Restoration Project #9: Ang Babaing Nakabelong Itim

Ang Babaing Nakabelong Itim
Betamax Komiks Magazine
Vol. 1 No. 3
Rico Publishing House

El Príncipe

Last year, bilang Christmas gift sa sarili ay nag-upgrade tayo from DVD player to Blu-ray player. Kahit madalang ang bala niyan dito sa Pilipinas ay bumigay din ako after so many months of contemplating. Hindi naman maipagkakaila na mas maganda talaga ang picture quality. Malinaw na malinaw hanggang sa pores ng mga artista. Isa sa mga una kong pinanood ang pelikulang El Príncipe mula sa bansang Chile...

The Prince (2019)

El Otro Film, Niña Niño Films, and Le Tiro Cine

Screenplay by Luis Barrales and Sebastián Muñoz

Directed by Sebastián Muñoz

Starring Alfredo Castro, Gastón Pauls, and Juan Carlos Maldonado

Nakulong si Jaime (Maldonado) matapos niyang mapatay ang best friend sa selos. Nakilala niya El Potro (Castro) na leader sa kanilang selda. Agad na dinispatsa nito ang boytoy kapalit niya. Prinotektahan siya nito at nagkaroon sila ng intimate affection. Hindi ko sure kung 'yung connection na 'yon ay romantic or just because meron silang napapala sa isa't isa. Bilang nasa kulungan sila, may kanya-kanya ere ang mga leader sa bawat selda.

Isang araw ay nakita na lamang na binigti ang pusang alaga ni El Potro. Nagkaroon ng riot na ikinasawi nito at ng isang leader. Habang naglalakad sa pagdadalamhati si Jaime, nalaman niya na si ex-boytoy pala ang pumatay sa pusa.

Sa trew lang, kaya ko binili itong pelikulang ito dahil sa cover na ginamit. Bigla akong nakaramdam ng mainit na gata sa tilapya ko kaya pikit-matang binili. No expectations at all pero maganda naman pala ang istorya. Mas interesado akong manood ngayon ng Spanish-language movies dahil sa kakaiba nilang atake sa paggawa ng pelikula. Kakaiba ang istorya at senswal na hindi bastusin sa mata.

Rating: 4/5 stars

***

Matagal na akong nagpo-post ng movie reviews at aminado naman akiz na waley talaga akong binatbat sa mga legit movie critics. Hindi ako masyadong maalam sa technicalities at mabubulaklak na adjectives to describe the experience. I watch movies to be entertained. So ang basis ko sa mga rating na binibigay ko ay ang mga sumusunod:

5 stars - Bet na bet! Flawless from the start to finish.

4 stars - Pasok sa panlasa. Maayos ang istorya at pagkakagawa.

3 stars - Sakto lang. Pampalipas oras. Hindi life-changing.

2 stars - Anyare? In between sakto at chaka ganyan.

1 star - Chaksilog. Sayang ang oras at pera.

Restoration Project #8: Malamig Ang Bawat Gabi

Malamig Ang Bawat Gabi
Macho Komiks Magasin
Abril 1986
Taon 3 Blg. 70

Restoration Project #7: Virgin Wife

Bedtime Stories
May 16, 1996
Taon 1 Blg. 17
Sonic Triangle Publishing, Inc.

Virgin Wife

Nobela ni Joven M. Tan

Guhit ni Lan Medina

Restoration Project #6: Marupok

Marupok
Pinoy Klasiks
Hulyo 17, 1997
Taon 35 Blg. 1966
Graphic Arts Services, Inc.

Restoration Project #5: Frozen Baby

These past few weeks, inabala ko ang sarili ko sa pagre-restore ng mga lumang komiks. Maaaring ang iba sa inyo ay tulad ko na lubusang naapektuhan sa resulta ng eleksyon. Ano man ang nararamdaman niyo, valid 'yan at kanya-kanya tayo ng timeframe kung kailan magmu-move on.

Sa mga susunod na araw, hayaan niyong ibahagi ko sa inyo ang mga istorya na may katatakutan, kaseksihan, panibugho, at pagmamahal. Hindi masamang bumalik sa nakaraan kung ito naman ay nagbigay sa atin ng kasiyahan. Malumbay man ang ating mga puso, patuloy itong titibok para sa hinaharap. 

Frozen Baby
Pinoy Klasiks
Taon 33 Blg. 1859
Hulyo 7, 1996
Graphic Arts Services, Inc.

Kampante

Wala pa ako sa huwisyo matapos makita ang resulta ng partial unofficial results ng national elections. Hindi ko naman itinatwa sa sarili ko na maaaring matalo si VP Leni but not with that wide gap. But I guess the Filipino people is not yet ready for her kind of leadership. So I'm okay na magpahinga muna siya after 6 years of serving us. She deserves to spend private and quality time with her daughters, far away from trolls.

Saving grace na lang ang pagkakapasok ni Sen. Risa Hontiveros sa top 12. Abot-abot ang kaba ko at baka malaglag pa pero mukhang kampante na siya sa 11th spot. I just hope she survives a senate full of shit. Protektahan natin siya at malamang sa hindi, siya ang bagong focus ng trolling. I know she will continue fighting for us and creating progressive laws for women and the LGBTQIA+ community.

Masakit pa sa puso at matatagalan pa siguro bago tayo maka-move on. Sa ngayon, pagsaluhan muna natin ang istorya ng kakirian ni Alice...

Hayok Sa Laman
Betamax Komiks Magazine
Vol. 1 No. 3
Rico Publishing House

Pagbabago

Ilang oras na lang at muli na naman tayong maghahalal ng mga bagong pinuno ng bansa. Sana ay may listahan na kayong nakahanda para pagdating sa presinto, shading na lang ang gagawin. Make sure na kumpleto ang listahan at hindi sosobra lalo na sa pangulo, pangalawang pangulo at mga senador. Okay lang ang mag-undervote kasi mabibilang pa rin ang boto. Kapag sumobra, invalid na! Kaya dapat maingat dahil mahalaga ang bawat boto ngayon.

Sa pagsasama-sama natin sa mahigit labing-dalawang taon, tatlong presidente na ang pinagdaanan natin - Gloria, PNoy, at Digong. Pare-pareho nating naramdaman ang kanilang panunungkulan. Gumanda ba ang buhay natin o hindi? Umangat ba ang ekonomiya para sa karamihan o sa iilan lang? In line ba sa kanila ang core values natin? Ilan lang 'yan sa mga dapat nating itanong bago pumili ng kandidato. Hindi mahalaga kung bet natin sila personally bilang hindi naman tayo namimili ng jojowain. Kailangan suriin nang mabuti ang kanilang intensyon at karanasan. Panibagong anim na taon na pagseserbisyo ang ipararanas nila sa atin kaya mahalaga ang kanilang reputasyon.

Si (10)Leni Robredo ang iboboto kong pangulo samantalang si (7)Kiko Pangilinan ang aking bise-presidente. Pareho silang walang bahid korapsyon at nagtrabaho para sa ikauunlad ng buhay ng mga Pilipino. Minsan lang dumating ang tulad nila kaya 'wag sana nating palagpasin ang pagkakataon na magkaroon ng matino at mahusay na mga lider.

Kumpleto na rin ang labing-dalawang senador ko. Muli kong iboboto sina (34)Risa Hontiveros, (58)Sonny Trillanes, at (18)Leila De Lima. Napatunayan nila na kaya nilang magtrabaho na hindi humahalik sa puwet ng pangulo. Maraming batas ang naipasa at kahit nakulong dahil sa gawa-gawang krimen, hindi ito naging hadlang para maging produktibo si Sen. De Lima sa kanyang tungkulin. We should give her another chance not just to redeem herself but to serve us.

The rest of my senators are newbies - (4)Teddy Baguilat, (16)Neri Colmenares, (21)Chel Diokno, (26)Luke Espiritu, (37)Elmer Labog, (38)Alex Lacson, (45)Sonny Matula, (56)Jopet Sison, at (63)Carmen Zuibiaga. Kada eleksyon, hinihiling natin ang pagbabago pero palaging mga lumang pangalan o galing sa TraPong pamilya ang nananalo. Kung gusto ng pagbabago, magsisimula 'yan sa mga bagong pangalan na dapat umupo. 

Nasa kamay natin ang kinabukasan ng bansa. Maging bukas sana tayo sa pagtanggap ng katotohanan tungkol sa isang pulitiko. Walang perpekto sa kanila pero kung sandamakmak na ang kinasangkutan niyang katiwalian, isang malaking X na siya sa listahan. Hindi na dapat kasama sa pagpipilian. Panahon na para tayo ay umusad mula sa kurakot, mapanlinlang at makasariling pamumuno. Sabi nga ni Sister Stella L...

"Kung hindi tayo kikilos, sino ang kikilos? Kung hindi ngayon, kailan pa?"