Samu't-Sari 6.0

• Sa mga senador at influencers na kumakampi sa Tsina kahit binobomba na ang ating mga mangingisda, hindi niyo deserve ang Pilipinas. Hindi lang kayo nakakahiya, para kayong mga tuta na humihimod sa pwet ng mga Instik. KADIRI!
• Ang dali husgahan at magalit ng netizens kina Michelle Dee, Rhian Ramos at Samantha Panlilio laban sa manyakis na driver na nagnakaw ng hindi niya pagmamay-ari. Okay lang ba kayo?
• Itong mga Pilipino na kampi sa ICE at kay Trump, hinding-hindi kayo magiging kapantay ng mga puti. Purihin, palakpakan, itangi niyo man sila, hindi nila kayo ituturing na kauri. Mananatili kayong third-class citizen sa paningin nila dahil pango at kayumanggi kayo. Darating ang panahon na kayo naman ang pagtutuunan nila ng pansin.
• Sumakit ang ulo ko sa mga transwomen na nagsasabing transwomen are not women. Eh ano kayo? Bakit transwomen ang tawag niyo sa mga sarili niyo? Ang daming SOGIE 101 resources online para ma-educate kayo pero pinili niyong maging timawa. JUSKO! Doon kayo sa faraway, please lang. Kung bukas naman ang isipan niyo para matuto, panoorin ito:

• To be fair sa Enero, hindi masyadong mahaba sa feels unlike the previous years. Enjoyable pa ang malamig na simoy ng hangin. Sarap maglakad tuwing umaga, hindi masakit sa balat ang araw at fresh sa pakiramdam!
• Sa palagiang paglabas ni Leandro Leviste sa balita pati na mga presscon niya, patawarin niyo ako mga ateng, naging crush ko siya. NAKAKALOKA! Silang dalawa ni Kiko Barzaga ang fantasy ko ngayon. Pinag-aagawan daw nila ako. Pero bakit kailangan mag-agawan kung pwede naman akong i-dp. MIYAW!

Images from Facebook and Daily Tribune

Patunay

Totoo talaga ang kasabihang 'pag may tiyaga, may nilaga. Patunay diyan ang buhay ng isa nating shupatemba na si Gilbert Opeña. From being a basurero, he's now a CPA and works in one of the biggest auditing firms in the world... universe rather. CHAROT! Nabroadcast pa nga ang talambuhay niya sa TV5.

His face and name sounds familiar so I checked FB just to find out na friends pala kami! Though I don't know him personally, his life is truly inspiring. Naalala ko sa kanya ang meme na itez...

Saka na bumukaka, aral-aral muna. Kesa ubusin ang oras kakapabebe kay crush at kakatambay sa campus para lang makita siya (aray!), unahin muna ang studies. Gaganda na ang future mo, sigurado pang may mahuhumaling sa'yo. Yes, may mga utaw pa rin diyan na attracted sa brains kesa beauty.

Maisingit ko lang bilang natalakay na natin ang edukasyon. 'Yung mga pulitikong pinepeke ang credentials nila at pinapalabas na graduate sila ng ganitong school na hindi naman ay walang kasing kapal. PUCHA! Dugo't pawis ang puhunan ng karamihan sa matamis na diploma tapos sila, manloloko lang? Kung 'yun nga nadodoktor nila, paano pa kaya ang kaban ng bayan? Choose wisely mga ateng.

Sa bawat paglagok, tulong ang maiaabot

Last week ay nag-shopping galore kami ni bessy Kriselda sa kahabaan ng Recto at Quiapo. Bandang alas-dos ng tanghali 'yon kaya naman nanlagkit kami sa pawis at todong nauhaw. Josok kami sa Mini Stop para bumili ng maiinom. Madaming brand ng bottled water sa cooler pero isa ang nag-stand out... ang Hope in a Bottle.

Napanood ko na ang TVC nito pero 'di ko masyadong matandaan ang mensahe. Basta si Titoh Bhoy ang endorser. I did a little research over the world wide web at ayon sa nabasa ko, kapag ito ang ating ininom, makakatulong tayong makapagpagawa ng public school classrooms. AMPERFEK! PANALO 'TO!

Bilang isang produkto ng pampublikong paaralan, susuportahan ko 'to nang BONGGANG BONGGA! I am encouraging all of you to support this beautiful project. Sa bawat paglagok, maaari nating mabawasan ang mga estudyanteng nagkaklase sa corridor, hagdan o lilim ng puno. Don't worry kasi hindi naman nalalayo ang presyo nito sa leading brands of bottled water.

Bukod sa Mini Stop, maari niyo 'tong mabili sa Krispy Kreme, Seattle's Best, Jamba Juice, Kenny Rogers, Suy Sing, Shopwise, Rustan's, Robinsons, Super 8, South and Landmark supermarkets.

Para sa karagdagang impormasyon, follow them on Twitter @HopeInABottle or visit their Facebook account here.

Dalawang taon

Mukhang hindi na mapipigilan ang pagpapatupad ng K+12 program ng Department of Education. Sa Hunyo na daw magsisimula 'yan. Ibig sabihin, dalawang taon ang madadagdag sa high school. Apat na taon ang junior high at dalawang taon ang senior high. KALERKS! Dagdag pasakit sa mga magulang na iginagapang ang edukasyon ng kanilang mga junakis.

Wala namang problema kung makakatulong 'yan sa paghinang ng utak ng kabataang Pinoy. Kaya lang...

• Wasto na ba ang ratio ng mga estudyante at guro sa pampublikong paaralan?
• Ang mga silid-aralan at upuan? Baka naman may nagka-klase pa sa hagdan.
• Ang supply ng libro, 1:1 na ba?
• Sina Ma'am at Sir, sapat na ba ang nakukuha tuwing kinsenas at katapusan?

Kulang pa 'yan pero kung hindi pa nila nareresolba ang mga problemang nabanggit, malamang na maging sakit lang sa ulo ang K+12 program.

Pinatay

Lunar eclipse ngayon. Lumabas ako sa balkonahe at nakita ang kagandahan ng buwan. Konti lang ang maliwanag pero kita ang kabuuan. Dahil diyan, isusuot ko ang aking paboritong nighties, magsasalin ng gin bulag sa kopita, lalagyan ng yelo at lalapit sa bintana. Mangangalumbaba sa pasimano at tititigan ang buwan. Mag-iisip ng malalim at babalikan ang nakaraan...

Original post date: Monday, June 1, 2009 at 11:31pm 

Where: Multiply

Title: Edukasyon 

Napanood ko kagabi yung Book To School ni Sandra Aguinaldo sa I-Witness at maraming tanong ang nabuo ko sa isip ko. Ayon sa kanyang ulat, DepEd ang may pinakamalaking budget sa mga sangay ng gobyerno. Pero...

Bakit may ilang paaralan na ilang libro lang ang napapadala ng DepEd?

Bakit lumang luma na ang librong ginagamit ng ilang estudyante?

Bakit tuwing ikalimang taon lang nila papalitan at padadalhan ng bagong libro ang mga paaralan sa malalayong probinsya?

Bakit apat na guro lang ang nagtuturo sa isang eskwelahan na may higit 400 estudyante?

Bakit hanggang ikalimang baitang lang ang pwedeng i-offer ng isang paaralan?

Bakit dalawang libo lang ang sweldo ng isang guro?

Bakit ang silid aralan ng mga mag-aaral eh butas butas at ang sahig eh lupa???

Bakit walang upuan at maayos na pisara sa loob nito?

Bakit ang mga batang nais makapagtapos eh hindi ito nagagawa?

Bakit iba ang pagpapahalaga ng mga bata sa pag-aaral sa probinsya kumpara dito sa siyudad?

Nasagot ng ilang opisyales ng DepEd ang ilan sa mga katanungan ko pero bakit hindi ko matanggap ang sagot nila? Parang hindi katanggap-tanggap para sa isang indibidwal na tulad ko.

Hindi naman nakakatakot yung palabas pero hindi ko na natiis panoorin, pinatay ko na lang yung TV.

Sana makatulong tayo kahit papaano, sa kahit anong paraan.

World Teachers' Day

Sa lahat ng guro na matiyagang nagtuturo kahit na...

Walang bubong at pader ang silid aralan,

Ubos na ang yeso sa loob ng lalagyan,

Basa ang blackboard dahil naulanan,

Baha sa loob ng paaralan,

MABUHAY KAYO! Walang makahihigit sa pinili niyong propesyon. Hindi biro ang humubog ng kaisipan ng kabataan. Isa kayong tunay na bayani ng ating bayan. 

Barya ni Juan

Taun-taon na lang kung magprotesta ang mga iskolar ng bayan dahil sa walang habas na pagtapyas ng gobyerno sa taunang budget nito para sa edukasyon. 

Kaninang umaga ay nagsipag-walkout sa kanilang klase ang mga estudyante at propesor ng Univeristy of the Philippines upang ipahayag ang kanilang pagkadismaya. Nakisama din ang mga mag-aaral ng Polytechnic University of the Philippines sapagkat hindi man lang umabot sa kalahati ang pondong inilaan sa kanila para sa taong 2012. Nakiisa din ang Philippine Normal University, Rizal Technological University atbp.

Tinaguriang "Plank-U" ang nasabing protesta dahil nagsasama-sama ang mga raliyista sa Mendiola at doon sabay-sabay nag-planking.

Hindi kataka-takang bokya tayo sa school rankings sa buong mundo. Sa liit ng budget eh nagawa pa itong bawasan. Bakit hindi tapyasan ang pork barrel ng mga kongresista? Mas maigi pa nga kung tanggalin na 'yan para mailaan ang pera sa ibang sangay na mas nangangailangan.

Estudyante pa lang ako eh ipinaglalaban na 'to. Aba! Kelan sila hihinto? Kapag barya na lang ang tira para sa kinabukasan ni Juan?

*images from abs-cbnnews.com

Kung estudyante pa rin ako, siguro...

My high school classmates during our Physics class

• Handa na ang basahan sa bag ko para magamit pamunas ng maalikabok na upuan at bintana.
• May dala akong pamaypay para hindi tagaktak ang pawis ko sa init ng classroom at sa dami naming magkaka-klase.
• Malaking scotch tape ang pinabili ko para pagdikit-dikitin ang mga pilas na pahina ng librong ipahihiram sa amin.
• Magbabaon ako ng dyaryo para maupuan. Baka kasi sa hagdanan kami mag-klase dahil kulang sa classrooms.

At higit sa lahat...

• Hindi ako makatulog sa sobrang excitement ko sa unang araw ng klase. ☺

Saan kaya?

Sa dalawang libong pamantasan sa ating bansa, apat lamang ang pasok sa Top 200 Universities in Asia ng QS 2011 Ranking. Ito ay ang University of the Philippines (#62), Ateneo de Manila University (#65), University of Sto. Tomas (#104) at De La Salle University (#107). Ang ibang unibersidad ay nasa 201+ ang ranking. Wala man lang nakapasok nakapasok sa top 10 o kahit top 50. Parang kahiya-hiya di vaaahhh?! Actually, nakakahiya talaga. Daig pa tayo ng ating mga kapitbalur tulad ng Hong Kong at Singapore na swak sa top 10.

My classmates in PUP

Mukhang hindi na sulit ang binabayad ni Juan Dela Cruz sa matrikula ng kanyang mga anak. Taon-taon tumataas ang tuition fee pero pababa naman ng pababa ang kalidad ng edukasyon sa 'ting bayan. Saan ba napupunta ang binabayad niya? Ano ba ang priority ng mga eskwelahan ngayon?

Airconditioned classrooms ba?

Computer lab na puro Mac ang laman?

Baka naman sa naglalakihang parking spaces?

Pakisagot nga DepEd at CHED. 

Silid Aklatan

Madalas akong pumunta sa library noong one digit pa lang ang edad ko. Ilang lakad lang kasi ito sa dati naming tinitirhan sa may Project 8. Actually, sa plaza talaga ang punta ko para maglaro nagkataon lang na nasa gitna nito ang library. Kapag pagod na sa kaka-swing at slide, magpapahinga na ako sa loob ng silid-akalatan. Maybe that's the reason why I became a book and magazine lover.

Pinakagusto kong basahin ang mga Science books especially kung ang topic eh Astronomy. Pangarap ko kasing maging astronaut dati. Paborito ko ang planet Uranus dahil sa pabaliktad nitong ring. Tapos, nagbabasa din ako ng MOD at Women's Today. Hindi naman ako nakaka-relate sa mga articles kasi pangmatanda na. Tinitingnan ko na lang yung mga pictures sa loob. Weekly yata ang labas ng mga ganitong magasins dati. Naalala ko tuloy ang mga modelo sa cover with heavy make-up at naka-tease ang mga hair.

Last week, pumunta kami dito ng pamangkin ko. Curious lang ako kung paano ito naapektuhan sa panahon ng laptop, iPad at BlackBerry.

Mula nang umusbong sina Google at Yahoo!, feeling ko dinedma na ng kabataang Pinoy ang halaga ng silid aklatan. Dati kasi, mapamayaman o mahirap, kapag kailangang mag-research eh sa library tumatakbo. Go lang sa title card section para maghanap ng libro. Ngayon, isang click na lang ito sa Internet.

Malaking advantage talaga ang access sa world wide web. Bukod sa madaling maghanap, updated pa ang mga impormasyon. Hindi na rin kailangan pang magputol ng puno para sa papel na gagamitin sa paglikha ng libro. Pero may disadvantage din naman ito. Somehow ay tinuturuan nito ang mga estudyante na maging tamad. Kaya nga sikat na sikat si Copy Paste eh.

Sa dami ng libro, wala nang mapaglagyan.

Meron pa palang Salaguinto

Encyclopedias

More encyclopedias

Noon: Atlas 

Now: Google Earth

Storage ng newspaper clippings

Holy Bibles

Pero sino nga ba naman ang pupunta sa isang silid aklatan kung ang mga referensyang mababasa mo eh nung 1963 pa inilimbag?

Parte ng pag-inog ng mundo ang pagbabago. Ang mga bagay na nakasanayan ay kailangang palitan upang upang hindi mapag-iwanan.

Tanong lang: Kasama ba ang silid aklatan sa dapat palitan?

Panukala

Isang magandang panukala ni Senator Miriam Defensor-Santiago para sa edukasyon ng kabataang Pilipino.

Miriam wants universal prekindergarten program for Pinoy kids
Kim Tan, GMA News
04/08/2011 | 01:24 PM

Senator Miriam Defensor-Santiago has filed a bill seeking to establish a free and universal prekindergarten program for Filipino children.

If Senate Bill 2740 will be passed, the Department of Education will develop a "high-quality, full-day, full-calendar-year" universal prekindergarten program for all Filipino children from three to five years old.

"High-quality prekindergarten programs help children to succeed academically. Children who attended a high-quality prekindergarten program supposedly have higher academic achievement, lower rates of grade retention, are less likely to be placed in special education, and graduate from high school at higher rates than those who did not," Santiago said in her explanatory note.

The proposed prekindergarten program specifies the following:

• a maximum class size of 20 children;
• a ratio of not more than 10 children for each member of the teaching staff;
• age and developmentally appropriate educational curriculum that will prepare children for kindergarten classes;
• community support services for students and their families;
• parental involvement in the prekindergarten program, and
• continuing early childhood education and development for teachers.

Background check on school employees

Meanwhile, Santiago also filed SB 2750 which seeks to require the National Bureau of Investigation to conduct background checks on prospective school employees.

According to the measure, the hiring administrator must consider the results of the background check before hiring prospective school employees.

"This bill will help school officials to effectively identify sexual predators during the employment application process," said Santiago.

The bill also mandates the school to report any identified sexual offender.

SB 2740 also bars schools from employing any individual as a school bus driver if he or she has been convicted of an offense involving a vehicular accident or any serious traffic offenses.

I totally agree about her proposal. Hindi biro ang sitwasyon ng mga mag-aaral ngayon lalong-lalo na sa mga pampublikong paaralan. Mababa na ang kalidad kumpara noon. Kung dati ay nakakabasa na ng mabilis ang nasa Grade 1, ngayon ay hirap na hirap pa sila. Tama rin na magkaroon ng background check ang mga school employees dahil sila ang madalas na kasama ng mga chikiting. Walang magulang ang may gustong mapahamak ang kanyang anak habang nasa loob ito ng paaralan.

Actually, maraming dapat ayusin sa sistema ng edukasyon. Gasgas man ang linyang "education is the key to success" subalit hindi kailanman magagasgas ang kahulugan nito. Sa edukasyon ng mga mamamayan nakasalalay ang pundasyon ng matibay na bansa kaya nawa'y dinggin ang panukalang ito ng mga mambabatas.

Edukasyon

Hangga't kulang ang supply ng mga libro...
Hangga't walang maayos na pisara...
Hangga't butas-butas ang bubungan ng mga silid-aralan...
Hangga't sira ang bintana ng mga classrooms...
Hangga't walang maupuan ang mga estudyante...
Hangga't may nagkaklase sa corridor, hagdanan, stage at bakanteng lote ng paaralan...
Hangga't si Ma'am at Sir ay nais magtrabaho sa ibang bansa para sa mas malaking sahod...
Hangga't may mga estudyante na umaakyat ng bundok, tumatawid ng ilog at naglalakad ng milya-milya makarating lang sa paaralan...

Hindi kailanman tataas ang kalidad ng edukasyon sa ating bansa kahit dagdagan niyo pa ng dalawang taon ang sekondarya. Intiendes niyo ba, PNoy at DepEd?

Buhay ang kapalit sa buhok na 'di nagupit

Nakakarimarim na balita. Isang estudyanteng labing-apat na taong gulang ang walang awang pinag-sasaksak hanggang mamatay ang kanyang guro. Nakakaloka! Hindi ko kinaya ang bad news na ito.

Ayon sa balita, ang rason kung bakit nagawa ng estudyante ang krimen ay dahil sa sinita lamang siya sa kanyang mahabang buhok. Ano ba naman iyan!?! Sa murang edad ay nagawa niyang pumatay. Kulang na kulang na nga tayo sa mga titser, nabawasan pa. Sa pag-iimbestiga, hinihinalang initiation rite ito ng isang fraternity at balak na isunod ang principal at iba pang guro. Juice koh! May pagka-satanas yata ang lider ng fraterniting ito at trip kumitil ng buhay.

Para sa kabataang Pinoy, kung trip sumali sa mga frat frat na yan, tantyahin niyo naman kung tama o mali na ang pinagagawa sa inyo. Kung alam niyo namang mali, maghanap kayo ng ibang grupo na ang hangad ay ang inyong kabutihan. Huwag din kayong matakot na humingi ng payo sa ibang tao lalong lalo na sa mga magulang ninyo.

Nawa'y bigyang aksyon ito ng mga kinauukulan at protektahan ang ating mga mahal na guro. Hindi biro ang magturo maghapon sa mahigit-kumulang na limampung estudyante sa isang pampublikong paaralan. Buhay at kaalaman ang alay nila para sa kabataan. Huwag sana silang pababayaan.