Sabik

For the longest time, walang bakas ng Sabik sa Halik, ang launching movie ni Priscilla Almeda, sa internet. From Abby Viduya, diyan siya pinakilala sa kanyang bagong pangalan at tinaguriang TF Princess ng Seiko Films. Kahit black and white copy ng movie poster ay wala sa Google kaya naman isa 'yan sa mga hinagilap ko sa National Library last week. Hindi naman tayo nabigo dahil ang dating lost media, ngayon ay natagpuan na...

At hindi lang 'yan dahil nag-u-upload na ng clips ang CineMo sa kanilang Facebook page. They tag it as #CineSilip which is part of their daily line up. Dati, tuwing 11 PM sila nagpapalabas niyan but it's now 1 AM. Here's a sample clip...

Bonus pa na may nakita din tayong promotional article about the movie. Sulat ito ni Noel Asiñas at lumabas sa mga pahina ng People's Bagong Taliba noong Setyember 21, 1995, a day after the movie was released. ENJOY!

(click the image to enlarge)

Versatile

Noong late '90s, isa na siguro si Klaudia Koronel sa pinakamatunog na pangalan pagdating sa paggawa ng Titillating Films. Bumida siya sa mga pelikula ng Seiko Films tulad ng Linggo Lang Ang Pahinga, Pisil, Kesong Puti, at Anakan Mo Ako. Versatile ang lola niyo dahil pwedeng bida o kontrabida, mayaman o mahirap, at straight man o lesbiyana.

Mas lumawak ang filmography niya nang magkaroon ng projects sa film productions ni Mother Lily, ang Regal Films at Good Harvest Unlimited. Mas nahasa ang kanyang acting skills sa Gamu-gamong Dagat, Dugo ng Birhen, at Babaeng Putik. Pero alam niyo ba na nakagawa din siya ng de-kalibreng pelikula sa tatlo na pinakamagagaling na direktor ngayon - Tuhog ni Jeffrey Jeturian, ang kontrobersyal na Live Show ni Jose Javier Reyes, at Hubad sa Ilalim ng Buwan ni Lav Diaz. Yes ma'am, the director of Magellan starring Gael Garcia Bernal. BONGGA!

Heto at may nakalkal tayong artikulo tungkol sa kanya sa The National Library. ENJOY!

(click the image to enlarge)

KK Reborn!

People's Tonight
July 27, 1999

Masiba

Hindi pa tayo tapos sa ating Nini Jacinto fever dahil this time, isang artikulo naman tungkol sa Talong ang ating nahalungkat. Wititit akong mahilig sa gulay na 'yan pero kung ibang 'talong' ang iniisip niyo, aba masiba ako diyan. Ay! Tayo pala, CHAR! Ngayon ko lang din nalaman na hindi pala 'yan ang original title ng pelikula. Kung ano 'yan, heto't alamin natin...

Mismo
 Written by Ernie Enrile

People's Tonight
July 1999

Magkasunod

Gumora ako sa TriNoma kahapon para humabol sa Reel Pride na handog ng Ayala Malls Cinemas at Viva Films. Dalawang magkasunod na pelikula ang pinanood ko, ang Macho Dancer at Pusong Mamon.

Meron na akong Strand Releasing DVD ng Macho Dancer which I believe is the uncut version of the movie pero hindi pa ito restored which is why kahit alam kong nachop-chop na ng MTRCB ang local version eh kebs, I want to experience it on the big screen. At hindi naman sayang ang pineylet ko dahil napakaganda ng kalidad. May mga minor line scratches at dirt pero barely noticeable. Digitally enhanced lang ito at hindi full restoration (makaiba sila). I don't know kung scanned from negative or positive print ang pelikula pero mukhang naalagaan ng Viva Films ang source material.

Sa pekeng VCD ko naman unang napanood ang Pusong Mamon. I can say it's one of the best queer films na meron tayo. It was ahead of its time and still relevant if papanoorin ngayon (especially with the rise of conservative Christianism). While watching the film, you can feel that it was made with sensitivity. Hindi pilit ang aktingan at cringefest ang batuhan ng linya. Mind you, A-listers lahat ng bida pero wala ka halos maramdaman na 'di nila bet ang kani-kanilang mga karakter. Napakasarap ni Albert Martinez sa tuwing lumalabas sa screen! Isa pang komento ko habang nanonood, ang ganda-ganda ng love nest nila ni Eric Quizon. The kitchen and overlooking view from the balcony is a dream!

Unang kong napansin ang grainy look ng dalawang pelikula. Ang linaw at buhay na buhay ang balat ng mga tao. The colors are bright even at night. 'Yung saktuhan lang at hindi masakit sa mata. The background images are crisp and clear.

Kapag close up ang shot, kitang-kita ang pores at masasabi mong napakaganda ng mga artistang nagsipag ganap. Wala halos retoke, taong-tao, hindi robot, hindi sinaksakan ng fillers ang iba't ibang parte ng fes. And their teeth! Natural color, size and shape. Veneers could nevah!

Even the fashion from those era were cute! Napakakulay ng buhay bago nauso ang neutral pieces na uso ngayon. Bring back the yellow, bright red, sky blue and different shades of green! At feeling ko, isusuot ko pa rin ang damit ni Jaclyn Jose nang una silang magkita ni Allan Paule sa parke.

Hanggang July 1 na lang ang Reel Pride mga ateng kaya habol na!

Ang Mga Pelikulang Ipinalabas Noong Pebrero

(click the images to enlarge)
Ang Mga Pelikulang Ipinalabas Noong Pebrero
Sulat ni Mario Bautista 

Jingle Extra Hot!

Movie Entertainment Magazine 

No. 8, March 30, 1981

Who Is Your Favorite FAMAS Winner?

(click the image to enlarge)
Who Is Your Favorite FAMAS Winner?
By Hermie G. Francisco 

Modern Romances
16 Hulyo 1984
Bilang 565

Kinalkal

Paborito ko ang sexy films noong mid-90s to early 2000s kasi madalas na poverty porn ang tema. Laging api-apihan ang bida na kung hindi probinsyana ay nakatira sa squala lumpur. Madalas na artista diyan sina Ana Capri, Aya Medel, Klaudia Koronel at marami pa. Isa sa pinakatumatak sa akin si Sabrina M. kasi bonggang ipinang-sabong siya sa nagrereyna noon na si Rosanna Roces. 'Yun nga lang, hindi masyadong tinangkilik ang kanyang launching movie, ang Karanasan: The Claudia Zobel Story.

Recently ay kinalkal ko ang 'balikbayan package' at nakita itong mga artikulo tungkol sa dalawang bida ng pelikula...

(click the images to enlarge)

Controversial Magazine Blg. 195
June 16, 1995

Parehong palaban sa sagutan pero ang naughty ng kay Emilio Garcia huh! Ang lilibog ng mga press. CHAR! Todong hottie naman kasi siya during his kabataan. Tall, dark, handsome and sexy!

Nasa YouTube na rin pala ang pelikula. Tara na't bumili ng chichirya at super lamig na RC, masarap na kasama sa panonood!

Babuyan

Para sa ika-tatlumpung anibersaryo ng Society of Filipino Archivists for Film o SOFIA, isang pelikula ni Ishmael Bernal ang kanilang itinanghal sa Cinematheque, Manila kagabi, 18 September, ang Gamitin Mo Ako. First time kong malaman ang pelikulang 'yan nang i-post ng grupo sa FB ang kanilang announcement. At sa tuwing may film showing sila, lagi akong dumadalo. Gustong-gusto ko kasi ang talk pagkatapos ng palabas. Ang dami mong matututunan sa kasaysayan ng pelikulang Pilipino.

Gamitin Mo Ako (1985)

VH Films

Directed by Ishmael Bernal

Written by Rolando Tinio

Starring Miss Rita Gomez, Al Tantay, William Martinez, and Stella Suarez Jr.

Nagsimula ang pelikula sa pagkatay ng baboy na negosyo ni Toyang (Gomez). Bukod sa babuyan, meron din siyang karinderya. Napakahigpit niya sa kaisa-isa anak na si Josie (Suarez) at lagi itong pinagbibintangang malandi.

Nais ni Josie na makatapos ng kolehiyo pero ayaw ng kanyang ina. Matapos ang kanilang pag-aaway na may kasamang lubluban sa kaning baboy, pinabalik din siya sa pag-aaral. Ending, naglandian sila ni Ador (Martinez) na tauhan nila sa babuyan. Nabuntis, nagalit ang ina at sapilitang pinalaglag ang bata.

'Di pahuhuli si Toyang kung kalandian ang pag-uusapan dahil boytoy niya si Sammy (Tantay). To be fair, mahal talaga siya ni Sammy at hindi mahindian. Ito pa ang nagbibigay ng pera sa kanya. SANAOL! Ginawa nilang puta si Josie at nagsama-sama sa iisang bubong.

Kung sanay tayo na laging mahirap ang role ni Daria Ramirez, p'wes iba dito dahil madatung at senswal ang lola niyo. Kalandian siya ni Sammy at ginawang manager sa casino si Toyang.

Nagpakasal si Josie sa isang mayamang lalaki at nagpunta ng ibang bansa. Matapos ang ilang taon, pest control at pagbebenta ng LPG ang naging negosyo nina Toyang at Sammy. Infairness, going strong ang dalawa kahit naghirap matapos iwan ni Ingrid (Ramirez). Memorable ang eksenang sawa na sa galunggong si Sammy at naglitanya ng iba't ibang klase ng isda na pwede din lutuin. Camp kung camp!

Umuwi ng Pilipinas si Josie para maghiganti sa dalawa. Pinatuloy niya sa kanyang mansyon ang dalawa at ginawang tsimay. Pinakulong si Sammy samantalang inatake sa puso si mudang. Sa sobrang paghihirap ng kalooban, nagbigti ang kanyang ina samantalang sa ilalim ng tulay pinulot si Sammy. Hindi na rin niya tinanggap ang pag-ibig ni Ador dahil hindi na siya ang Josie na minahal nito.

Stella Suarez Jr. (center) with SOFIA officials

Halos dalawang oras ang pelikula sa dami ng eksena. Uso talaga ang poverty porn noon at paborito ko 'yan kaya na-enjoy ko. Ang hot ni Al Tantay na binusog ang mga manonood sa dami ng bripang scenes. May breastfeeding scene pa sila ni Miss Rita Gomez na hindi nakasama sa final cut. According to Stella Suarez Jr. na nasa event din, madaming eksena ang na-cut tulad ng sex scene nila ni William Martinez, may orgy at rape scene pa daw.

Panned by critics ang pelikula noon. I can understand why kasi gulo-gulo ng emosyon ng mga karakter. One scene, maaawa ka kay Toyang, another scene mabwi-bwisit ka. Ang dami din inconsistencies. Lovelife lang nina Sammy at Toyang ang consistent! Hindi rin makatotohanan ang ibang linyahan pero aliw talaga. Para siyang Insiang na makalat version ahahaha!

Rating: 3/5 stars

Aparador

Tatlong buwan din akong namahinga sa pagsusulat. Wala naman masyadong ganap sa buhay maliban sa pagtatrabaho at pamimili ng CDs at DVDs online. Bilang summer na, bet ko sanang mag-beach na at umaura-aura muli sa buhanginan. Hindi pa ako nakakarating sa Puerto Galera pero dahil sa oil spill, mukhang sa ibang dalampasigan muna ako rarampa. May suggestions ba kayo, mga ateng? Basta 'yung mura lang at malapit sa Kamaynilaan.

At dahil todo ang siklab ng panahon, lahat siguro tayo ngayon ay nakararanas ng...

Init ng Laman (1998)

Good Harvest Production

Directed by Tata Esteban

Written by Dennis Evangelista, Tata Esteban, and Imelda Gabriel

Starring Sunshine Cruz, Hazel Espinosa, John Apacible, Melissa Mendez and Toffee Calma

Isang matagumpay na mining engineer si Laila (Cruz) na may madilim na nakaraan. Anak siya ng isang mapang-abusong sundalo. Lahat ng paghihirap na pinagdaanan ng kanyang ina (Mendez) ay kanyang nasaksihan. Naging parte pa siya nito kapag pinagkikilos at pinag-aayos lalaki siya ng kanyang ama.

Asawa niya si Manny (Calma) na isang artist. Dahil mas malaking kumita si Laila, ito ang nakatokang mag-asikaso sa bahay. Subalit lubos na selosa si Laila na konting kibot lamang ni Manny ay nagwawala na ito. Kadalasan ay nauuwi pa sa pambubugbog. Yes, battered husband si Manny. Hindi niya magawang iwan si Laila dahil bukod sa tunay naman niyang mahal ito, tumutulong din ito sa pagpapaaral sa kanyang kapatid at bigay-todo din sa mga hiling ng kanyang ina. Tatay niya lamang ang hindi sumasang-ayon dito.

Bumabalik ang trauma ni Laila sa tuwing nagagalit siya. Habang namamasyal sa Baguio, nakuhanan niya ng litrato si Manny na may kausap na babae. Agad niya itong pinagselosan na nauwi muli sa pambubugbog. Nang humupa ang galit, nakiusap siyang patawarin nito pero hindi na kaya ni Manny ang trato sa kanya.

Pinalabas ni Laila na nasa Amerika ang kanyang ama ngunit ang totoo ay nasa mental hospital ito. Nang mamatay ay iniuwi niya ang bangkay. Dumating si Manny para kunin ang mga gamit at laking gulat nang mabagsakan ng biyenan nang buksan ang aparador. Agad-agad siyang umalis. Sinunog naman ni Laila ang bangkay sa kanilang hardin. 

Humingi ng tulong si Manny kay Allen (Apacible) na abogadong boyfriend ng kanyang ex-jowa (Espinosa). Habang nasa daan, nasalubong nila si Laila at sila'y pinaputukan. Tumakas si Allen para humingi ng tulong habang naghabulan sa kakahuyan ang dalawa. Nang abutan ni Laila si Manny, nag-kiss muna sila saka binaril ni Laila si Manny sa ulo. Patay din siya kasi tumagos sa bungo ang bala. 

Paborito ko talaga ang mga pito-pito movies noong '90s. Sa mga hindi nakakaalam, mga pelikula ito na low-budgeted at usually ay natatapos lang ang shooting ng pitong araw. Karamihan nito ay sexy ang tema at ang bida madalas ay mga baguhang artista.

Magaling umarte dito si Sunshine Cruz, bigay na bigay siya sa pagiging sweet, loving, sexy and crazy wife. Si John Apacible ay napaka-hot pero bitin lang ang exposure niya. I want more pa sana. CHAR!

Rating: 2/5 stars

Macho Dancer 4.0: Burlesk King

Isa sa pinaka-iconic na '90s movies para sa akin ang Burlesk King nina Rodel Velayo, Nini Jacinto at Leonardo Litton. Katorse pa lang akiz nang ipalabas 'yan sa mga sinehan. Dahil may gatas pa sa labi, hanggang showbiz talk shows at diyaryo lang pwedeng ma-update tungkol sa pelikula. May rasyon kami ng Abante tuwing umaga noon at doon ko binabasa ang mga nakakakiliting artikulo ng mga bida. Pare-parehong introducing ang tatlo although aktriz na si Nini noon sa ngalang Apples Zuñiga.

Clasikong Collection ni LL

Unang kita ko pa lang kay Leonardo Litton, alam ko nang siya ang mamahalin ko forever. Tumibok-tibok ang sariwa kong tilapya sa mga seksi photos niya lalo na ang mga magasin kung saan siya ang cover. Madalas na nakasipit 'yan sa itaas ng newsstands. Tila ba ika'y hinahalina, inaakit, tinutuksong bilhin. Pero hanggang tingin lang ang kaya ko noon dahil hindi kasya ang bente pesos kong baon kada araw. Kapresyo na ng Chika-Chika, walang extra-extra pambili. 

College na ako nang ilabas ng Video Flick Productions, Inc. ang VCD copy ng pelikula. Sa kahabaan ng Hidalgo Street sa Quiapo ko nabili ang pekeng kopya. Nasa dilaw na plastic case sa halagang 35 pesosesoses! Nang makapagtrabaho, saka na ako bumili ng original copy. Matapos ang ilang taon, umangkat ako ng DVD copy mula France para mas malinaw kong makita ang kakisigan ni LL. CHAR!

Halikayo't balikan natin ang kanilang kwento...

DVD copy from France

Burlesk King (1999)
Seiko Films
Directed by Mel Chionglo
Story and Screenplay by Ricky Lee
Starring Rodel Velayo, Leonardo Litton, Nini Jacinto, Elizabeth Oropesa, Joel Lamangan, Raymond Bagatsing, and Cherry Pie Picache

Laking 'Gapo sina Harry (Velayo) at James (Litton). Bantay sila sa isang pasugalan nang masangkot sa isang gulo. Lumuwas sila ng Maynila at pumasok sa bar ni Mama Odette (Lamangan). 'Di tulad ni James, hindi nagpapa-take home si Harry at ayaw niya sa mga Amerikanong customer dahil naaalala niya ang pagmamalupit ng tatay niya sa kanila ng kanyang nanay. Nakilala niya sa bar si Mario (Bagatsing) na isang pocketbook writer. Bagong hiwalay sa jowa at nangangailangan ng kausap. Mula noon, naging magkaibigan na sila.

Gustung-gustong magkaanak ni Brenda

Pauwi na si Brenda (Jacinto) nang madaanan niya si Harry. Inaya ng 'short time' pero waley anda ang otoko at yosi na lang ang ini-offer. Na-love at first sight ang otoko sa alindog niya kaya may I dalaw sa bar na pinagtatrabahuhan with matching flowers. Konting eme-eme lang at naging sila.

Mula sa pagiging GRO, nahikayat maging macho dancer si Harry. Naging instant hit, mapa-matrona man o bading na customer. Nagsimula na rin mag-live in ang dalawa at naging mag-partner sa kaputahan. Samantala, binalikan ng mga nakaaway nila sa 'Gapo si James at napuruhan. Sobrang naapektuhan si Harry dahil wala siyang nagawa para sa kaibigan.

The shocking threesome live show

Sa tulong ni Mario, natagpuan ni Harry ang tatay niya at binalak patayin para ipaghiganti ang ina. Nalaman niya na malubha na ang sakit nitong AIDS at buhay pa pala ang kanyang ina (Oropesa). Hinanap niya ito at nakitang nagtatrabaho bilang isang puta. Akala pa nga noong una ay customer siya. Kaloka that part! Isinaman niya ito sa tinitirhan nila ni Brenda. Napagdesisyonan niyang sumali sa annual Burlesk King contest at nanalo. Kinuha nila ang tatay niya sa squatters area and they lived happily ever after.

Sa lahat ng macho dancer-themed Pinoy movie, eto talaga ang todong paborito ko. May tamang timpla ng drama, action at kaseksihan. Mas mapangahas pa nga daw ang uncut version nito pero na-chop-chop ni Manay Armida ng MTRCB. Sana buhay pa ang negatives nang ma-restore, 'di ba?

VCD copy from Video Flick

Kung aktingan ang pag-uusapan, parehong bubot pa sina Rodel at Leonardo although mas angat ang huli. Pero kung ikukumpara mo sa mga baguhan ngayon, aba, pwede na silang pang-best actor 'noh! Aliw naman panoorin si Nini and her iconic wigangga. Bet na bet ko ang bangs! Aside from their characters, tumatak din ang role ni Cherry Pie Picache bilang isang lesbiyana.

Dahil nauuso ang mga restoration ng mga lumang pelikulang Pilipino, sana magkaroon ng tsansa ang bagong henerasyon ng LGBTQIA+ community na ma-appreciate ang Burlesk King. Isa ito sa pinaka-importanteng pelikula na humubog sa kamalayan ng Pinoy LGBTQIA+.

Rating: 5/5 stars

Histerikal

Walang pahinga ang mga isyung politikal ngayong linggo. Matapos ibasura ng Comelec ang petisyon na i-disqualify si you-know-who, ngayon naman ay inendorso siya ng El Shaddai. Nakakaloka talaga itong mga religious group na itey. Nasa 10 Commandments naman ang bawal magnakaw pero sila pa itong humihimod sa puwet ng pamilya matinggera. Saang langit kaya sila dadalhin ng mga ginagawa nila? Totoo ba na dalawa ang pisngi ng langit? Tara't alamin natin...

Dalawang Pisngi ng Langit (2001)

El Niño Films

Directed by Cesar SB Abella

Written by Efren Piñon

Starring Nini Jacinto, Francis Enriquez, Mike Magat and Alma Soriano

Parehong estudyante sina Roel (Enriquez) at Ellen (Jacinto) na may kaniya-kaniyang sugar jowa. Si Meliton (Magat) ay isang abogado samantalang office girl naman si Laura (Soriano). Nagkainisan sa simula pero nang maimbita sa isang party at nag-match ang kanilang mga puso sa isang palaro, doon nagsimula ang kanilang landian. 

Nakatunog si Laura at pinamanmanan si Roel. Nang makumpirma ang hinala, nakipagkita siya kay Meliton at nagsumbong. Kinorner nila ang dalawa habang naglalampungan sa dilim. Naging histerikal si Laura samantalang kalmadong tinanggap ni Mileton ang pakikipaghiwalay ni Ellen.

Mula sa maalwan na pamumuhay, naging isang kahig, isang tuka sa ngalan ng pag-ibig sina Ellen at Roel. Hirap maka-move on si Laura kaya sinubukan niyang akitin si Roel nang imbitahan niya itong pumunta sa bahay. Tinanggihan siya ni Roel at pero nakiusap siya na samahan kumain not knowing na may pampatulog ang red wine.

"Totoo nga pala na dalawa ang pisngi ng pag-ibig. Isa 'yong tunay na pagmamahal, tunay na kaligayahan. At ang isa naman ay pagkukunwaring pagmamahal at kaligayahang dala ng karangyaan."

Hindi makatulog si Ellen dahil gabi na at wala pa si Roel. Napasugod siya sa bahay ni Laura at natagpuan ang otoko na nakahilata sa kama. Sinubukan niyang gisingin pero natuklasan na pinatulog ito. Galit na galit si Laura at sinubukang patayin si Ellen. Naghabulan at nag-agawan sa patalim ngunit si Laura ang nasaksak. Finally ay nagising si Roel at nakita ang pangyayari. Siya ang umako sa krimen. Napawalang-sala sa ending sa tulong ng isang witness at ni Mileton.

Nabili ko 'yung VCD sa Lazada pero parehong disc A ang dumating. Napansin ko na lang nung papalitan ko na ang bala. Buti na lang at uploaded sa YouTube ang pelikula at doon ko na tinapos. Katulad nang nabasa niyo, walang espesyal sa istorya. But it's a good break from the usual Netflix and Star Cinema movies.

Isa sa mga paborito kong sexy actress itong si Nini Jacinto. Bagay na bagay sa kanya 'yung pabebe na inosente. Tsaka marunong talagang umarte, hindi puro katawan lang ang kayang ipakita. 

Rating: 2/5 stars

Toro

A few days ago, may nakita akong posts sa Facebook at Carousell na nagbebenta ng VCDs. Filipino sexy movies na ang karamihan ay naipalabas noong late '90s to early 2000s. Dahil fan akiz ng mga pelikulang 'yan at morayta lang ang bentahan, binayla ko ang ilan. Isa sa mga nakuha ko ang kontrobersyal na pelikulang Live Show.

Toro ang original title nitey pero wiz pumayag ang MTRCB noon. Una ko itong napanood nang mag-leak ang director's cut o international edition sa pirata. Nakakaloka ang sex scenes dahil give na give sa torohan ang mga bida. Ang karakter ni Gigi na ginampanan ni Klaudia Koronel ang pinakapaborito ko sa lahat. Paano ba naman, bungangera, ambisyosa, pero matulungin sa pamilya at mapagmahal na kaibigan. I can relate CHOS! Back to sex scenes, na-shock talaga ako sa helicopter position na wala sa official release. Tandang-tanda ko na sinabayan 'yung ikot ng elisi ng ceiling fan. PAK NA PAK!

Live Show (2000)
Regal Films and Available Light Production
Written and Directed by Jose Javier Reyes
Starring Klaudia Koronel, Ana Capri, Hazel Espinosa, Simon Ibarra and introducing Paolo Rivero

Bata pa lang ay mulat na si Rolly (Rivero) sa pagpuputa ng nanay niya para mapakain silang magkakapatid. Pinagputa din ng nanay niya ang kapatid na babae samantalang inaakit ng masasamang gawain ang bunsong kapatid. Manhid na si Rolly sa mga pagsubok ng buhay kaya kahit gaano man kahirap, hindi na siya naiiyak.

Pinamigay ni Rosita (Capri) ang anak sa isang kaibigan na siya namang ibinigay nito sa ibang pamilya. Matapos ang ilang taon, nais niyang makilala at mayakap ito. Hindi na rin kasi siya maaaring magkaanak dahil sa pagpapalaglag. Ilang beses na rin siyang nagtangkang magpakamatay pero ayun, buhay pa ang loka.

Pangarap ni Gigi ang mangibang bansa para makaahon sa hirap. Siya din kasi ang breadwinner ng pamilya. Bukod sa pagtotoro, may jowa din siyang may kaya sa buhay. Hiningan niya ito ng pera pang-Japan na nadispalko naman ng masasamang loob.

Matagal nang tinalikuran nina Vio (Ibarra) at Sandra (Espinosa) ang pagtotoro simula nang magka-anak. Pero dahil hirap makahanap ng trabaho si otoko at kakarampot naman ang kita ni merlie sa pagtitinda, wala silang choice kundi bumalik sa dating gawain.

"Ang tao, lumuluhod sa pagsamba sa Diyos. Pero ang tao, handang humilata at magpakamatay sa pagsamba sa pera. Hindi naman mahirap intindihin 'yon, 'di ba? Kung sino may pera, siya ang may kapangyarihan. Kung sino may pera, siya may karapatang mabuhay. Wala nang kataka-taka doon."

Isa sa pinaka-tumagos na linya sa puso ko eh 'yung sinabi ni Rolly sa taas. Sinabi niya 'yan nang isugod sa ospital ang nanay na may kanser sa matris at wala silang pambayad. Trew naman na kung mapera ka, most likely mapapagaling mo ang sakit mo. Kung tinaningan ka naman, mapapahaba ng pera ang buhay mo. You will get the best medical assistance, habang ang mahihirap, nagtitiis sa mainit na ward, nangungutang, o 'di kaya'y lalapit sa mga pulitiko, at pipila sa SWA.

Introducing palang dito si Paolo Rivero pero magaling na umarte. Tunay siyang naging pantasya ng mga milenyal na GBT+. Bumalik tuloy ang aking pagtingin. Hindi rin pahuhuli si fafah Simon Ibarra lalo na doon sa macho dancer number niya. Kilig na kilig ang imaginary kipay ni ateh habang dinudunggol ng notey ang fes niya. SARAP!

Kung marami na kayong napanood na pelikula ni Jose Javier Reyes, napansin niyo na siguro na makuda ang characters niya. Daming ebas bawat eksena at hindi iba diyan ang Live Show. What sets this movie apart from his other works ay smooth ang flow ng script. Hindi may masabi lang.

Relevant pa rin magpasahanggang ngayon ang pelikula. Sa panahon ngayon na madaming negosyo ang nagsara, marami ang nawalan ng trabaho. Hindi naman humihinto ang pagkalam ng sikmura at bayarin kaya ang ilan ay napipilitang kumapit sa patalim. Hindi man sa pagbebenta ng aliw, sa ibang paraan na pinipilit sikmurain.

Rating: 4.5/5 stars

Preso

Dahil mahigit isang taon na tayong parang preso sa ating mga tahanan, isa sa mga na-appreciate ko gawin ang panonood ng restored Filipino movies by Sagip Pelikula (ABS-CBN Film Restoration Project). Isa ito sa mga naapektuhan ng mawala ang prangkisa ng Kapamilya Network but it looks like patuloy ang kanilang proyekto na isalba ang mga klasikong pelikulang Pilipino.

They started it in 2012 with Himala starring the country's Superstar, Nora Aunor. Mula noon, sunud-sunod na ang na-restore nila tulad ng Oro Plata Mata, Karma, Tatlong Taong Walang Diyos, Nagalit ang Buwan sa Haba ng Gabi, Moral, Nunal sa Tubig at marami pang iba.

Some of the restored movies were released on DVD. Pero alam naman nating streaming era na ngayon kaya mapapanood din ito worldwide via iWant TFC, Ktx.ph, Apple TV at kakadiscover ko lang recently na available ang ilang pelikula sa Huawei Video. Kung meron kayong ganyang ketay, pre-installed ang app na 'yan kaya go ahead and check it out!

For old school people na nangongolekta pa rin ng physical media, available sa DVD ang Himala, Virgin People, Karnal, Hihintayin Kita sa Langit, 2in1 Ate Vi and Ate Guy films (T-Bird at Ako at Ikaw Ay Akin), at 3in1 Mike De Leon films (Hindi Nahahati ang Langit, Kung Mangarap Ka't Magising at Kakabakaba Ka Ba?). To purchase, just send a private message to ABS-CBN Film Restoration Facebook and Instagram pages. Kabibili ko lang ng Himala at Virgin People at it looks so good on widescreen. Todong na-appreciate ko ang mga pelikula at mas naintindihan ang istorya.

Hagip

I was watching Visions: Cinema - Film In The Philippines documentary last week at hindi ko maiwasang hindi mabilib sa artikulasyon nina Ishmael Bernal, Marilou Diaz-Abaya, at Lino Brocka. Ramdam mo sa mga salita nila ang passion in film making. They were describing the situation and challenges they faced during the time the documentary was made. May paninindigan, matapang sa mga isyu, frustrated sa censorship pero hindi sumusuko sa paggawa ng makabuluhang pelikula.

Isang eksena na tumatak sa akin ay noong ine-explain ni Ishmael Bernal kung bakit gustong-gusto niya ang gabi. Kaya naman nagawa niya ang isa sa kanyang mga obra, ang City After Dark. Imagine making a film without an actual script on hand. What a genius! Need to watch that film ASAP.

Tulad niya, gusto ko rin ang siyudad kapag gabi na particularly 'yung mga spontaneaous na lakad kasama ang mga kaibigan. Magkikita kami sa Coffee Belle sa West Ave. at magkukwentuhan magdamag. Kapag inabot ng gutom, tatawid lang sa kabilang kalsada para bumili ng siopao at siomai sa Kowloon West. Nakakamiss din ang night jog sa UP Oval. Bukas na ba sila sa publiko ngayon?

UP Diliman

Pre-pandemic, halos linggo-linggo rin akong nagsisimba sa Malate Church. Pagkatapos ng misa, maglalakad ako sa kahabaan ng Roxas Boulevard at magkakape sa CBTL o Starbucks. Uupo sa bandang gilid at magpapalipas ng oras o hindi kaya ay magsusulat tulad ng ginagawa ko ngayon. Pagkatapos ng mahigit isang oras, aaalis na at maglalakad muli papuntang Luneta. Kukunan ng litrato ang monumento ni Rizal na kailangan tama ang anggulo or else, mahahagip ng camera ang condo ng DMCI, ang pambansang photo bomber. Para sa akin, simbolo ito ng pagiging ganid ng mga kapitalista sa bansa. Hindi baleng mababoy ang kultura basta kumita lang.

Luneta

Konting rampa pa at manonood naman ng water fountain show. Hahalo sa mga tao para kumuha ng video para i-upload sa social media. Ang ilan sa kanila ay naka-live video pa. Mga batang namamangha sa kanilang napapapanood. Mga mag-jowang sweet sa isa't isa. Nakakatuwang alaala.

Kapag tapos na ang show, maglalakad muli hanggang sa istasyon ng LRT. Babalik sa dating gawi at maghahanda para sa darating na laban sa susunod na araw.

Macho Dancer 3.0: Sibak

Ang dami na nating pinagdaanan sa taong ito! Wala pa tayo sa kalahati pero pang-isang dekadang hamon na yata ang ibinabato sa atin. Kumusta naman kayo, mga ateng? Sana ay okay kayo at nasu-survive ang araw-araw. Tengga ang karamihan ngayon sa bahay maliban sa ating magigiting na frontliners. Salamat sa ibang kumpanya na pumayag sa work-from-home setup at patuloy tayong kumikita. Ang ilan sa atin ay todong nag-aantay sa pa-relief goods ni mayor mula sa barangay at kung papalarin, nawa'y qualified sa ayuda ng DSWD. Iisa lang naman yata ang hiling nating lahat, ang matapos na ang delubyo ng COVID-19. Madiskubre na sana ang gamot at bakuna laban dito.

Bilang pamatay-bagot, binalikan ko ang ating koleksyon ng mga pelikula. Isa sa mga isinalang ko ang Sibak, Midnight Dancers. Una ito sa trilogy ng macho dancer trilogy na directed by Mel Chionglo. The other two are Burlesk King and Twilight Dancers na irereview din natin because why not?

Sibak, Midnight Dancers (1994)
Tangent Films International
Directed by Mel Chionglo
Story and Screenplay by Ricky Lee
Starring Alex Del Rosario, Gandong Cervantes, Nonie Buencamino, Maureen Mauricio, RS Francisco, Soxie Topacio, Perla Bautista and Lawrence David 

Tungkol ito ng tatlong magkakapatid na macho dancer - sina Joel (Del Rosario), Dennis (Cervantes) at Sonny (David). Sa Club Exotica sila bonggang sumasayaw at tume-table sa mga customers. Kapag bet sila i-booking, may mga kwartong avail sa second floor. Manager nila dito si Dominic (Topacio) na pinatalsik si Dennis dahil palaging late. Ayun, napabarkada sa mga magnanakaw. Si Joel ay may asawa (Mauricio) at anak na, may jowang sisteret pa (Buencamino). Open naman ang dalawa sa setup nila. Mahal nila si guy eh. Bunso ng pamilya si Sonny na naging ka-MU si Michelle (Francisco), isang transgender woman na nagtatrabaho din sa parehong club.

"Titigil na ako sa pagko-callboy. Sabi nila walang mawawala sa atin dahil mga lalaki tayo.
Hindi totoo 'yon. Gabi-gabi, kung sinu-sino kasiping nating mga lalaki. Ni hindi man lang natin kilala.
Ni hindi man natin gusto. Binabayaran lang tayo para sa katawan natin."

Diyan muna uminog ang istorya bago nagkandaleche-leche nang kupkupin nila si Bogart na isa palang kawatan at itinakas ang pera ng mga kasamahan. Nambabae din ang tatay ng magkakapatid, na-raid ang Club Exotica at sinalvage si Dennis ng mga parak. Last na pagsubok ang pagsugod ng mga kasamahan ni Bogart sa bahay ng magkakapatid. Nagkataong nanay (Bautista) lang nila ang nandoon at sinaktan. In the end, nahabol at napatay sila nina Joel at Sonny.

Taong 1994 ipinalabas ang Sibak, mga panahong patok pa ang macho dancers at gay bars. Meron pa rin naman niyan hanggang ngayon pero karamihan kasi, online na ang palitan ng transaksyon - massage (with or without extra service), escort, o direktang sex for hire. According to Wikipedia, na-ban daw ito sa Pilipinas. I think the working title was Sibak then Midnight Dancers was the international title. Paki-correct nga ako, mga ateng, if ever mas may alam kayo sa nangyari. 9 years old pa lang naman kasi ako noon so busy pa sa Sailor Moon. CHAR!

Kahirapan ang sentro ng pelikula. Easy money ang makukuha sa pagsasayaw at pagbebenta ng laman. Kahit may option ang magkakapatid na magkaroon ng ibang trabaho, nasanay sila sa madaling kitaan. Pero sabi nga sa ingles, "easy come, easy go". Nagustuhan ko rin na ang daming ganap sa pelikula but not to the extent na dragging na. Hands down pa rin kay Ricky Lee sa paggawa ng makabuluhan at matinong script. Hindi pilit ang mga salitang ginamit.

Mabigat sa damdamin ang istorya kasi kung minsan ka nang nakaranas ng kahirapan, mararamdaman mo ang pinagdaanan ng mga karakter. Hindi mo sila masisisi kung bakit kinailangan nilang kumapit sa patalim. I may not agree na makipagrelasyon sa iba habang may asawa't anak ngunit nangyayari 'yan sa totoong buhay eh. I particularly liked the relationship between Sonny and Michelle. Minsan lang kasi talakayin sa mga pelikula noon ang relasyong man to transgender woman. Iba pa ang pananaw noong 90s eh. Hindi rin nauwi ang relasyon nila sa awayan, hiwalayan at patayan. Mapapa-#SanaAll ka talaga!

If you want to watch the movie, it is available online via YouTube. Sana lang legit itong na-upload. CHOS!

Rating: 4/5 stars

Lamat

Gumala ako last Saturday sa favourite spot natin, saan pa nga ba kundi sa kahabaan ng Recto. Nag-shopping galore ang byuti ko ng shu-es, damit, puki shorts pang-jogging dahil feeling ko uumpisahan ko ang 2020 na nag-eexercise ng mga dalawang araw lang naman charot at siyempre, hindi mawawala ang pagha-hunting ng CDs at dibidi-dibidi. Buti na lang at maraming tinda ngayon si Mang Greg. Isa sa pinaka bet kong nabayla sa kanya ang Markova: Comfort Gay.

Markova: Comfort Gay (2000)

RVQ Productions

Screenplay by Clodualdo del Mundo Jr.

Directed by Gil M. Portes

Starring Eric Quizon, Loren Legarda, Jeffrey Quizon and Dolphy

Hango ang istorya sa buhay ni Markova o Walter Dempster Jr., ang kauna-unahan at kaisa-isang Pinoy comfort gay. Special guest dito si Loren Legarda bilang sarili niya as a journalist na pinagkwentuhan ni Markova ng kanyang mga karanasan. Nagsimula ito sa kanyang pagkabata kung saan hindi siya tanggap ng kanyang kuya. Madalas siya pagmalupitan nito dahil sa kanyang pagiging pusong babae. Pinagsamantalahan din siya ng kaibigan nito ngunit hindi niya na pinaalam sa pamilya dahil na rin sa takot.

Nang mamatay ang kanyang kuya sa pagsusuka ng dugo sa labis na pag-inom, dito niya naramdaman ang tunay na kalayaan. Naging performer siya sa isang bar kasama ang apat na kaibigan - sina Minerva, Anita, Carmen at Sophie. Matapos ang kanilang bonggang dance number, natipuhan sila ng mga Hapon at dinala sa tinutuluyan. Dito nila nalaman na hindi mga tunay na babae ang kanilang mga nauwi kaya ang iba kabilang na si Markova ay nabugbog. Lahat sila ay dinala sa abandonadong lugar at dito todong pinagsamantalahan ng mga sundalong Hapon.

"Pagkukunwari ba 'to o pagtanggap lang natin sa sarili natin?"

Matapos pagsawaan ay nakatakas silang lima. Tuloy ang buhay ngunit may lamat na ang kanilang mga pagkatao. Gumanti si Sophie at pumatay ng mga Hapon. Si Carmen ay nahuli diumanong nagnakaw. Si Anita ay bumalik kasama ni Markova sa pagpe-perform. Sa trulili lang, ang perfect ng akting ng limang magkakaibigan. Ang galing nina Andoy Ranay at Ricci Chan.

Nang magka-edad na si Markova, naging make-up artist siya sa pelikula. Eto na ang kanyang kinatandaan hanggang sa manatili sa Home for the Golden Gays. Isa sa pinaka matapang na tinalakay ng pelikula ang kahalagahang malaman ang HIV status. Naratay sa San Lazaro Hospital si Anita dahil nagkaroon siya nito. Year 2000 pa ito pinalabas sa mga sinehan at medyo sensitobo pa ang usaping HIV/AIDS.

Nadurog ang puso ko sa buhay ni Markova at ng kanyang mga kaibigan. Ilang taon ang kanyang tiniis bago ibinahagi sa publiko ang kalupitang kanyang dinanas. Napakagaling ng portrayal ng lahat. Dito ko nalaman na magaling pala sumayaw si Eric Quizon. PAK na PAK ang galaw.

Isa ito sa pinakamatinong pelikula na tumalakay sa buhay ng isang miyembro ng LGBTQIA+ community. Karapat-dapat niyo itong mapanood, mga ateng.

Rating: 5/5 stars

Panlasa

Samu't saring indie films ang muling ipapalabas ngayong buwan kasabay ng selebrasyon ng Pride Month.

Una diyan ang dalawang award-winning movies ni Joselito Altarejos na entries niya sa Sinag Maynila Film Festival. Ang Tale of the Lost Boys ay nanalo ng apat na awards noong 2018 kasama ang Best Picture. This year ay nanalo ng Best Actress si Angela Cortez para sa Jino to Mari. Parehong pinagbidahan 'yan ni Oliver Tolentino kaya mas masarap panoorin. Masarap daw oh! Mapapanood ito at ang iba pang entries ng Sinag Maynila sa UP Film Center (click for the schedule) in Diliman QC.

May marathon naman sina Mamu; and a Mother too at Bille & Emma sa Cinema Centenario (click for the schedule). Kasama din sila sa Pride line-up ng Cinema '76 (click for the schedule) together with 2 Cool To Be 4gotten and Miss Bulalacao. Siyempre, don't forget our shivolee siblings dahil ipapalabas din ang Baka Bukas, Changing Partners and the classic T-Bird at Ako. PAAAK! Ate Guy and Vilma in one movie plus directed by Danny Zialcita. Ibang level ang kudaan diyan!

Let's go, mga ateng, and support these movies upang mas lalo pang ma-inspire ang local film makers na gumawa ng makabuluhang pelikula na swak sa ating kultura at panlasa. Don't worry dahil wit nila haharangin ang outside fudang na binili natin. Basta make sure na CLAYGO tayiz!

Lutong

Habang todo scroll ako ng Facebook news feed, nadaanan ko ang imbitasyon for Reflexive Cinema Series at the Cultural Center of the Philippines. Ipapalabas daw ang 1985 film na Bomba Queen starring Ms. Rita Gomez and Sarsi Emmanuelle. Hango ang istorya nito sa buhay ng 70's bomba star na si Yvonne. Bilang Sabado ang event at libre ang entrance, pinindot ko ang Going button. Naganap itez kahapon, November 25.

Saktong alas-tres ng hapon ang dating ko at doon lang sa venue sinabi na director's cut ang mapapanood namin. Tumataginting na 145 minutes ang itatakbo o 2 hours and 25 minutes. Ang haba, de vaahh?! Rare na ang ganyan sa mga pelikula, mapa-local man o foreign.

Yvonne and Sarsi Emmanuelle

Umattend ang bida ng pelikula na si Sarsi Emmanuelle na kahit ilang taon na ang lumipas ay maganda pa rin. Dumating din si Yvonne na may pasabog during the open forum. Bilang suporta sa kaibigan, naroon din si ASEAN lane kween, the one and only Maria Isabel Lopez. Kapag nakikita ko talaga siya, nagu-good vibes ako. Love her!

The original movie poster

Bomba Queen (1985)
Seiko Films
Directed by Efren C. Piñon
Screenplay by George Vail Kabrisante
Starring Sarsi Emmanuelle, Myra Manibog, Ronaldo Valdez and Ms. Rita Gomez

Si Rose (Emmanuelle) ay binili ni Mommy Carol (Gomez) sa kanyang ina-inahan para maging artista sa Maynila. Hindi niya alam na gagawin pala siyang bayarang babae. Dahil hindi masikmura ni Rose ang kalagayan, tumakas siya sa tulong ng jowa ng bugaw (Valdez). Naging artista sa mga bomba films bilang Yvonne, nabuntis, naghirap at nalulong sa bisyo.

Dahil hindi maka-getover sa heartache si Mommy Carol, tinunton niya ang dating alaga at binalak perahan. Ang lutong ng sampalan nila sa garden na nauwi sa pagkalaykay ni Yvonne sa mata ng bruha. Mas sumidhi ang poot ng lola niyo kaya humantong sa kidnapan ang eksena. In the end, nailigtas ang bata at napatay ang kontrabida. Mala-Tomb Raider ang ending.

Napaka-sensual nang pagkakagawa ng Bomba Queen lalo na ang mga sex scenes. Naloka ako doon sa pinilit ipabuka ang bibig ni Rose at dinuraan. Lunukin pa daw. YAY! Tsaka 'yung bonggang eksena na sumasayaw sa harap ng madlang pipol si Lorna played by Myra Manibog. May dala siyang saging, binalatan, pinasok sa kipay at hiniwa-hiwa palabas. Kawawang saging ahahahaha!

After the film showing, the moviegoers had the chance to ask questions. Naging emosyonal si Yvonne sa isang tanong because it was a painful moment in her life when the movie was shown. 10% lang daw ng pelikula ang totoo. Nag-file siya ng lawsuit against the producer which was Robbie Tan of Seiko Films. Pero dahil sa higante ang kanyang kinalaban at tumestify pa against sa kanya si Ms. Rita Gomez, natalo siya sa kaso. She got teary eyed upon stating this. Kung mapapanood niyo ang pelikula, halata namang ang layo sa realidad nung ibang eksena lalo na ang ending.

On the other hand, Sarsi Emmanuelle has no plans yet to return to showbiz. Gusto muna niyang mag-focus sa kanyang 8-year-old baby. Malay natin, kapag may magandang offer at role, bumalik siya sa akting. She's a great actress, IMO.

Thank you to the Society of Filipino Archivists for Film (SOFIA), National Commission for Culture & the Arts (NCCA) and the Cultural Center of the Philippines - Media Arts Division for giving the public the opportunity to watch this classic Filipino movie. We are looking forward to your next screening.

Bota

Limang beses sumali at limang beses din hindi napili. 'Yan ang nangyari sa pa-contest na sinalihan ko na ketay ang papremyo. Keri lang naman dahil ganyan talaga ang life. Minsan winerva, minsan luz valdes. Ang importante, sinubukan. Try lang nang try. 'Yun nga lang, wititit ako babayla ng Huawei devices dahil mahalya fuentes. Xiaomi o Asus phone na lang, mas murayta sa parehong specs. GANERN!

Mahigit isang taon ko nang gustong tapusin ang panonood ng Andrea, Paano ba maging isang Ina? starring idol Superstar Nora Aunor pero wit ko magawa. Sinave ko sa ketay ang movie so hopefully, makagawa ako ng review the soonest. Also, ang dami ko din pending babasahin na panay sa simula lang ang nabasa ko. Andiyan pa 'yung X-Men, Bewitching at Ang Lalaking Walang Pangalan. I need to finish them dahil ang sangkatutak pa ang nakatambak na libro lalo na 'yung mga nabili ko from UP Press last anniversary nila.

Nakapasok na sa PAR o Philippine Area of Responsibility si bagyong Ferdie so expect julanis morisette to sprinkle her powers again. Don't forget to bring payong and wear fabulous bota. Bago natin siya maramdaman sa ating mga bubungan, let's support these delicious fafahs as they compete for Sta. Lucia Mall's Mr. Sexy Body 2016...

Kinse silang kasali pero anim lang ang pumasok sa ating menu. Simple lang ang pagboto, click niyo lang ang pic nila sa taas then mapupunta kayo sa FB page ng mall. 'Pag ni-Like niyo ang pikachu, one pogi point agad kay baby at three points naman kapag na-Share. Go go go and support your fave! Voting is until the 15th of this month. Finals will be on September 17. 

Letra

#FlashbackFriday muna tayo mga 'teh...

So we have the Titillating Queen Rosanna Roces and Titillating Princess Priscilla Almeda in memory lane. Sila ang pinakasikat na hubadera ng dekada '90. Ang mga kalalakihan, todong pinilahan ang kanilang mga pelikula na gawang Seiko Films. Hindi ka ba naman maiintriga kung ang title eh Sariwa, Patikim ng Pinya, Exploitation, Basa sa Dagat at Sabik sa Halik?

Siyempre, waley sa kanila ang interes natin kundi kina Gardo Verzosa, Leandro Baldemor, Fernando Montenegro at Jestoni Alarcon na leading men nila. Oh wait kayo! Iba-blog ko din sila. ☺

Palaban ang image ni Osang lalo na sa mga interviews noon (kahit naman ngayon) samantalang sweet and fragile gumalaw si Priscilla FKA Abby Viduya. Sa mga tabloids, mas malaki pa ang litrato nila kaysa sa letra ng headlines. Between the two, mas bet ko si TF Princess. May accent at arte kapag umi-English. YAYAMANIN! Tsaka cute ng face at lagi silang magka-partner ni Leandro Baldemor na crush ko noon. ♥

Naging bahagi din ba sila ng inyong pagdadalaga?