Friday, April 8, 2011

Gluta at Kape

Sino bang member ng samahang ito? Kasi ako, dalawang beses nang gustong isali ditey. Ang siste ng mga recruiter, aayain kang mag-dinner or coffee near their main office. At kapag nandun ka na, saka nila ibubulgar ang tunay na pakay sa'yo. Kesyo magandang business ang offer nila. Konting kaperahan lang, kikita ka na agad ng malaki. Ang gagawin mo lang eh mag-invest ng anju at kapalit ay sabong may Glutathione o kapeng pagkamahal mahal na may health benefits achoo choo choo. Kung gusto mo ng mas mataas na kita, magrecruit ka ng ibang taong aanib sa kanila. LECHE!

Meron pang bibitbiting buhay na saksi yung recruiter na magpapatunay na yumaman ito sa samahan. Nakabili na daw sila ng lupa at kotse. Eh nung nakita ko ang fes, mukha pa akong mayaman (kahit di naman). Hindi naman sa panlalait noh pero kung ipagmamalaki mong limpak limpak na ang iyong salapi, dapat it shows with your physical appearance. Bibili ka ng disenteng damit dahil prospective clients ang haharapin mo. Meron ka ring dapat high-tech gadgets na maaring kainggitan ng iniimpluwensiyahan mong sumanib.

Kaya ako nagkakaganito, may nag-aya kasi sa aking otoko na magkita kami kagabi sa Robinson's Galleria. Ang sabi, magdi-dinner daw kami. Kinilig naman ang fake-fake ko kahit witchells ko siyang type. Since galing ako ng Greenhills, pinatulan ko na ang offer. Late pa nga siya. IMBERNA ME! At nang dumating na, sinabing sa Greenhills daw kami kakain dahil merong restaurant dun ang friend niya. Nung pababa na kami ng Ortigas overpass, bigla ba namang humirit si koya na gusto daw muna niyang i-offer sa akin yung UNO. ABA LINTEK! MANLOLOKO ANG TARANTADO! Buti na lang at may alam na ako sa kalakaran ng kanilang samahan. Umariba agad ang utak ko at nakabuo ng istorya:

Bb. Melanie: Ay! Member na ako niyan dati pero hindi na ako active.

Koya: (halatang dismayado) Ha!?!

Bb. Melanie: Yung friend ko kasi, dating member niyan. Ni-recruit nila ako before. Nagbenta nga ako ng Glutathione tsaka ng kape eh.

Koya: Kailan ka pa nagmember?

Bb. Melanie: Nung ano... kelan nga ba 'yun? Ahhh... 2009.

Koya: Kailan ka naging inactive?

Bb. Melanie: After 3 months. Nung nabuntis yung friend ko naging inactive ako. Ang mahal din kasi ng mga produkto nila eh.

Koya: Baka gusto mo ulit maging active?

Bb. Melanie: Ay! Ayaw ko na. Wala na akong budget at oras para diyan. Hindi ko nga nabenta yung natirang stock ng Glutathione kasi hindi daw effective. Sayang nga eh (paawa effect).

Koya: Kailan ka ba nagsimula?

Bb. Melanie: (daming tanong) Ahhh mga August 2009. 3 months lang akong active .

Marami pa siyang inusisa pero hindi ako nagpadaig sa kanya. Hanggang sa siya na ang sumuko.

Koya: Pasensya ka na ah. Hindi ko kasi alam na member ka na nito.

Bb. Melanie: Sa susunod kasi, sasabihin mo agad para hindi nasasayang ang oras.

At ako'y umalis na.

Hindi niya alam, nunca naman talaga ako member nung samahan nila. Wala akong binentang Gluta o kape. Pero totoong may kaibigan ako dati na nagtrabaho sa kanila. At totoo ding inactive na siya. Sa kanya ko nalaman ang kalakaran ng kumpanya.

And the winner for the best actress is... BB. MELANIE!!!

3 comments:

Anonymous said...

ay nangyari din sakin yan bb.melanie
niyaya ako nga crush ko, tapos may kukunin lng daw saglit sa friend nya. kaloka ung napagusapang date na 7pm naging 11pm. imbyerna ako. kung di ako nag-inarte baka inabot kami ng 3am dun

Anonymous said...

biktima din ako nyan niyaya din ako nung former officemate ko at crush ko sinundo pko ng car! well hindi na ako nabibelieve s mga ganyan!

Jonathan Orbuda said...

Buti nalang ako di nadala

Related Posts Plugin for WordPress, Blogger...