar. Kakampi nila ang kadiliman.
Maglakad ng mabilis. Huwag isabuhay si Pong Pagong.
Nuncang i-display ang bonggang gadgets. Bawal ang mayabang.
Looks can be VERY deceiving. Ilagay sa tamang lugar ang kapokpokan. Baka ang inaakala mong booking ang gigripo sa'yo.
Gumamit ng ATM sa araw. Go back to #1 and read the second sentence.
Isukbit ng mabuti ang dalang bag. Target 'yan ng 'riding in tandem'.
Sleeping Beauty inside PUV's is a BIG no no! Kapag nasight ka ng magnanakaw na shorlogs, tatabihan ka nila. Lalaslasin ang bulsa o bag na dala mo.
Lahat ng bakat ay masarap. Sa pagkakataong ito ay 'di nota ang ibig kong sabihin. Ito ay ang wallet o ketay na nakabakat sa hapit mong suot. Natatakam diyan ang ipit gang (basahin mo ang karanasan ko dito at dito).
Maging choosy sa sasakyang taxi. Sumakay lang sa trusted brands.
I-lock ang apat na pintuan ng taxi. YES! Pati 'yung kay mamang driver eh pakialaman mo. Babayaran mo siya kaya dapat lang na secure ang byuti mo.

At ang panghuli, kung alam mong wala ka ng ligtas sa dalang armas ni satanas, todong ibigay mo na ang hinihingi niya at 'wag ng magpatumpik-tumpik pa. Mahal magpa-ospital kesa sa materyales na meron ka. Mas mahal ang kabaong at apartment sa sementeryo kapag na teggie agbayani ka.

I-report rin sa kapulisan ang nangyari. Kahit alam naman nating lahat na malaki ang posibilidad na hindi na maibalik pa ang gamit na nanakaw, mas mabuting ipagbigay alam sa kinauukulan ang nangyari. Huwag manahimik at piliing mapabilang sa unreported cases.

Kung kayo ay may karanasan sa iba't ibang krimen at may karagdagang tips kung paano makakaiwas dito, i-email niyo 'yan sa akin. Iisa-isahin ko ang inyong ipapadala at ipo-post sa darating na araw.

Ingat!

Cover Girls

2011-10-26T16:11:00.000+08:00

Tuwang-tuwa ako sa galak dahil dalawa sa paborito kong mga aktres ang cover girls ng dalawang pangunahing magazine na lalabas sa susunod na buwan.

The Superstar Nora Aunor on her Preview debut. Ang lakas makayaman kapag Preview magazine ang pag-uusapan. Sosyalista ang arrive ni Ate Guy sa kanyang mamahaling suot. Pero mas bet ko cover niya sa Yes! magazine. Simple ang pose pero ang lakas ng impact na umabot hanggang opisina ng Philippine Medical Association.

Erich Gonzales for Women's Health. Hindi na katorse si Nene. Bumubukadkad na ang kanyang ganda at kaseksihan. Like na like ko ang Pinay features niya lalo na ang kayumangging balat. Maloloka siguro ang mga boys kapag nag-FHM cover siya.

Fashionissimo 2011 winners

2011-10-25T21:57:00.000+08:00

Panalo ang tinaguriang runaway winner na si Nelson Banzuela sa Fashionissimo 2011. Hindi na-resist ng mga hurado ang kanyang chinito looks at pagkasarap-sarap na wankata. I bet ang daming nagwater sa audience dahil sa kanya.

Second placer si JB Espiritu na Pinoy na Pinoy ang dating samantalang at third placer naman ang exotic looking na si Hamid Hassan. Parang united nations lang ang dating ng set of winners this year. KONGRACHULEYSHONS!

*photo by Ojie Paloma

Maskman

2011-10-22T21:30:00.002+08:00

Kapag sumasapit ang weekends, hindi ko maiwasang hindi maging sentimental at alalahanin ang nakaraan. Para akong istasyon ng radyo na oldies ang pinatutugtog. Feeling ko tuloy ang thunders ko na sa edad na veintiséis.

Isa sa pinaka-memorable na moment sa aking pagkabubot eh ang panonood ng Japanese series sa IBC 13. Mask Rider Black, Shaider, Bioman, Ultraman etc. Mga panahon kung saan kebs sa istorya ang mga bagets at ang inaabangan eh ang fighting scenes ng mga bida at kalaban.

Maskman ang todong sinubaybayan ko sa lahat. Sariwa pa sa aking alaala ang panonood namin nito ng ate ko. Favorite character ko Mary Rose o Pink Mask. Bukod sa pagiging longherada eh may palda kasi ang kanyang costume at mahabang laso ang powers niya. Gerl na gerl de vaaahhh!? Nagpabili pa nga ako ng laruan niya sa nanay ko habang namamalangke kami. Itinuro ko kay mudrakels ang fink plastic toy na nakasabit sa kanto ng Abra street, Muñoz malapit sa sakayan ng jeep. Siyempre may pilitan at paawa effect para bilhin.

Isa sa hindi ko makakalimutang episode nito eh 'yung lamunin ng lupa at nakulong sa bloke ng yelo ang jowawit ni Michael Joe (Red Mask). Witit kong matandaan ang namesung pero sa istorya eh kakambal niya ang kontrabidang si Prinsesa Igamu. Lagi kong inaabangan ang paglitas ng Maskman sa kanya na hindi ko naman napanood. Pa ul-ul kasi ang episodes nito at hindi yata naipalabas ang ending.

Ang isa sa mga kontrabidang hindi pwedeng mawala sa bawat labas eh si Okerampa. Siya ang nagpapalakas sa halimaw kapag ito'y nanghihina na. Agad naman itong susundan ng eksena kung saan magsasanib ang mga sasakyan ng Maskman para maging isang malaking robot.

Gusto ko ulit mapanood ang seryeng ito. Hahanap muna ako ng kumpletong kopya para 'di bitin.

Id'nal

2011-10-21T17:37:00.002+08:00

Magkakaroon ng special screening ang gay indie flick na Id'nal (Mapusok) na gaganapin sa UP Film Institute sa darating na 11-11-11. Bongga ang title ng pelikula at may subtitle pa. Ano bang dialect ang salitang id'nal mga 'teh?

Well unwell wishing well, 'di lang diyan natatapos ang pagiging mapusok nito dahil more more more publicity photos ang available to view sa Facebook account ng pelikula. Paniguradong maliligayahan ang bawat himaymay niyo sa patikim nila.

Siya ang pinakamasarap para sa 'kin...

Sundalo

2011-10-20T19:00:00.000+08:00

Nakakalungkot ang sinapit ng mga sundalong namatay sa Basilan.

Kagagawan daw ito ng MILF.

'Di ba't may ceasefire sila ng gobyerno.

Iimbestigahan daw ng militar ang nangyari.

Aalamin kung saan nagkamali at kung mayroong pagkukulang.

Kahit naman gawin nila 'yun, hindi na mababawi ang buhay na nawala.

Bakit kailangan pang humantong sa ganito?

Bakit kailangang magpatayan ang mga Pilipino?

Basahin ang kabuuang ulat dito.

Move on

2011-10-20T16:44:00.003+08:00

Chris Brown & Rihanna

Hindi maitatangging si Rihanna ang isa sa pinaka malaking bituin sa industriya ng musika. Lahat ng kanyang kanta ay patok sa alta at masa. Versatile ang lola natin mapa-dance o slow music man 'yan. Kontrobersyal naman ang naging relasyon nila ni Chris Brown na humantong sa todong demandahan dahil shinombag siya nitech. Simula noon eh para siyang napariwara. Laging mapangahas ang kanyang dating sa mga music video at ang liriko ng iba niyang kanta eh tumatalakay sa dahas at sex.

We Found Love ang titulo ng kanyang latest single mula sa Talk The Talk album na lalabas sa Nobyembre. Hindi maaaring 'di ka umindak sa saliw ng tunog nito. Sa tuwing naririnig ko nga, gusto ko ikampay ang balakur ko from left to right. Aaawww!

Mainit-init pa ang kalalabas lang na bonggang music video nito. At isa lang ang napansin ko matapos kong panoorin ito...

...'di pa siya nakaka move on kay ex-jowa. ☺

Scorpio Night

2011-10-19T16:08:00.000+08:00

Ang moderator ng Pinoy Hunkys ay iniimbitahan ang 'sangkabaklaan na dumalo sa isang natatanging gabi na puno ng kaseksihan at istilo...

Kaya kung libre naman kayo sa araw na 'yan, go and savor the event!

Fashionissimo 2011

2011-10-18T17:42:00.000+08:00

Peak season talaga ng mga contests ngayon. Sunud-sunod ang national at international pageants para sa mga ohms at mujer. Siyempre, mas interesante ang sa ohms noh. Alam niyo 'yan mga 'teh!

Ang ating shupatemba na si Melito Cage ay muling nagpadala ng kanyang mga exclusive 'peeks' sa nakaraang pre-pageant ng Fashionissimo 2011. Check it out...

As usual, as ever eh mga hi-res ang mga larawan na 'yan. Click niyo lang para sa microscopic view.

Ang grand finale ay magaganap on October 23, 2011 sa Palacio de Maynila, Roxas Boulevard. Ang yaman sa pandinig ng venue. Parang kelangan ko pang manghiram ng susuotin kay Queen Elizabeth. CHOS!

Search Fashionissimo on Facebook for ticket details and more information.

Masusi

2011-10-17T01:53:00.001+08:00

Since last year eh naging follower na ako ng Miss Venezuela pageant. Amazed na amazed ako sa masusing pagpili ng mga kandidatang sumasali dito. Lahat ay magaganda at walang itulak kabigin. Todong preparasyon naman kasi ang kanilang pinagdadaanan maisuot lang ang isa sa pinaka mabigat na korona sa mundo. Kasama diyan ang speech workshop, tamang pagrampa at libreng surgical enhancement. Depende 'yan kung bet ng kandidata. Walang pilitan 'ika nga ng pageant director na si Osmel Sousa.

Miss Venezuela 2011 winners

Kahapon, October 16 (Manila), ay napili na ang mga reyna na magrerepresentante sa kanilang bansa para sa susunod na taon. Ganyan sila kaagang pumili dahil mahaba ang extensive training na pagdadaanan ng mga winners. 'Di kataka-takang laging pasok ang kanilang bansa sa top 15, top 10 at top 5. Sinong 'di nakakaalam ng kanilang bonggang back-to-back win sa Miss Universe? Sila lang ang meron 'nun sa kasaysayan ng nasabing patimpalak.

Congrats sa mga nagwagi at kaabang-abang ang byuti niyo for 2012.

Prince Charming

2011-10-15T16:09:00.002+08:00

For the past few days eh laman ng fantasy land ko si Gianni Sennesael. Siya si Prince Charming at ako naman si Cinderella. OHA! Walang kokontra or else, kayo'y magiging frog. CHAR!

Sa kakatitig sa kanya, hindi ko namalayan na bumaha na dito sa aking pwesto. Kailangan ko nang magpalit ng pasador. At gusto ko rin ma-experience niyo ang sarap na ninanamnam ko kaya naman ibabahagi ko sa inyo ang mga larawan na ginetching ko sa FB niya...

At eto naman ang piktyuraka namin ng salubungin ko siya sa eerrrfort...

Maniwala kayo mga 'teh, AKO TALAGA YAN! Pruweba ang korona at kulot-kulutan kong hair. Nagpa-blandina lang akiz.

Panis si Anne Cortiz sa pagiging ambisyosa kiz :D

Patok

2011-10-13T15:38:00.000+08:00

Jon Avila and Vice Ganda

Feel na feel ko ang bagong kanta ni Vice Ganda na May Puso Rin Kami. Version niya ng hit song na Nagmahal Ako (ng bakla) ng grupong Dagtang Lason. Tagos hanggang cellulites ang mga linya at lahat yata ng beki eh makaka-relate. Nakakatawa pero ang lakas ng tama. Marinig ko sana 'to sa lahat ng patok na dumadaan sa Aurora Blvd.

♫♪ Wala namang masama kung gastusan namin ang jowa
Ganun naman ang pag-ibig handang magparaya
Pero sana naman wag lang laging pera pera
Masuklian din sana ng tamang pakikisama

May mga lalaking ang kapal ng mukha
Nang maibili ng cellphone naglaho na lang bigla
Di ko naman alam may lahi pa lang snatcher
Ayun ang bakla! Umiiyak at nagpablotter

Mga bakla man kami at mga dating lalaki
Hindi naman kami manloloko at handang magmahal sayo
May puso din naman kami at marunong ding umibig
Sana naman ang tinig namin ay marinig nyo rin ♪♫

Pakinggan niyo ang buong kanta dito.

May Puso Rin Kami is taken from Vice Ganda's debut album Lakas Tama under Vicor Music.

Winners of Manhunt International 2011

2011-10-12T17:07:00.000+08:00

Hanggang batok ang lapad ng ngiti ko sa pagkakapanalo ni Gianni Sennesael ng Belgium bilang second runner-up sa nakaraang Manhunt International 2011. Feeling gelfren ako sa todong saya na aking nararamdaman dito sa puso ko. Is this love I'm feeling right now? CHAREEENG!

Si Chen Jian Feng ng China ang tinanghal na grand winner ng patimpalak na sinundan ni Nelson Sterling ng Dominican Republic. Third runner-up si Mr. Vietnam at fourth runner-up naman si Mr. Slovak Republic.

Sad to say eh luz valdez ang iba kong betchikels na sina Mr. Brazil at Mr. Costa Rica. Pumasok naman bilang semifinalist naman ang pambato nating mga Pinoy na si Ron Marvin. Not bad de vaaahhh?!

Watch niyo ang masasarap na eksena ng kumpetisyon:

Prusisyon

2011-10-11T20:46:00.001+08:00

Last Sunday binitbit ako kay Ateh Paul sa prusisyon ng La Naval sa Sto. Domingo church. Medyo matagal na panahon na ang nakalilipas mula ng huli akong mag-prusisyon kaya jumoin ako. Jumujulanis morissette pa nga that day pero keri lang. Ang 'di ko kinaya eh ang mabagal na usad ng trapiko sa Quezon Avenue. Binubungkal kasi ang daan para sa gagawing four-lane underpass. Infernezz eh nakarating naman ako on time.

Nalula ako sa ganda ng rebulto ng mga santo na ipu-prusisyon. Ayon sa relihiyosang kaibigan ko, mga Dominican Saints ang mga nasight ko. Sa kanya ko lang nalaman na may kategorya pa pala ang mga ito.

Extra bonggacious ang pagkakaayos ng mga karosa. Punong-puno ng bulaklak at umaalingasaw ang bango kapag nadaraanan ko. Iba't ibang laki ng ilaw ang ginamit at todo sa bongga ang mga damit na ibinihis.

Isa-isang pinakilala ang mga santong prinusisyon. Ang iba ay nabuhay noong 1200's to 1300's. Ilan sa mga ito, bago maging santo at daang taon muna ang lumipas. Ang dami kong natutunan habang mega-explain ang emcee.

Nagmasid-masid ang byuti ko habang nasa loob ng simbahan. More more people inside. Nakakatuwa dahil madami pa rin talaga sa mga Pinoy ang matatag ang pananalig sa relihiyon na ipinamana ng mga Kastila. Nagkalat din ang mga shupatemba natin. Sabi ni Ateh Paul, karamihan sa mga 'yon ang nagdisenyo at nag-ayos ng mga karosang gagamitin.

Huli sa linya ang imahe ng Our Lady of the Holy Rosary La Naval de Manila. Palakpakan sa loob ng simbahan. Habang inilalabas ang karosa, nagtaas ng mga panyo ang mga tao at kumaway sa kanya. Tuluyan humupa ang ulan sa labas.

Maikli lang ang inikot ng prusisyon pero dahil sa dami ng tao, nagtagal din ito ng halos isang oras. Lahat ay masaya kabilang na ako. Kapag may oras muli, hindi ko palalagpasin ang ganitong selebrasyon.

Pangatlo

2011-10-11T16:37:00.001+08:00

Due to insistent public demand ay magkakaroon ng part 3 ang The Love Yourself Photoshoot. Perfekta itey para sa mga naka-miss ng part 1 at 2. Magpunta lang sa #88 Panay Avenue, Quezon City, payola ng one kiaw, pagagandahin sabay bibihisan ka at BWALAH! Ready for pictorial na.

Ito ay gaganapin sa ika-16 ng Oktubre, mula alas-dose ng tanghali hanggang alas-nuebe ng gabi. Para makapili ng oras na swak sa iyong schedule, pindutin lang dito.

Manhunt International 2011

2011-10-07T22:44:00.000+08:00

Muli na namang hinahagilap ang pinakamasarap na lalaki sa buong mundo para tanghaling Manhunt International 2011. Ang paghahanap ay magaganap sa ika-10 ng Oktubre sa Seoul, South Korea.

Magsasama-sama at magtatagisan ang masasarap na ohms sa araw na iyon. Kung yaman-yamanan lang watashi eh flylaloo agad ako sa bansang yan.

Nabilaukan naman ako sa kanila...

Gianni Sennesael

Lucas Malvacini

Alvaro Peraza Artavia

Kung total disaster ang Philippine candidate last year eh bonggang nakabawi tayo ngayon. Have a look ma mon luk...

Ron Marvin

Oh de vaaahhh! Batak na batak at todong nagmumura ang maskels ni koya. Ang hard hard siguro niya. Hihihi...

Dance

2011-10-07T19:08:00.001+08:00

Stay Alive ang pamagat ng bagong album ni Nina na ire-release ng Universal Records. Todong excitement ang nararamdaman ko bilang fan na fan niya akez. Alive na alive ang arrive ng kanyang first single na tunog imported. Mala-Madonna slash Rihanna ang hampas kaya siguradong mapapaindak tayo.

Here's the sample clip of her newest single Dance:

Hollywood

2011-10-06T17:49:00.000+08:00

Tulad ng ibang bekling, pinantasya at patuloy na pinapantasya ko ang ilang Hollywood stars. Sino ba naman kasi ang makakaresist sa mga mata nilang makukulay? Sa mga braso nilang parang hamonado sa laki? At sa kanilang malalaking... malalaking... pangangatawan.

Ryan Phillippe

Never ko yatang pagsasawaan kahit pa ul-ul kong panonoorin ang Cruel Intentions at Studio 54. Grabe naman kasi ang nakakahalina niyang ngiti na sinabayan pa ng nag-uumapaw na kaseksihan. Hindi rin siya nagmaramot sa ating lahi dahil pinakita niya sa mga pelikulang nabanggit ang kanyang yum yum na tapur.

Josh Hartnett

Nene pa lang ako eh mahal ko na siya. Nagpabili pa ako sa mudrakels ko ng VCD ng Black Hawk Down dahil sa kanya. Witchells ko naman naintindihan ang pelikulang 'yon. Puro barilan at putukan. Kung ibang putukan sana, baka naappreciate ko pa. CHOS!

Chris Evans

Kung napanood niyo ang Captain America, siguradong alam niyo na kung bakit siya ang latest fantasy ko. Kung bakit naman kasi ang lakas ng dating niya. Mala-Pedring sa lakas na pati puso(n) ko eh natangay.

World Teachers' Day

2011-10-05T19:36:00.000+08:00

Sa lahat ng guro na matiyagang nagtuturo kahit na...

Walang bubong at pader ang silid aralan,

Ubos na ang yeso sa loob ng lalagyan,

Basa ang blackboard dahil naulanan,

Baha sa loob ng paaralan,

MABUHAY KAYO! Walang makahihigit sa pinili niyong propesyon. Hindi biro ang humubog ng kaisipan ng kabataan. Isa kayong tunay na bayani ng ating bayan.

Sinaksak

2011-10-04T16:42:00.000+08:00

Kapag pelikulang tungkol sa kabit ang pag-uusapan, paniguradong una sa listahan ang Relasyon ni Ate Vi. Well, mukhang sa henerasyon ng iPad at BBM, No Other Woman na ang mangunguna.

So far, ito ang pinakamagandang movie na aking napanood sa taong ito. Plantsado lahat mula sa istorya hanggang sa mga artistang gumanap. Ilang beses ng bumida si Derek Ramsay sa mga teleserye at ito (yata) ang una niyang pagkakataon na maging leading man sa pelikula. Refreshing ang kanyang dating.

Baliktad ang unang impresyon ko sa karakter na ginampanan nina Cristine Reyes at Anne Curtis. Madalas kasi na mabait ang role ni Anne samatalang todong palaban at matapang naman ang kay Cristine. Pero napatunayan ng dalawa na kaya nilang maging versatile sa aktingan. Angat lang talaga ang dating ni Anne sa pelikula. Wala yata siyang eksenang pangit ang kanyang itsu. Dyosa talaga!

Matindi ang pundasyon ng istorya. Halatang ni-research ng husto ang bawat detalye kaya bawat bitaw ng linya, may impact sa manonood. Para nga akong sinaksak sa loob ng sinehan eh. Naka-relate kasi ako ng husto. Buti na lang at hindi ako naiyak.

Tala

2011-10-01T17:54:00.000+08:00

Boom na boom ang TV appearances ni Franco Daza sa Kapamilya Network. Matapos niyang gumanap na kontrabida sa Minsan Lang Kita Iibigin at maging love interest ni Melai Cantiveros sa 100 Days to Heaven, heto't isa siya sa bonggang lead casts ng Nasaan Ka Elisa?.

Medyo bagito pa sa larangan ng aktingan pero infernezzz, hindi siya nagpapahuli sa mga co-actors niya. Konting hasa pa at siguradong bright future ang matatamasa niya sa showbizness.

Visible din ang kanyang seksing pigura sa mga tindahan ni mama Ben Chan. Isa siya sa pinakabagong endorser ng Bench Body at noong nakaraang Philippine Fashion Week ay rumampa siya na ang tanging suot ay ito...

Franco Daza

Bukas, luluhod ako sa tala. CHOS!

Inuulan

2011-09-30T21:24:00.001+08:00

Sa ika-5 ng Oktubre na ipapalabas ang pelikulang magpapainit sa inyong inuulang life.

Kape Barako stars Johnron Tañada, Marcus Aboga, Allan Stevens and Miko Pasamonte. Also starring Afi Africa, Joyce Acorda and 'the' Frederick Peralta. This indie film is produced by Avel Bacudio, written by Lex Bonife and directed by Monti Parungao.

Tikman ang kakaibang lasa ng kape sa mga sumusunod na sinehan:

Robinsons Galleria
Metropolis Alabang
Ever Gotesco Caloocan
Isetann Recto
Remar Cubao
Roben Manila
Eden Cinema Cebu

Subsob

2011-09-29T17:23:00.000+08:00

Mamaya na ang concert ng Westlife sa Smart Araneta Coliseum. Gustong gusto ko sanang manood kaya lang may pasok sa trabaho. Limas na rin ang VL credits ko kaya no choice watashi kundi isubsob ang sarili sa trabaho. Mabuti sana kung sa ibang bagay ako nakasubsob eh. CHARAT!

Dahil diyan, pag-uwi ko mamaya ay isasalang ko sa cassette player ang isang bala nila at pakikinggan ang kanilang musika hanggang sa ako'y maka zzzzzzzz...

So I say a little prayer
And hope my dreams will take me there
Where the skies are blue, to see you once again... my love
All the seas from coast to coast
To find the place I love the most
Where the fields are green, to see you once again... my love

My Love is Westlife's first single from their sophomore album Coast to Coast released on November 6, 2000.

Concert

2011-09-28T15:56:00.002+08:00

Bonggang bongga ang concert ni Pedring yesterday. Lahat tayo at namesmerize sa kanyang kakaibang tinig na halos buong Luzon ang nakarinig. Magdamag niya tayong inawitan na may kasamang wetness.

Nauna ang Bicol region sa kanyang Philippine Tour na sinundan naman ng Aurora, Isabela, Metro Manila, Baguio, Ilocos at iba pang karatig probinsiya. Walang hindi nakarinig sa mataas niyang boses. Kahit borlogs ka eh walang habas ka niyang kakantahan hanggang sa ika'y magising. Ganyan ang nangyari sa akin kahapon.

Kaakibat niya si high tide sa kanyang arrive at dahil dito, nawala panandalian sa mapa ang todong kahabaan ng Roxas Boulevard. Hindi pinalagpas ang US Embassy, ang shalang Sofitel Hotel at ang gigantic MOA.

Buti na lang at medyo napagod na siya ngayong araw at panaka-naka na lang ang kanyang himig. Nawa'y hindi na muling magconcert ang mga tulad niya sa Pilipinas.

Ilusyonada

2011-09-24T19:34:00.003+08:00

Matapos ang sunud-sunod na 'di kagandahang news, narito ang isa masarap na balita para sa lahat. Sa tingin ko ay magkaka-lablayp na ako. YES! You read it right! Ramdam ko na malapit na akong makita ni Prince Charming (ilusyunada!). At kapag nangyari iyon, hinding hindi na niya ako pakakawalan. Igagapos niya 'ko sa kanyang katawan.

Eto siya oh...

Robbie Becroft

Kung ito'y isang panaginip, ayoko nang magising. Jolina M, is that you?

*Photos by Ira Giorgetti.

Angas

2011-09-23T21:27:00.000+08:00

Nunca kong nagustuhan ang klase ng pagbabalita nitong si Anthony Taberna. Ang angas kasi ng dating at pagsasalita niya. Parang nagsasabi na "magaling ako" o "paniwalaan niyo 'ko". Ibang-iba kung ikukumpara mo sa mga beteranong mamamahayag ng Kapamilya Network tulad nina Noli de Castro, Ted Failon at Julius Babao.

Simula ng maging anchor siya ng Umagang Kay Ganda, hindi na yata ako nanood ng morning show na 'yan. Nakakainis kasi ang mga hirit niya sa Punto Por Punto. Pati paraan ng kanyang pag i-interview ay hindi ko bet.

At eto nga, may nasagap akong link sa FB tungkol sa episode ng UKG kahapon. Tungkol ito sa naganap na pamamaril sa loob ng SM Pampanga noong Martes. Para sa kabuuang ulat, pindutin dito.

Barya ni Juan

2011-09-23T18:09:00.000+08:00

Taun-taon na lang kung magprotesta ang mga iskolar ng bayan dahil sa walang habas na pagtapyas ng gobyerno sa taunang budget nito para sa edukasyon.

Kaninang umaga ay nagsipag-walkout sa kanilang klase ang mga estudyante at propesor ng Univeristy of the Philippines upang ipahayag ang kanilang pagkadismaya. Nakisama din ang mga mag-aaral ng Polytechnic University of the Philippines sapagkat hindi man lang umabot sa kalahati ang pondong inilaan sa kanila para sa taong 2012. Nakiisa din ang Philippine Normal University, Rizal Technological University atbp.

Tinaguriang "Plank-U" ang nasabing protesta dahil nagsasama-sama ang mga raliyista sa Mendiola at doon sabay-sabay nag-planking.

Hindi kataka-takang bokya tayo sa school rankings sa buong mundo. Sa liit ng budget eh nagawa pa itong bawasan. Bakit hindi tapyasan ang pork barrel ng mga kongresista? Mas maigi pa nga kung tanggalin na 'yan para mailaan ang pera sa ibang sangay na mas nangangailangan.

Estudyante pa lang ako eh ipinaglalaban na 'to. Aba! Kelan sila hihinto? Kapag barya na lang ang tira para sa kinabukasan ni Juan?

*images from abs-cbnnews.com

Dalawang araw mula ngayon, ang bukas ay magiging kahapon

2011-09-23T16:30:00.000+08:00

Darating ka talaga sa punto ng buhay mo na nilulukuban ka ng matinding kalungkutan. Marami kang iniisip na nakadadagdag sa bigat ng nararamdaman mo. Minsan nagiging depresyon ito kapag sobra na. Nagiging option pa minsan ang pagpapakamatay. Pero lagi mong isa-puso't isip na may maganda pang maidudulot sa'yo ang buhay. Nakakapagod maging malungkot pero lilipas din 'yan. 'Wag padadaig sa pagsubok.

Balik loob

2011-09-22T19:42:00.000+08:00

Nabuburyong na ang byuti ko sa kakakuda sa mga foreynjers kaya naman napagpasyahan kong mag-aral ng pagvi-video edit. Sa tulong ng aking super friend na si Tensai, tuturuan niya akong gumamit ng Avid Media Composer. 'Yan eh kung may time pa siya. Busy much kasi ang kanyang byuti sa trabaho. Magse-self training muna ako using online manuals.

Sinajes din niya na magbalik loob ako sa pag e-edit ng photos. Classmate ko siya noong college sa Photography at Multimedia Arts classes kaya kahit papaano at may alam ako. Hindi nga lang nahasa dahil sa ibang landas ako napunta after graduation. I think it's time to go back ang improve my skills.

Good luck sa 'kin at sana makaya ko 'to! Mukha pa namang napaka-technical ng editing.

Glow, Blow, Know

2011-09-21T23:48:00.000+08:00

Ano bang nangyayari sa SM at mukhang bagong target ito ng krimen. Noong isang linggo lang binaril ng isang misis ang kanyang mister sa loob ng SM North EDSA. Nadamay pa sa insidente ang isang sekyu. Kahapon naman ay dalawang beki ang patay sa loob ng SM Pampanga. Ang todong nakakaloka, trese at disi-sais anyos lang sila!

Ayon sa balita, si beki 13 at 16 daw ay magkarelasyon. May pinagselosan si beki 13 at dahil dito, napagpasyahan niyang barilin sa ulo si beki 16 na ginawa rin niya sa kanyang sarili. Agad silang dinala sa hospital ngunit parehong dineklarang brain dead na.

Pumunta ako last week sa SM North matapos ang barilan incident at walang pinagbago ang kanilang security system. Bago pumasok eh tsetsekin ni koyang sekyu ang bag mo pero hindi mag e-exert ng effort na kalkalin ito. Hindi na rin kinakapkapan ang katawan ng mga nagsisipagpasok. Hindi kataka-takang madaling naipasok ng mga suspek ang kanilang armas.

At ang mga bagets ngayon, ke aaga makipagrelasyones lansones. 13 years old? NAKAKALOKA! Siyempre nakakaramdam na ng crushes at paghanga 'yan sa ibang tao pero sa ganyang edad, dapat pag-aaral ang kanilang prioridad.

Bb. Melanie with high school classmates

Sa mga kabataan ngayon, 'wag naman sana ninyong minamadali ang pagtanda at pakikipagrelasyon. Ilang taon lang naman kayong magiging adolescent kaya dapat i-enjoy ang youthfulness at glow. Saka na isipin ang blow, you know?

Lovelife

2011-09-21T16:40:00.001+08:00

Someone asked me to share something about my lovelife. At first, ayaw ko sanang mag-share dahil nahihiya ako. Pero dahil wala naman akong itinatago at malakas kayo sa akin, sige na nga.

Pinapakilala ko sa inyong lahat si lovelife...

AMP!

Paano na lang?

2011-09-20T17:48:00.001+08:00

Nakipag-bondingan ako sa aking pamilya at mga kaibigan nitong nakaraang dalawang araw. Ang sarap sa pakiramdam na makipaghalakhakan at makipagdiskusyunan sa kanila. Iba pa rin talaga ang pakikipag-interact sa totoong buhay kaysa sa internet lang.

Pumunta ako sa bahay ng kaibigan ko nung linggo. Sakto at nandun din ang isa pa naming kachokaran. Kwentuhan habang palipat-lipat sa replay ng Miss Universe at coronation night ng Miss World. Medyo sensitive ang ibabahagi ko sa inyo kaya itatago ko ang kanilang tunay na pangalan.

Mariah: Nako, itinigil ko na nga 'yang pag-eemo sa Facebook.

Melanie: Bakit? Tanggap mo na bang dalawa kayo sa buhay ni Ricky?

Mariah: Hindi lang dalawa. Marami kami.

Melanie: Oh my! Hindi ba siya natatakot na magkaroon ng AIDS?

Naikwento ko sa kanila ang picture ko sa promotion ng The Love Yourself Project.

Shania: Since advocate ka na, pwede na siguro naming sabihin sayo...

Mariah: Si Ricky ay HIV positive.

Melanie: HUH! Eh di baka ikaw rin?

Mariah: Never naman kaming nag-do noh!

Melanie: Kailan niya nalaman? Saan?

Mariah: Few months ago. Nagpatingin silang magbabarkada sa San Lazaro. Tatlo sa kanila ang nagpositive. 'Yung isa 19 years old lang.

Melanie: Kailangan siguro niya ng counselling. May kilala ako.

Mariah: Ilang beses ko na siyang pinagsabihan. Hindi na siya makikinig sa counselling na 'yan. Wala nang direksyon ang buhay niya.

Melanie: Eh anong balak niya?

Shania: Ang manghawa.

Nilukuban ako ng matinding takot ng mga sandaling iyon. Halo-halong emosyon ang aking naramdaman pero ang tanging nangibabaw ay takot. Hindi ko alam kung para kanino pero natakot ako.

Paano na lang siya?

Paano na lang ang iba pa niyang nakaulayaw?

Paano na lang kapag nalaman ito ng kanyang pamilya?

Paano na lang ang mga inosenteng tao na maaari niyang hawaan?

Tinimbang 2.0

2011-09-17T22:27:00.000+08:00

Nadelay ng konti ngunit heto na ang ikalawa at huling timbang sa mga pelikulang tungkol sa buhay beki...

5. Ang Lihim ni Antonio

So far, ito ang pinakamagandang pelikula na naisulat ni Lex Bonife. Ang galing din ng pagkakadirek ni Joselito Altajeros. 'Di nakapagtatakang naipalabas ito sa iba't ibang bansa at nakapagpanalo pa ng akting award kay Kenjie Garcia.

4. Ang Pagdadalaga ni Maximo Oliveros

This is not actually a gay indie film pero dahil beklaboom si Maximo eh isinama ko na 'to. Masarap panoorin na hindi hadlang ang kabaklaan ni Maximo para mahalin at pahalagahan siya ng kanyang tatay at mga kapatid. Nakakainggit. Nakakalungkot lang ang kinahinatnan ng kanyang pamilya sa ending ng pelikula.

3. Sikil

Ipinalabas noong early 2008 kung saan hindi pa laganap ang produksyon ng pink movies. Bestfriends na naging lovers ang tipikal na istorya. Ang sarap lang ni Ken Escudero dito.

2. The 'Thank You' Girls

Kakaiba ang pelikulang ito mula sa lengwaheng ginamit hanggang sa karaktek ng mga bida. Mabuhay ang mga beklitang mahilig sumali sa byuti pageants!

1. Muli

Hango ito mula sa Palanca-award winning screenplay ni Gerry Gracio. May kahabaan ang itinakbo ng pelikula pero hindi nakakainip. Iilan lang ang karakter pero lahat ay mahalaga para sa kabuuan ng istorya.

Ayon kay Sid Lucero, ito na ang huling pagkakataon na gaganap siyang vektas kaya siguro itinodo na niya ang performance dito. First time naman makipag-tsuktsakan ni Cogie Domingo sa kapwa lalaki on screen. Nakakagulat ang kanilang mga eksena pero ginawa naman in a very good taste.

Ito ang nanguna sa aking listahan dahil bukod sa perpektong istorya at mga artista, naramdaman kong pinahalagahan ng pelikula ang pagmamahalan ng dalawang tao na nag-antay ng tamang panahon para ito'y pagsaluhan. Walang namatay sa mga bida at hindi nakakalungkot ang katapusan.

Cosmo Bachelor Bash 2011

2011-09-16T18:59:00.000+08:00

Salamat sa aking mabuting kaibigan na si Chari at kinaray niya 'kong muli sa Cosmo Bachelor Bash. Ikalimang pagkakataon ko nang dumalo sa event na itis ng Cosmopolitan Magazine at talagang walang mintis itong napapataas ng kasabikan ko sa lalaki. Halatang kaong na akiz. CHOS!

Dagsa ang 'sangkababaihan at 'sangkabaklaan kagabi para masilayan ang sandamakmak na sarap sa stage. Inumpisahan ni Jake Cuenca wearing pants na hinubad niya. Parang magigiba ang World Trade Center sa tilian ng tao. JUICE KOH! Ang sarap sarap ni Jake! Napuno agad ang pantiliner ko!

Rampa din sa stage ang iba't ibang modelo at artista tulad nina Rodjun Cruz, Lucky Mercado, Mike Tan, Aljur Abrenica at Brent Javier. Early 2000's pa ng maging laman ng pantasya ko si Brent at talagang hindi nagbago ang kanyang itsu. 'Di ko pinalagpas ang pagkakataon na magpa-fecture sa kanya.

May bago din itinatangi ang puso(n) ko, si Robbie Becroft. Ang kyot kyot niya! Nakakaloka ang pagpapatakam ni Anton del Rosario sa kanyang tapur. Pati si Enrique Gil, hindi nagpahuli sa matatambok niyang pan de limon. Laglag ang panga namin!

Pagkapatapos ng show, inabangan namin ang mga mudels para makipag-litratuhan. Dedma sa hiya basta may ebidensya ng sarap. At dahil para akong papel na pakalat-kalat kagabi, may apat na nakakilala sa akin. Mga tagatangkilik ng blog na itech. Kung nababasa niyo man ito, maraming salamat sa pagsuporta.

High na high pa ako hanggang ngayon dahil sa dami ng masasarap na putahe kagabi. Sana makapunta ulit ako nek yir.

Abante

2011-09-14T18:46:00.000+08:00

Miss Universe 2011 Leila Lopes and Ximena Navarrete

Talagang hindi ako nakaka-get over sa nakalipas na Miss Universe 2011. Medyo nahimasmasan na ako sa pagiging 4th place ni Shamcey. Ayaw ko nang umalma dahil wala na namang magagawa pa 'yon. May iba nga lang akong bet na hindi man lang naka-abante sa top 16 or top 10. Heto sila...

Korea - Sora Chong

Ang roommate ni Shamcey sa Brazil. Gustong gusto ko ang aura at maamong features niya. Medyo kinulang sa stage presence during the prelims kaya parang hindi masyadong napansin.

Japan - Maria Kamiyama

Basta kandidata galing Japan, high-fashion at mamahalin ang porma. Kakaiba ang kulay at tahi ng kanyang bonggang evening gown. Ang slit ay nasa left side mismo ng hita. PAKAK!

Tanzania - Nelly Kamwelu

Maraming may ayaw sa kanya dahil sa hindi pang beaucon ang kanyang itsu. Since madami na sila, hindi ako sasama sa kanila. Baka tusukin pa niya ako gamit ang national costume niya. CHAROT!

Venezuela - Vanessa Goncalves

Actually kalahating malungkot at kalahating masaya ako sa hindi niya pagkakasama sa top 10. Malungkot dahil inabangan ko siya simula ng manalo siyang Miss Venezuela 2010. Nasaksihan ko ang todong transformation niya. Masaya kasi isa siyang NAPAKALAKING threat sa ibang kandidata. Tindig at katawan pa lang, alam mo nang medyo dehado ang iba. Tsaka umariba na naman sila noong 2008 at 2009 kaya give chance to others naman.

Salamat 2.0

2011-09-13T16:08:00.000+08:00

Bonggang salamat sa isang napaka gandang performance Shamcey! Kahit hindi mo nasungkit ang mailap na korona ng Miss Universe, proud kami sa nagawa mo para sa ating bansa. Happy ang 'sangkabaklaan sa pagiging 3rd runner-up mo. Sa limang natira, ikaw lang ang nakasagot sa tanong na may todong confidence, in straight English at walang utal. ANG GALING!

Tunay ngang kakaiba ang taglay na alindog, talino at ganda ng mga Pilipina.

Next year ulit!

Turnilyo

2011-09-11T00:05:00.000+08:00

Grand Winners Jared Alvero and Cheska Lacson

Nagsama-sama noong Martes sa Metro Comedy Bar ang mga straight at lahing fenk para sa pinakaseking gabi ng Setyembre, ang ika-anim na taon ng Hataw Super Bodies Bikini Open. Bumaha ng alindog sa stage na halos ikaluwag ng turnilyo ko.

(L-R) 1st RU: Haime Felix, 2nd RU: Arbie Silva, 3rd RU: Josh Cuenca, 4th RU: Jayson Parker

Marami sa mga original contestants ang nagsipag-back out tulad ng bet ko na si Richard Bradley Arma at ang paborito ng vektas na si Rommel Torres. Equally handsome at hunkilicious naman ang humalili sa kanila tulad ng SHOBI 2011 grand winner na si Jayson Parker.

Unti-unting nabawasan ang tao sa paglalim ng gabi kahit hindi pa tapos ang show. Ang haba naman kasi ng itinakbo nito. Kahit ang mismong host na si Richard Pinlac eh halatang minadali na ang Q&A portion. Hindi na siya nagpaligoy-ligoy pa at tahasang tinanong ang mga male finalists kung may experience na ba sila sa bading. Tinanong din kung anong masasabi sa indecent proposal. Isa lang ang nakasagot ng maayos sa misteryosong tanong na yan, si Jared Alvero. Noong una eh no comment siya pero sinagot din niya. Kung makakatulong daw ang indecent proposal, why not? Oh de vaaahhh!? Winner talaga!

Bago koronahan ang nagsipagwagi, rampa muna sa stage in their dark red bikini ang year 5 winners na sina Kate Dulay at Richard Pangilinan. Tuluyan na akong nawala sa aking sarili with matching paglalaway ng bibig at fake-fake. Hihihi...

Narito pa ang ilang masasarap na hi-rez photos na kuha ni ateh Melito Cage: