Nagtatayugan

I was in Pampanga last week to visit my friend since he was assigned there to train people. Dahil free lodging naman, 2 of my girl friends grabbed the opportunity to see the beautiful Angeles City. HOMAYGASH! Malinis, malamig ang klima at masasarap ang pagkain sa karinderya. Madami pa ang serving! The best ang view from the low-rise hotel we stayed at. Kita ang Mount Arayat at walang nagtatayugang gusali. The facade of Holy Rosary Parish is one of the best na nakita ko. They maintained the Spanish-era structure. Bongga din ang Pamintuan Mansion at marami kang matututunan. We also tried 7 Beans at yummy ang Americano coffee nila.

Holy Rosary Parish

Pamintuan Mansion

Americano coffee at 7 Beans

Ano pa nga ba ang ginagawa ng mga magkakaibigan kundi ang walang-patumanggang kwentuhan at isa sa napag-usapan ay ang pagbabalik ni Sabel Gonzales. Nito lang kasi ay nakuhanan siya ng litrato sa isang party na nakadamit pambabae. If you remember early this year, pasavogue ang kanyang announcement na siya na muli si Mark Estephen Oblero. Here's the video...

Mga ateng, Im gonna give you my unedited opinion on this matter. As a trans woman like her, I find the video disturbing. Isa-isahin natin ang mga kuda niya:

1. He decided to follow Jesus fully and realized that he's a sinner.

Jesus knows that we are all sinners, whether you are a member of the LGBT+ community or straight ka. Your gender identity does not make you a sinner. 

2. There is still a chance to have a changed life.

Hangga't humihinga tayo, may pag-asa talagang mabago ang buhay. Nasa atin na lang 'yun kung paano gagawin. But changing your gender identity to what the religion dictates does not count. 

3. I found my identity thru Jesus Christ.

Walang ibang nakakaalam kung sino ka kundi ang sarili mo. Kung alam mong mahal ka ng Diyos at mahal mo siya, tatanggapin ka niya kahit ano ka pa man. What matters in heaven is 'yung kabutihan mo dito sa mundo. Don't be harsh to yourself. Be you. Ganyan!

4. The old has gone; behold, the new has come.

Which does not apply to one's gender identity. My interpretation on the Bible verse is kung naging masama kang tao dati at pinili mong magbago para sa kabutihan. Kasamaan does not equate to being an LGBT+ member same with kabutihan being straight.

Nagsulputan ang iba't ibang relihiyon ngayon at kanya-kanyang paraan upang humikayat ng mga miyembro. We are free to choose. Just make sure you balance everything - spiritual, mental, physical, financial and your emotions. Find a religion that will love you for who you are and will help you become a better person, but don't let it dictate on how you will live your life. Use their learnings as a guide. After all, hiram lang ang buhay natin at sure na gusto ng Panginoon na mabuhay tayo nang masaya at mabuting tao.

Dantay

Mag-a-alas cuatro ng madaling araw kanina, sakay ako ng bus pa-Novaliches galing Ayala. Medyo punuan pero hindi naman siksikan. Walang nakatayo. Ambilis ng biyahe. Para akong kalapati na binabaybay ang EDSA.

Otoko ang katabi ko. B&W na checkered ang pants. Medyo chubby. Pwede na. Kaya lang nakatingin sa kanan eh nasa kaliwa ako. Walang pag-asa 'to. Oo nga. Hanggang sa bumaba siya.

Lipad, bus, lipad. May sumakay na cutie pie sa Shaw boulevard. Maputi. Naka-cap at sleeveless shirt. May dalang bag. 'Yung usong brand ngayon. Herschel ba 'yun? Anyways, may nakasunod sa kanya, lalaki din. Payat, mas maliit sa kanya at medyo kayumanggi ang kulay. Puting t-shirt ang suot. Sa likod ko umupo. Tuloy ang biyahe sa EDSA.

May sumakay. Napatingin ako hanggang sa maupo siya sa likuran. Wit ko type. Ganun lang talaga ako. Observant sa sumasakay lalo na kung dis oras ng gabi. 'Di sinasadyang masulyapan ko 'yung kanina. Naka-dantay si white t-shirt guy sa balikat ni cutie pie. Mahimbing na natutulog. Mag-jowa pala.

Madaming nagsibabaan pagdating sa Cubao. Lumipat sila ng upuan. Sa bandang harapan ko. Patuloy ang sweet moments nila. Tumingin ako sa bintana, sa kaliwa, sa kanan, pati na sa kamay ko. Buti pa sila.

Muñoz na. Bababa na si cutie pie. Bigla silang naghalikan. Goodbye kiss. Aray! with matching facial expression. Hinatid ng tanaw ni white t-shirt guy si cutie pie hanggang sa ito'y makababa. They didn't stop staring at each other habang pinupuno ng konduktor ang bus.

At ako, ayun, parang ganito...

Baguio (final part)

March 8: Tight na ulit ang pores pagkagising kinaumagahan. Wala na rin ang 20 kilos na eyebags. Parang galing sa frigider ang tubig nang maghilamos ako. Kung walang heater sa banyo, malamang walang maliligo sa amin pwera na lang kung kaya naming i-accept ang mala-ice bucket challenge na lamig ng tubig.

Last day na namin and we need to seize the moment. After our breakfast sa Session Road, nagsimba kami sa Our Lady of Atonement Church o mas kilala bilang Baguio Cathedral. Box-office sa dami ng tao. Maliit lang 'to compare sa Manila Cathedral pero ang gara sa loob.

Baguio (part 1)

Last month, during the birthday party of Ateh Paul and Chelie, my friends and I decided to visit Baguio. Tagal na rin since our last trip sa Cebu and Bohol at bilang summer naman, why not visit the Summer Capital of the Philippines. Before, pinagbawalan ako ng doktor na pumunta dito because of my lung condition but praise God nawala na 'yon, so Baguio... here we come!

Attendance muna tayo - present sina Gladys, Ateh Paul, Tracy & her BF and Lance & his better half. Absent sina Xheng, Chelie at Chari.

March 6: Victory Liner sa Cubao dapat ang sasakyan namin pero todong punuan kaya sa Solid North Transit kami sumakay pa Dagupan (350php). From there, sumakay kami ng ordinary bus pa-Baguio (100php). 11:30 kami nakasakay, mga 8 AM na kami nakarating. Ang lamig pala talaga pero hindi naman nginig levels. Ang sarap sa baga ng hangin. Agad-agad akong na-inlove sa place! Last weekend ng Panagbenga Festival kaya ang daming tao.

Human Traffic-ing

Here I am sa loob ng MRT, super late sa work dahil sa human traffic-ing.

It's been a month since pinatupad ng DOTC ang fare hike and it feels like walang agarang aksyon para mapagaan at mapaginhawa ang experience ng mga biyahero. Nag-worsen pa nga yata. Imagine, we need to allot at least 30 minutes to an hour or 2 para sa pila papasok ng station. Tapos mag-aantay pa sa pagdating ng tren. Todong makikipagsiksikan sa dami ng utaw. Ang pinaghirapang plantsahin, nagusot sa isang iglap! Tanggal-tanggal pa 'yung ilaw sa may pinto dahil pilit kinakapitan.

I am just one of the hundreds of thousands Pinoys na walang choice kundi ang magtiyaga sa serbisyong bulok. I don't want to sound mean but this is basically hell! 'Di rin nakatulong na Dahan-Dahan ni Maja Salvador ang pinakikinggan ko ngayon. Sakto sa andar ng tren. AMP!

Kwento ni super friend Chari, billions of pesos ang nawawala sa Pinas dahil sa traffic - ng sasakyan o ng tao sa daan. Oh my! Bilyon levels na 'yan. So sad kasi apektado pala ang GDP at economic growth ng ating bansa. Siyempre, anong negosyo ang natutuwa sa mga empleyadong late o hindi nakarating sa meeting? Less productivity hours is equals to bawas sahod or NTE.

Though naipayo ko dati na ang solusyon ay matulog at gumising ng maaga, paano kung ginabi ka nang uwi dahil sa traffic? Applicable pa ba ito? Siyempre hindi naman pwedeng derecho tulog ka kasi may pamilya at ibang bagay na nangangailangan din ng iyong atensyon.

Kaya siguro nagsisisulputan 'tong mga bonggang condo sa tabi ng business districts, para iwas biyahe at less hassle. Pero lahat ba tayo afford ang ganyang tirahan? Kung walo tayong magshe-share sa isang studio type unit, baka pa. Sarsa na lang ang kulang, sardinas na.

I am really wishing, hoping and praying that DOTC will come up with a perfect plan on how to manage the people and train intervals. They also need to check the maintenance and mechanism of the trains, lalo na't mahigit isang dekada na itong bumabaybay sa EDSA.

Since tinaas na nila ang pasahe, ano ba naman ang mag-double time sila to research and create a plan for the benefit of the riders. At habang wala pa 'yan, all we can do is be more patient. Imbes na pandesal, Pasencia na lang ang aalmusalin ko. CHAUSE!!!

Torotot

Ang daming bata sa labas ng balur. Panay ang ihip sa kanilang mga torotot habang 'yung isa, kumakanta ng Just Give Me A Reason. Isang taon na naman ang pinagsamahan natin mga ateng and I'm so happy that we survived it! Handa na ba ang media noche niyo? Nakasabit na ba ang ubas sa pinto? Puno ba ng barya ang inyong mga bulsa? Naka-polka dots ba si madir?

Bago niyo sindihan ang inyong mga paputok at lantakan ang fudang sa mesa, let's take a quick look back to some of the highlights that we shared this year...

UMAAPOY NA BALITA

Full force ang Pamilya Revilla kasama na si Ipe at ang dilaw na traktora sa privilege speech ni Sen. Bong Revilla. Kahit diagnosed with cancer, all smiles at witty pa rin si Sen. Miriam. Mula #1 ay bumagsak ang trust ratings ng mga Pinoy kay VP Binay dahil sa diumanoy tagong yaman nito. Good news naman ang hatid ni Jamie Herrell na tinanghal na Miss Earth 2014. 

BASA AT NOOD, NOOD AT BASA

Katotohanan at realisasyon ang hatid ng libro ni Noringai. Panalo ang 51st edition ng Binibining Pilipinas sa pagpunta ni Miss Universe 2013 Gabriela Isler. Matinding sakripisyo ang ginawa ni Elise Kang para sa kanyang minamahal. Mananatili sa aming puso ang mga nobela mo, Ms. Martha Cecilia.

TUGTOG

Dream come true ang makita nang personal ang teenage crush kong si Shane Filan. 'Di man masyadong kinagat, tuwang-tuwa pa rin ang die-hard Kylie fans sa kanyang new album. Sweet pa rin ang image ni Hilary Duff sa kanyang mga comeback singles. Xtina & Lady Gaga - who would have thought na ang minsang pinag-away ng fans ay magkakaroon ng perfect duet?

I WANNA BE A SUCCESS STORY

Long lasting ang dating ni Mister Slovenia 2013 candidate Blaž Zaplotnik. Wala na tayong hihilingin pa kung si Lucas Arantes ang pipitas sa ating aratiles. Tutok lahat nang manalong Manhunt Slovakia ang ex-military na si Adam Bardy. Na-love at first sight naman ako kay Mister Slovenia 2014 semifinalist Bojan Radusinović ♥

SINE-SINE 'PAG MAY TIME

Tiba-tiba sa takilya ang unang dalawang pelikula ng Star Cinema for 2014, ang Bride for Rent at Starting Over Again. From book to movie, hit na hit ang Diary ng Panget na bumuo sa JaDine loveteam. Surprise win sina Jennylyn Mercado at Derek Ramsay sa perfectly made na English Only, Please.

EXTRA RICE PLEASE

Super sexy ni Dominic Roque sa promo pics ng The Naked Truth. Thanks to Chalk's Summer Boys 2014 at nakilala ko si Daniel Velasco. Nabiyak ang puso ko nang mag-resign si Glenn sa opisina. Lahat nahumaling sa taglay na kaseksihan ni Henrik Lagoni.

TRENDING

Ang pagkakapaslang na yata kay Jennifer Laude ang pinakamainit na isyu ng 2014. Dumarami na rin ang nagsasamantala sa kahinaan ng 'sangkabaklaan. Buti na lang at andiyan si Dyosa Pockoh upang maghasik ng good vibes sa lahat.

GULONG NG BUHAY

Masarap sa pakiramdam na maghatid ng kasiyahan sa ating mga lolo't lola. Kilig na kilig ako habang sinusuri ni doc ang balat ko. Halos ayaw ko nang bumaba sa taxi sa sobrang kapogian ni mamang driver. Flop man sa afam, at least napuntahan ko for the first time ang pamosong Boracay Island.

Ayan na! Malapit na mag-Year of the Wooden Sheep at according to Chinese horoscope, ang lucky color daw ay green. Perfect sa mga berde nating pag-iisip ahahahaha! I am so looking forward to share another 12 months, 52 weeks and 365 days with all of you. 

MASAGANANG BAGONG TAON!

Boracay (final part)

Ang daming pagpipilian

After our super late lunch, we decided na mamili na nang aming pasalubong for our love ones. Madaming pagpipilian sa moraytang halaga like keychains (8 for 100), ref magnets (50 each), bags (150++), purse (3 for 100), t-shirts (2 for 150) atbp. Paborito ko 'yung tsinelas na hugis nota. Nakakaeskandalo lang isuot ahahaha! Meron din foods like tuyo, daing, danggit, pusit, otap, and my favorite piyaya. Go kayo sa talipapa kung gusto niyo makamura. Mas mahal kasi kung sa may baybayin kayo mamimili.

Boracay (part 2)

October 18. Huling buong araw namin sa isla. May compli breakfast ang hotel pero good for 2 lang kaya sina Chris at Joe na lang ang kumuha. Sa McDo kami lumafang ni Jamie at pinasunod 'yung dalawa. Bet daw nila mag-activities bilang last day na. Go with the flow. Una dapat Banana Boat pero nauwi sa Island Hopping. While waiting for the availability of bangka, nag-Helmet Diving muna sina Chris at Joe. 'Di na sumama si Jamie kasi na-experience na daw niya. Wiz ko rin feel kaya sila na lang.

Akala mo ang sarap pero ang init ng upuan na 'yan!

Boracay (part 1)

Busy-busyhan ang sarap ko sa paghahagilap ng trabaho kaya nababawasan ang oras ko sa pagluluto ng masasarap na putahe. Nakakaloka ang MRT challenge. Nais ko man iwasan eh lagi kong naaabutan lalo na kapag sa may Makati o Taguig ako nagagawi. Wala kiber-kiber, kung gusto mong makauwi agad, isiksik mo ang sarili . Kung pwede nga lang na lumutang ako sa loob ginawa ko na.

Nakakaubos din ng lakas ang pag-i-English sa mga interview. Please introduce yourself, your work experiences, educational background, strengths and weaknesses. Tell me about yourself that is not on your resume. Hanuba! Kaya ang resume ko, bulleted at wala masyadong description para may maikuda akez.

Kwento ko na sa inyo ang pers time experience ko. Hindi sa lalaki kasi virgin na virgin pa ako (weehhh) kundi ang pagtapak ko sa mala-pulbos na buhangin ng Boracay. Mahaba 'tong pagsasalaysay ko kaya pagtiyagaan na ninyo.

Eto si BFF Chris

Salamat sa sale ng AirAsia noong Pebrero at natupad ko ang pangarap na 'to together with my bestfriend Chris. Grade 6 pa lang eh BFF na kami. Pareho kasi naming mahal ang Spice Girls noon. Ako si Baby Spice, siya si Sporty Spice. Ang kagandahan sa AirAsia, mas mura ang ticket nila at tuluy-tuloy lang ang sale kaya may dalawa pang nakahabol, sina Joe at Jaime.

Peligroso

Sa Setyembre ay ise-celebrate ko na ang aking ika-walong taong pagtatrabaho sa BPO industry. Mula Eastwood, Makati at ngayon sa Taguig, parte ng aking araw-araw na pagba-biyahe ang pagsakay ng bus. 2010 pa nang simulan kong maghain ng mga karanasan ko sa tinaguriang Hari ng EDSA. As I celebrate my 8th year anniversary, let me share to all of you the top 5 risks in riding a bus and tips on how to avoid it. Shala oh! Umi-English na naman si bakla!

Image from Remate

Trapik
May araw man o wala, expect mo ang bonggang traffic. Sa umaga at hapon kapag rush hour, sa gabi dahil may aksidente o bumaha at walang masakyan. Ang resulta: late sa trabaho. Peligroso kung talakitok ang boss mo. Maliligo ka sa laway kakasermon. Magpayong kung kinakailangan. Goodbye din sa perfect attendance bonus. Ang solusyon: mag-allot ng sangkatutak na oras para dito. Gumising ng maaga. As in maagang maaga!

Image from Favim.com

Karera
Ganito ang eksena kapag kokonti ang sasakyan sa kalsada. Guilty pleasure ko 'to kasi kapag si manong driver eh hindi takaw pasahero at todong nakikipag-unahan sa ibang bus, paniguradong makakarating ako ng maaga sa opisina. Literal na fly sa flyover itech. Ngunit kadalasan ito rin ang sanhi ng...

Image from DZMM

Aksidente
Kung hindi mababangga eh malalaglag sa Skyway. Kamakailan lang eh nawalan ng prangkisa ang Don Mariano bus company dahil dito. Dapat pipiliin ang bus na sasakyan lalo na't madulas ang daan because rainy days are here.

Image from Twitpic

Antok
Kulang ba sa tulog at mala-pagong ang daloy ng trapiko? Don't worry dahil pwede kang bumorlogs sa iyong upuan. Kung masharap ang katabi mo, aba eh sumimple ka nang dumantay sa balikat niya. 'Wag lang tulo laway ah! Make sure idlip lang at 'di tulog mantika at malamang lumagpas ka. Worst baka mabiktima ka ng mga...

Image from Pinoyparazzi

Kawatan
Sa lahat ng nabanggit ko, dito talaga ako ninenerbyos. 'Di mo alam nalaslas na pala ang Secosana mo. Andiyan din 'yung magnanakaw sa may Buendia area at ang 'di mahuli-huling Ipit Gang. Para 'di mabiktima, kailangan laging alerto. Itago ang mahahalagang gamit. 'Wag masyadong showy you know.

Working in the BPO industry is not that easy. I've had my ups and downs, experienced various challenges, shifting schedules etc. Kumbaga sa puno eh inuugat na ako sa larangang ito. I think this is the best work for anyone who wants to be flexible with anything. You may take calls, do paper works, review recordings, check the quality of your team members etc.

If you're interested, just click this link >> Sykes E-Recruitment Site and you may apply online.

Tiyempo

Lunes pagkatapos ng Semana Santa, dagsa ang tao sa lansangan dahil unang araw ng pasok sa trabaho. Karamihan ay puyat pa dahil sa mahabang biyahe samantalang ang ilan dumerecho na sa opisina mula sa pinagbakasyunan. Trapik na ulit sa EDSA. Gitgitan muli sa LRT at MRT. Bukod sa init at bagal ng mga sasakyan, isa pang makaka-engkwentro mo ang mga magnanakaw sa daan.

Kanina lang ay nadale ang aking kasamahan. Pauwi na kami at paakyat sa MRT Ayala. Siksikan ang tao dahil sa kitid ng hagdan. Perpektong lokasyon sa mga snatcher. Mag-uunahan at tila nagmamadali 'yun pala ay gustong maka-pwesto sa likuran ng mabibiktima. Kukuha ng tiyempo para buksan ang dalang bag saka susungkitin ang mapakikinabangan. Bagong-bagong cellphone ang naharbat nila. Sayang. Materyal na bagay man at madaling palitan pero 'yung pakiramdam na naisahan ka, masakit sa kalooban.

'Di bale mahuhuli din sila. Sa ngayon todong ingat ang kailangan. Umaga man o gabi, andiyan sila. Nagmamasid at nag-aabang ng muling mananakawan.

Paspasan

Dalawang nakakagimbal na pangyayari ang naganap na feeling ko eh close sa buhay ko (o gusto ko lang i-relate ang sarili ko).

Courtesy of ABS-CBN News

Kagabi ay sinalakay ng Martilyo Gang ang SM North EDSA. Napasugod pa si PNoy at ang kanang kamay niyang si Mar Roxas para umeksena. Sa mga hindi pa noseline ang modus ng grupong 'yan, bitbit ang dalang martilyo ay babasagin nila ang eskaparate ng jewelry stores at sa isang saglit ay lilimasin ang mga alahas. Todong magkakagulo ang mga inosenteng mall goers at dito hahalo ang mga kawatan at aarteng parang walang alam hanggang sa makatalilis. Base sa pica eh sa first floor ng department store nangyari ang krimen. Hindi pa alam kung dala ng mga suspek papasok ng mall ang martilyo o binili sa loob. Nakakaloka dahil nung tanghali ay nandiyan kami ni mudra at namili ng kawali at tinidor.

Courtesy of GMA News

Kanina naman ay nag-dive mula sa Skyway ang Don Mariano bus at may nadaganang isang van. Habang sinusulat ko ito eh dalawampu't isa na ang kumpirmadong teggie. Kilalang paspasan kung magmaneho ang mga driver ng bus na 'yan. Hindi ko naman nilalahat pero base on my experience, ang byahe ko sa gabi from QC to Makati ay nakakaya nila ng trenta minutos. Basta walang trapik ah! Peborit kong sakyan 'yan kasi alam kong 'di ako male-late. Ngayon, kelangan gumising ng maaga para sa byaheng mahaba dahil suspendido sa kalsada ang bus company na 'yan.

Ewan ko ba pero pansin niyo ba kapag holiday season eh dumadami ang 'di kagandahang ganap sa kapaligiran. Kaya doble ingat tayo mga ateng at samahan ng panalangin ang bawat byahe. Sayang ang byuti kung hindi itotodo ang life ☺

Bakasyon (final part)

Dahil pare-parehong mga puyat, mag-aala-siete na nang umaga kami bumangon. Ambagal pa naming kumilos at maghanda. Isinantabi na muna namin ang almusal dahil eksatong 8:30AM na kami nakababa ng suite. Sa labas ng Sto. Nino Church ang misa pero sa todong mainit kaya sa loob na kami sumilong.

Ang napansin ko sa mga Cebuano, ang seryoso nila sa misa. Parang dinadama talaga nila ang bawat sinasabi ni father. At ang homily, parang apat na beses ang haba kesa dito sa Maynila. Naaalala ko pa nga ang tinalakay, ang acronym na B.E.S.T. (Balance, Enthusiasm, Single-minded at Tenacity).

Bakasyon (part 2)

Ala-singko pa lang ng umaga eh ginising ko na sila para maaga kaming makapaglunoy sa dagat. Kape-kape muna at toasted bread para may lakas sa pagsisid. The tide is high at wala masyadong tao sa dagat. PERFECT! Wit nakakahiyang mag-bikini. Bago pa todong uminit eh inumpisahan na namin ang ritwal. Siyempre, pictorial muna sa bonggang tanawin with our gracious, bodacious and delicious body.

Nang magsawa eh inumpisahan na namin magtampisaw sa Panglao Beach. Bet na bet ko ang tubig ditey. Malinis at hindi masyadong maalat. Ang linaw lalo na kapag sumisilip ang araw sa kaulapan. Nag-antay ang byuti ko ng afam pero waley. Kung kelan naman ako naka-bikini. AMP! 

Bakasyon (part 1)

Sisimulan ko na ang pagku-kwento sa aking bonggang bakasyon nitong nakaraang weekend. Kasama ang ilan sa aking college friends na sina Ateh Paul, Chari, Tracy, Xheng, Chelie at Gladys, pumunta kami ng Cebu at Bohol. Maraming salamat sa pa-sale ng Zest Air last year at morayta avenue lang ang pamasung back and forth. Umaga ng July 5 hanggang gabi ng July 7 ang naging trip namin.

Abot ang dasal ko sa loob ng eroplano mga 'teh. Nagkasakit kasi ako dati sa baga at pinagbawalan ako ni doc na makaranas ng pressure or else, mauulit ang bangungot kong sakit. Matagal na akong cleared diyan pero syokot pa rin akez. Salamat na lamang at 'di ako pinabayaan ng ating Ama at naging maayos ang landing ng byuti ko sa Mactan International Airport kahit medyo nabingi. Lunok lunok lang daw para mawala sabi ni Chari. Ano kayang lulunukin ko?

Perfect ang dating namin na sumakto sa papasikat na araw. Derecho kaming Pier 1 para sumakay ng ferry papuntang Bohol. Na-late kami sa ala-siete na biyahe kaya kinuha na lang namin ang sumunod na biyahe. Lumaps muna sa kalapit na karinderya. Uso sa kanila ang Tinolang Isda. Ang alam ko lang kasi eh 'yung manok version. Matapos mapawi ang gutom, namasyal muna kami sa katapat na park... ang Fort San Pedro na parang mini-Intramuros ang arrive.