Sunud-sunod ang sakuna mula lindol at pag-alburoto ng mga bulkan. Mother Nature, please lang tama na. Pero kung galit pa kayo, kindly spare the hospitals and schools. Doon na lang po kayo mag-focus sa bahay ng mga pulitikong kurap.
Bakit hindi naka-publiko ang imbestigasyon ng ICI? May pinoprotektahan ba sila? Sana kung may managot man, dapat kasama ang malalaking pangalan. Dahil kung hindi, uulitin lang nila ang pagnanakaw, mauulit lang ang mga substandard na proyekto, at mga ordinaryong Pilipino pa rin ang babahain.
Dapat lunurin sa tubig baha na kulay grey ang mga kurakot. 'Yung tipong papasok sa bunganga nila ang mga dagang kanal at lalabas sa pwerta. Kung hindi man sila mamatay sa pagkalunod, kahit sa leptospirosis na lang, mga hayuff sila!
Nasa kalagitnaan na tayo ng October pero malamlam pa rin ang selebrasyon ng Kapaskuhan. Wala sa mood ang mga tao na magsaya dahil pare-pareho tayong nahihirapan dahil sa panggagago sa atin ng mga pulitikong magnanakaw. Isama mo pa ang bangayan nina Sara at BBM.
Paborito ko ang Sbarro pero ramdam ko na nagbago ang serbisyo at kalidad ng pagkain nila.
Walang ka-showgirl-showgirl sa bagong album ni Taylor Swift!
Bigla akong naging excited sa Love You So Bad nina Will Ashley at Bianca De Vera. Baka manood ako kapag sila ang endgame.
Oohhh todong excited ako sa first ever CineSilip Film Festival ng VMX aka Vivamax. Pangalan pa lang ng festival, alam na kung anong ma-expect! Tama lang din naman na bigyan ng chance ang ganitong klaseng tema dahil simula nang ipagbawal ng SM Cinemas ang bold movies, unti-unti na itong namatay. Buti na lang at resuscitated na ng Viva, thanks to their spicy platform na umarangkada noong pandemya.
Pitong pelikula ang maglalaban-laban at interesado ako agad sa Dreamboi starring Tony Labrusca and EJ Jallorina. This is written and directed by Rodina Singh, the same genius behind Mamu; and A Mother Too.
2014 pa pala noong huli akong manood ng pelikula sa Metro Manila Film Festival (MMFF). Magsasampung taon na! Oh well, daming factors why pero ang pinaka diyan ay ang pagkamahal-mahal na presyo ng ticket. But this time, lumabas ako ng lungga at nagtungo sa Gateway Cineplex para panoorin ang pelikulang isinulat ni Archie Del Mundo mula sa orihinal na istorya ni Lex Bonife, ang Broken Hearts Trip...
Broken Hearts Trip (2023)
BMC Films and Smart Films
Directed by Lemuel Lorca Screenplay by Archie Del Mundo and Lemuel Lorca Starring Iyah Mina, Marvin Yap, Teejay Marquez, Petite, Andoy Ranay, and Christian Bables
Kwento ito ng limang broken hearted na sumali sa isang travel reality show. Kada lugar, may challenges na kailangang kaharapin, whether physical or emotional, at ang magwawagi ay mag-uuwi ng isang milyong piso. Ang mga kasali ay sina...
Mark (Petite) - isang transgender woman na tumayong ina sa anak ng kanyang jowa
Alex (Ranay) - tinakasan ng jowa matapos kubrahin ang limang milyong piso na investment sana sa isang negosyo
Ali (Yap) - ipinagpalit ng afam sa iba at nalugi ang negosyo
Bernie (Mina) - 'thank you girl' o palaging runner-up sa mga beaucon, never naging winner pati sa puso ng jowang kinupkop at inalagaan
Jason (Marquez) - la ocean deep na ta-ar-tits at nangangailangan ng pangalawang pagkakataon na sumikat
Unique ang plot pero relatable ang bawat background ng mga bida. Mabilis ang pacing at walang filler scenes. Pinakamaganda sa lahat ang cinematography dahil iisipin mong mag-book agad ng bakasyon sa mga lugar na kanilang pinuntahan. I personally want to experience the boat ride at 'yung pagtalon sa falls.
Sobrang fan ako ni Iyah Mina sa Mamu; And a Mother too at hindi siya nagpakabog sa aktingan dito. But the two characters that surprised me were Petite and Marvin Yap. Ang gagaling nila sa mga karakter nila. Ramdam mo 'yung sakit ng pinagdaanan nila na naging dahilan para sumali sa kontes. Petite was very motherly. My only critic siguro about the film is they could have highlighted the winner sa ending then transition to the story of the host (Bables).
If you want to feel good, be entertained, at manood ng kakaibang istorya this MMFF season, I recommend you to watch this film kahit na palabas na lang ito sa piling sinehan. Yesterday, it was only screened sa SM Megamall at Gateway sa Metro Manila. Like ika-apat na araw pa lang ng MMFF pero ganito na ang trato sa ilang entries. I hope MMDA can do something about it like entries have guaranteed number of cinemas for their entire run.
Tatakbo daw na VP si Tatay Digz sa susunod na taon. Sakripisyo daw niya dahil sa kagustuhan ng mga tao. WOW! Gaano karami kaya ang tinutukoy niya? CHAR! Bali-balitang ang pambansang alalay ang ka-tandem niya at tatakbo sila under PDP-Laban. May confirmed din na limang senatoriables ang partido. Wit ko na babanggitin at baka uminit lang ang ulo niyo. Hindi nila daserb masulat sa ating kaharian.
Araw-araw tayong nanonood ng balita at araw-araw din tayong nababahala sa dami ng bagong kaso ng COVID-19. Noong isang araw lang ay lumagpas tayo sa 18 kwit kahit nagdalawang linggong ECQ ang NCR at ilang piling lugar. As usual, kakarampot na ayuda ang nakuha ng mga tao samantalang bilyong piso ang hindi nagagamit at nilulustay ng ibang sangay ng gobyerno. Salamat sa COA at nalalaman natin kung paano ginagasta ang pera ng taumbayan. Underpaid pa rin ang healthcare workers samantalang sa hardware bumili ng napkin ang OWWA. Moldex yata ang brand. CHAR!
Kasalukyang palabas sa KTX.ph ang Love and Pain in Between Refrains, ang bagong pelikula ni Direk Joselito Altarejos na nagbigay sa atin ng mga obra maestrang Ang Lihim ni Antonio, Kasal at Ang Lalake sa Parola. Parte ito ng Cinemalaya 2021 at mapapanood hanggang Sabado, August 28.
Kwento ito ng childhood sweethearts na sina Adelle (Elora Españo) at Noel (Oliver Aquino) na nagkita after 10 years. Nagkabalikan at nagmahalan muli pero may kasamang cariño brutal. Very close to reality at maraming ganyan sa paligid natin. KALOKA! Saan kaya sila dadalhin ng marahas nilang pag-iibigan?
Pagkatapos ng matagumpay na Anak ng Macho Dancer, may bago ulit handa si Direk Joel Lamangan sa ating kaharian. Ipapalabas ngayong buwan ang Lockdown, ang pelikulang magpapainit sa inuulan nating mga tilapia. Bida dito si Paolo Gumabao na una nating nakilala bilang Enzo sa Mga Batang Poz.
Ayon sa mga artikulo online, kwento ito ng isang OFW na nawalan ng trabaho at tumakas sa quarantine. Napilitang kumapit sa patalim para tustusan ang pangangailangan ng pamilya. Hanggang saan kaya ang kaya niyang gawin para sa kanila? 'Yan ang ating dapat abangan!
Paolo Gumabao
Starring din dito ang Cinemalaya Best Actress na si Ruby Ruiz, Max Eigenmann at Alan Paule. At dahil hindi required dumaan sa MTRCB ang mga pelikulang ipapalabas via streaming, hindi tayo mabibitin sa mga 'noches de leche' nina Dincent Lucero, Kristian Allene, Neil Suarez, Jeff Carpio, at Sean De Guzman. SHEREP!
Trailer pa lang, hindi ko na napigilang magwater-water sa maiinit na eksena. Walang kiyeme si Paolo sa laplapan huh! Napaka-swerte din ni Jim Pebanco at nahipo niya ang 'pintuan ng langit'. Sana ol, 'di ba?
Mapapanood ang UNCUT version worldwide starting July 23 via KTX, Upstream PH, RAD, WeTV Philippines, and iflix. Support local films tayo, mga ateng. Don't miss it!
Pasavogue itong bratatat ni Gen. Parlade sa mga merly na tumatayo sa kanilang karapatan particularly kina Liza Soberano at Catriona Gray. 'Wag daw um-associate sa tulad ng Gabriela na isa raw komunista. Infairness sa Gabriela, simula nang maupo sila as a party-list sa kongreso, wala silang pagod sa pagtaguyod sa karapatan at boses ng kababaihan. Ang mas malakas na pasavogue ay deretsahan niyang pinaratangan na NPA member ang kapatid ni Angel Locsin. Naglabas tuloy ng ebidensya ang Darna natin upang baliktarin ang paratang ng heneral. Pati sina Cavite GovernorJonVic Remulla at House SpeakerLord Velasco ay imbey na "red-tagging" niya.
Sa trulili lang, mala-Shrekty Fermin itong si Parlade. Puro kuda pero walang maipresentang ebidensya. Kung meron man, idaan sa legal na proseso at hindi sa FB. Kahihiyan sa AFP itong si ser.
Tama na ang stress! Tara't manood tayo ng isang masarap na pelikula...
Kurap (2008) Silangan Pictures Directed by Ronaldo Bertubin Starring Sherwin Ordoñez, Jojit Lorenzo and Ashley Rhein Arca
Sa pagnanakaw binubuhay ni Ambet (Ordoñez) ang kapatid na si Luchie (Arca). Hindi ito alam ng huli na masipag sa pag-aaral pero unti-unting nawawala ang paningin dahil sa glaucoma. Upang mapaopera ang kapatid, tinanggap niya ang offer ng amateur videographer na si Marlon (Lorenzo), na ituro ang mga illegal na gawain sa paligid ng Quiapo. Kasama sa mga nilaglag niya ang pinagbebentahan ng nakaw na cellphone at mga kasabwat sa pandurukot.
Pero 'ika nga nila, walang lihim na 'di nabubunyag. Nang nalaman ito ng mga trinaydor niya, siya naman ang binalikan at dito na nagkaroon ng bugbugan galore.
Diyan nagtapos ang pelikula. Ang iksi, 'di ba? Para lang siyang Maalala Mo Kaya. Just don't get your hopes high because this is another poverty movie. But I'm fine with it kasi na-establish naman ang istorya at naihatid na hindi bitin sa pakiramdam.
Maayos ang shots na kinunan sa paligid ng Quiapo. May obvious na umuusyoso kaya minsan, nasa itaas ang camera angle para hindi agaw-pansin. Masherep ang mga sexy scenes ni Sherwin Ordonez dito huh! May mga pa-santolan station siya na magpapabaha sa estero natin. CHOS!
Ang direktor nito na si Ronaldo Bertubin ang siya rin nag-direk ng Sikil at Loverbirds na pasado din sa kaharian natin.
Panahon na pala para i-review ng House of Representatives ang budget ng Pilipinas para sa taong 2021. Tumataginting na 4.5 trillion pesos ang pinag-uusapan. According to this DBMfile, pinakamalaki ang budget ng DepEd pero nasa panglimang posisyon lang ang DOH. Kinavogue pa siya ng DPWH na nasa ikalawang pwesto. Walang pandemya, 'teh? Aanhin namin ang mga tulay at kalsada kung hindi kami makalabas dahil hindi niyo makontrol ang paglaganap ng veeruz?
Available din sa YouTube ang pagdalo ni VP Leni Robredo para ipagtanggol ang budget ng kanyang opisina. From the proposed PhP723 million, PhP679 million lang ang inaprubahan. Hindi man lang umabot ng bilyon ang budget ng pangalawang pinakamataas na pinuno ng bansa. Halos lahat ng nagsalita eh nagrekomendang taasan ang budget lalo na't nakakuha siya ng pinakamataas na audit rating mula sa Commission on Audit. Bukod pa 'yan sa mga proyektong kanyang nagawa para tulungan ang mga frontliners. Pero siyempre, hindi mawawalan ng kontrabida. Ayaw ko na banggitin at nakakapangit siya!
Para ma-good vibes tayo, watch na lang natin ang isang indie film starring the sexy husband of Miss International 2005...
Pitik Bulag (2009) ALV Productions Directed by Gil M. Portes Story by Gil M. Portes and Eric Ramos Starring Marco Alcaraz, Victor Neri, Rubi Rubi, Cecil Paz and introducing Paloma
Dakilang ekstra sa action movies si Angelo (Alcaraz). Simula nang mamatay ang idolo niyang si FPJ, nahirapan na siyang makakuha ng trabaho. Sinubukan niyang mag-audition para sa isang gay indie film pero waley din. Imbey na sa kanya ang asawang si Kara (Paloma) na nagta-trabaho bilang takilyera sa isang lumang sinehan sa Quiapo.
Habang papunta sa kaibigan na kanyang uutangan, muntik nang mabangga si Angelo ng dalawang sasakyan na galing pala sa panghoholdap ng bangko. Nahulog dito ang isang bag na naglalaman ng mahigit sampung milyon piso. Dali-dali niya itong inilipat sa sariling bag pero naiwan niya ang kanyang wallet na may ID. Binalikan ng mga holdaper (Neri and Paz) ang lugar at dito nila nalaman kung sino ang tumangay ng pera.
Hindi naman naging suwapang sina Angelo at Kara. Binigyan nila ng tag-dalawang milyon ang dalawang sekyu na napatay samantalang isang milyon sa naka-survive. Pero natunton pa rin sila ng mga holdaper at dito na nagkaroon ng engkwentro. Napatay si Angelo samantalang nakatakas si Kara at umuwi ng probinsiya para makasama ang kanilang anak.
Marco Alcaraz
Medyo nababawan ako sa istorya pero aliw ako sa mga artista. Nakaka-miss mapanood sa action movie si Victor Neri tapos maganda ang chemistry nila ni Cecil Paz. Imbes na mainis, nakakatawa si Rubi Rubi bilang pakialamera at chismosang kasera. Paloma reminds me of Ellen Adarna, sexy pero hindi bastusin. Ano kayang nangyari sa kanya after nito? Nagkaroon ba siya ng ibang projects? Not bad naman siya sa acting part. At kay Marco Alcaraz, well, masarap siyang panoorin.
Simula noong Marso, ngayong buwan lang ulit ako nakasakay ng MRT para pumunta sa tindahan ng CDs atbp. na nasa Libertad, Pasay. Wala pa rin pinagbago dahil kahit kokonti lang kaming sakay eh makupad pa kay Pong Pagong ang andar. Kailan ba ito maa-upgrade? KALOKA! Anyways, nagpunta ako sa Libertad para mamili ng DVDs na mapapanood. Nangongolekta pa rin kasi ang byuti ko kahit umaariba na ngayon ang Netflix, HBO Go, iFlix at iba pang streaming services. Heto ang isa sa mga nabili ko...
Tutok (2009)
CBC Productions
Story and Directed by Joven Tan
Starring Emilio Garcia, Allen Dizon, Ian De Leon and introducing Raymond Cabral
Si Roman (Garcia) ay nangangarap maging sikat na reporter at para makamit ang ambisyon, kailangan niyang makakuha ang exclusive interview kay Ka Rolan (De Leon) na isang lider ng mga rebelde. Kasama si Zaldy (Dizon) na kumpare at cameraman niya, pinuntahin nila ang kuta ng mga rebelde. Marami silang natuklasan at isa na rito ang bookingera pala si Ka Rolan. May taste naman siya dahil yummy si Lito (Cabral).
Nalaman ni Ka Rolan kay Mr. Delgado (Lloyd Samartino) na hindi pala padala ng network si Roman. Naimbey si mamshie at dito na pinarusahan ang dalawa. Inuring niya si Roman habang vini-videohan ni Zaldy. Ang exclusive interview ay naging sex scandal. CHAR! In the end, namatay si Roman at nakaligtas si Zaldy pero nagkaroon ng mental health issues dahil sa trauma.
Raymond Cabral
Actually, mas keri pa ang production ng Magpakailanman kaysa sa pelikulang ito. Feel na feel mong tinipid lalo na parang kartolina lang 'yung ginamit sa lapida. Ang cringey din ng linyahan at hindi natural. Paulit-ulit ang "putang ina" para masabing intense ang eksena. Saving grace ng pelikula ang mga artista lalo na si Boots Anson-Roa kaya 1 star sa kanya. The other star came from Raymond Cabral. Inaabangan ko talaga siyang lumabas. May pasabog pa siya bago mag-ending. Ayun, sumabog din ang pantog ko. CHOS!
Isang linggo matapos pumutok ang bulkang Taal, surviving pa rin ang mga Pilipino lalo na ang mga ateng natin na nasa Batangas at Cavite. Although pinangangambahan na maaaring itong pumutok muli, nawa'y lahat ng mga nasa 14-kilometer danger zone ay handa sa paglikas. Magdasal tayo na sana'y hindi maulit ang pag-alburoto nito. Bukod sa paghahanda, 'wag din magpapaniwala kina Ramon Tulfo, Tito Sotto, Mocha Uson and the likes. JUICE KOH, kakainit sila ng ulo!
I've heard so much of Kalel, 15 on the internet. Maganda ang feedback at tungkol daw sa batang may HIV which made me more curious. Kahit 'yan lang ang alam ko at wiz pa napapanood ang trailer, gora agad ako sa Cinema '76 sa Anonas to experience it.
Kalel, 15 (2019)
The Ideafirst Company, Octobertrain Films and Cignal Entertainment
Written and Directed by Jun Robles Lana
Starring Jaclyn Jose, Eddie Garcia, Gabby Padilla, Elora Españo, and Elijah Canlas
The movie started in the hospital with Kalel (Canlas) and his mother (Jose) confirming na may HIV si bagets. Hindi nabanggit sa pelikula kung paano siya nagkaroon nito pero mukhang internet star ang lolo niyo dahil umaabot sa 1000+ likes ang Facebook posts, mahilig mag-post ng sexy pics at may alter account sa Twitter.
Dysfunctional ang pamilya ni Kalel. May ate (Españo) siyang malandi na nagpalaglag at magkaiba ang tatay nila. Ang kaibahan ay kilala ni Kalel ang kanya - isang pari (Garcia) na siyang nagpapa-aral sa kanya sa isang private Catholic school.
Bet na bet siya ng schoolmate niya na si Sue (Padilla) na ubod nang kiri. Kating-kati sa kanya kaya tinake home siya at pinosasan pa. Kinagat ang labi habang naglalaplapan at sinipsip ang dugo na parang bampira. Bago pa tuluyang may mangyari sa kanila ay nakatakas siya. Tama lang na layuan niya ang malanding 'yon!
Elijah Canlas and Eddie Garcia
Nakakadalawang malandi na tayo so let's go to the third one, ang nanay niya. Kabit ng isang tricycle driver na piniling iwanan sila ng ate niya para sa pansariling kaligayahan. Dito na nagkandaleche-leche ang buhay nila. Inuwi ng ate niya ang adik na jowa, nalugi ang karinderya, hindi nakabayad ng renta, naputulan ng ilaw saka nakulong. Para matulungan ang ate niya, humingi siya ng tulong sa kanyang tatay. Binigyan lang siya ng pera pambayad utang pero hindi para pampiyansa. Sa murang edad na kinse, nagdesisyon siyang kumapit sa patalim para matulungan ang kapatid.
This is the fourth movie of Jun Lana na napanood ko. First was Die Beautiful (director) then Born Beautiful (writer) followed by the Panti Sisters (director). I think this is his next best after Die Beautiful. Napapanahon dahil pabata nang pabata ang nagkakaroon ng HIV. Buti na lang at sa Republic Act 11166, pwede na magpa-HIV test ang mga bata mula 15 to 17 kahit walang parent or guardian consent.
Aside from Kalel's health case, relatable din ang pamilya niya. Although madalas silang magtalo ng ate niya, they love and care for each other. Akmang-akma naman sa pagiging nanay si Jaclyn Jose. I don't know pero she's always relatable sa role niya, 'noh? Hindi niya kailangan sumigaw-sigaw, magwala at todong magdrama para maging effective na aktres. Tapos, nakakatawa 'pag nagbitaw siya ng ibang linya. Napaka-natural na parang naririnig mo lang sa bahay o kapitbahay mo.
Gabby Padilla, Elora Españo, and Elijah Canlas doesn't feel like newcomers. Ang gagaling umarte especially Elijah. Ramdam mo 'yung ka-inosentehan, naughtiness, at pagiging no choice ni Kalel without being over dramatic. Sometimes, he just stares and it hits your heart.
The movie is dark and quite depressing pero alam mong totoong nangyayari. It feels like para kang parte ng pelikula - either ikaw ang naka-relate o may kakilala ka. I highly recommend you watch it, mga ateng. Ihanda niyo lang ang inyong mga puso sa mapapanood.
After 8 months, nagbonding ulit kami ni Ateh Paul. I think it was the longest period na hindi kami nagkita in person. We got busy sa life eh. Ang mahalaga, we are still friends at hindi na mabubura 'yon. May jowa na rin siya, bagong-bago at super fresh! Ang tagal niyang hinintay 'yan kaya i-wish natin siya ng abundant lovelife. PAK!
We wanted to watch a movie - Panti Sisters or Jowable. Dahil hindi ako fan ng Vincentiments series sa Facebook, we chose the former.
The Panti Sisters (2019) Black Sheep, Idea First, Quantum Films Directed by Jun Robles Lana Starring Paolo Ballesteros, Christian Bables and Martin Del Rosario
Nais ni Don Emilio (John Arcilla) na mabigyan siya ng apo ng tatlo niyang baklang anak - sina Gabbi (Ballestero) at Daniel (Del Rosario) na anak niya kay Nora (Carmi Martin), ang legitimate wife, at si Samuel (Bables) na anak niya sa kanyang kabit na si Vilma (Rosanna Roces). Tumataginting na 100 million per head ang at stake kaya naman nagkumahog ang tatlong bakla na mambuntis ng bilatsina.
Kahit kasuka-suka, pinilit kinarat nina Gabbi at Samuel sina Joy (Barcelo) at Chiqui (Antonio) samantalang pinagkunwari ni Daniel na kanya ang anak ng kanyang preggy neighbor. In the end, wala sa kanila ang nagkaanak. Nakunan ang ex-gf ni Samuel, hindi kay Gabbi ang pinagbubuntis ni friend at napa-DNA test ni Don Emilio ang shupitbalur ni Daniel.
I cannot help but compare it sa Die Beautiful na tinuturing kong masterpiece. Nandito rin kasi sina Paolo Ballesteros at Christian Bables tapos si Jun Lana din ang direktor. Medyo na-off ako sa simula. Ako lang naman ito pero hindi ko bet na kinakausap ng character ang moviegoers na parang nagkukwento. Then the plot na dapat nilang bigyan ng apo ang tatay nila for the sake of money is a concept na very 80s or 90s. Marami din namang highlights ang movie katulad na nais nila i-educate ang sitwasyon ng LGBT community sa Pinas especially the relationship with God and same-sex marriage. It could have been more impactful kung hindi na sila gumamit ng salitang "bakla" which is somehow, a generic term for gays, bis and trans women in our country. Sana mas specific ang term na ginamit para mas informative. At least, klaro na "Demigirl" ang character ni Daniel. It's just not clear to me kung trans woman si Samuel at gay si Gabbi, or parehong gay.
The main stars during the premiere night Photo courtesy of GMA Artist Center
The most funny part of the movie was when Gabbi tried to have sex with Joy. Ang lakas ng tawa ng mga tao. Ang galing umarte ni Paolo! Eye candies naman ang mga pinsan nila played by Luis Hontiveros, Addy Raj and Mark McMahon. Magwawater kayo sa swimming pool at volleyball scenes nila. May pabakat si direk. CHAR!
Addy, Mark and Luis
I also have to commend the best actors and actresses in the movie. Walang kupas sa comedy si Carmi Martin at feel na feel ko ang character ni Rosanna Roces na mahilig sa fake. Very relatable! Tawang-tawa din kami kay Roxy Barcelo at Via Antonio. Although Martin Del Rosario bagged the Best Actor award, may laban din sina Paolo at Christian. Lahat sila magaling!
Wit ko man nagustuhan sa simula at may ibang unnecessary scenes in my opinion, lumabas ako ng sinehan na natuwa't naaliw. It's a feel-good movie!
Samu't saring indie films ang muling ipapalabas ngayong buwan kasabay ng selebrasyon ng Pride Month.
Una diyan ang dalawang award-winning movies ni Joselito Altarejos na entries niya sa Sinag Maynila Film Festival. Ang Tale of the Lost Boys ay nanalo ng apat na awards noong 2018 kasama ang Best Picture. This year ay nanalo ng Best Actress si Angela Cortez para sa Jino to Mari. Parehong pinagbidahan 'yan ni Oliver Tolentino kaya mas masarap panoorin. Masarap daw oh! Mapapanood ito at ang iba pang entries ng Sinag Maynila sa UP Film Center(click for the schedule) in Diliman QC.
May marathon naman sina Mamu; and a Mother too at Bille & Emma sa Cinema Centenario(click for the schedule). Kasama din sila sa Pride line-up ng Cinema '76(click for the schedule) together with 2 Cool To Be 4gotten and Miss Bulalacao. Siyempre, don't forget our shivolee siblings dahil ipapalabas din ang Baka Bukas, Changing Partners and the classic T-Bird at Ako. PAAAK! Ate Guy and Vilma in one movie plus directed by Danny Zialcita. Ibang level ang kudaan diyan!
Let's go, mga ateng, and support these movies upang mas lalo pang ma-inspire ang local film makers na gumawa ng makabuluhang pelikula na swak sa ating kultura at panlasa. Don't worry dahil wit nila haharangin ang outside fudang na binili natin. Basta make sure na CLAYGO tayiz!
It's Pride Month, mga ateng! I've never been this excited sa pagpasok ng Hunyo at feeling ko, mas dumadaloy sa dugo ko ngayon ang hangarin na tayo'y pahalagahan kapantay ng mga straight diyan.
Kasalukuyan kong binabasa ang librong sinulat ni Danton Remoto na Happy Na, Gay Pa. Masaya at nakaka-GV ang mga kwento ng bidang si Jon. Nagkaroon din ako ng DVD copy ng Zombadings 1: Patayin sa Syokot si Remington. Nakalimutan ko na halos ang istorya kaya naman binalikan ko at sobrang nakakatawa pa rin talaga. Sana magkaroon ng Zombadings 2, 3, 4, 5 and more parang Shake, Rattle and Roll.
Image from Risa Hontiveros' Facebook page
Kahapon ang last day ng 17th Congress. Kasisimula pa lang nito noong 2016 ay pinu-push na ni Sen. Risa Hontiveros ang SOGIE Equality Bill. Nakakalungkot at hindi ito nabigyan ng importansya at kinakailangan muling ihain sa pagsisimula ng 18th Congress. Maging batas kaya ito sa pagpasok nina Pia Cayetano, Imee Marcos, Bong Go, Bato Dela Rosa and the likes? Only time can tell but we will remain optimistic on this as long as we have our champions in the Congress fighting for our equal rights.
Nagpa-online poll pala ang House of Representatives about same-sex unions. Sa true lang, imbes na ma-excite ako, hindi ko na-bet-an. Bakit idinaan sa survey? Kaya nga sila ibinoto ng mga tao dahil sa mga plataporma nila (talaga lang huh?). I don't really get the point of having this poll dahil hindi naman lahat ay may access sa Internet. The LGBT+ community deserves so much better than this. We need the Congress to believe that we deserve equal rights and not just base their decision on a poll that can be easily manipulated.
Nagamot daw ni Pangulong Duterte ang kanyang pagkabakla nang makilala ang unang asawa na si Elizabeth Zimmerman. I can't help but to sigh and do facepalm in my mind. 'Yung inaakala nating umuusad na tayo sa ganyang paniniwala, heto't umatras at pinangunahan pa ng leader ng bansa. It's saddening because he has a lot of supporters from the LGBT+ community at ito pa ang kanyang ibabalik. Pwede bang itaas natin ang ating tingin sa mga babae at 'wag silang itratong gamot sa kabaklaan sapagkat hindi ito sakit na malulunasan.
Isa sa pinakamatunog na DDS ang transwoman na si Sass Rogando Sasot. Imbes na ipagtanggol ang komunidad kung saan siya nabibilang, sinisi pa niya si Pia Ranada ng Rappler dahil hindi daw nito naintindihan ang joke ng pangulo. So joke na lang tayo, ganon ba?
Last year, lumabas ang trailer ng Mamu; and a Mother too at Born Beautiful. Todo excited akiz sa dalawang 'yan dahil trans women ang mga bida. Pero ipinalabas na't lahat eh hindi ko man lang napanood. KALOKA! Buti na lang at ngayong buwan ay muling ipinalabas ang Mamu as a Mother's Day presentation. Bongga de vaaahh? This time, hindi ko na pinalagpas at rumampa kaninang alas-onse ng gabi sa Cinema Centenario in Maginhawa, QC.
Second time kong manood sa isang micro-cinema at bet na bet ko ang plasung. Mangilan-ngilan na lang ang bakanteng upuan nang ako'y dumating. Nakatutuwa na ang daming sumuporta.
Mamu; and a Mother too (2018) Cinema One Originals Written and Directed by Rod Singh Starring Iyah Mina, Arron Villaflor, EJ Jallorina, Jovani Manansala and Markus Paterson
Si Mamu (Mina) ay isang pokpok sa Pampanga na may jowang (Villaflor) mas bata sa kanya. May work naman si boylet kaya lang 'di sapat para sa kanila. One day, nategi ang shupatemba ni Mamu na may junakis in the name of Bona (Jallorina), isa rin trans woman. Wala namang choice si Mamu kundi kupkupin ang bagets.
Pangarap ni Mamu na maging susuhan para umangat ang kanyang value sa pokpokan industry. Pero dahil pricey itey, ipon muna sa lata ng floorwax yata. Medyo hirap maka-save more dahil bukod sa dalawang bibig na ang pinapakain, matumal na sa bookingan sapagkat mashonda na't maraming fresh competitors. Para makatulong, bet sanang magtrabaho ni jowa sa ibang lugar pero eks kay Mamu. Masyado daw mahina ang katawan ni ohms at siya na lang daw ang bahalang rumaket. Dito na pinasok ni Mamu ang pagiging cybora. JUICE COH! Relate ako sa mga paasang afam. Gusto performance muna bago padala. Hellooowww! Money down before panty down.
May sarili namang lovelife si Bona at dalawa pa, sina Franco (Manansala) at Kiko (Paterson). AYNAKODAY! Jackpot ang bunso natin at parehong cutie pie - isang purong Pinoy at isang half-breed. Kainggit! St. Bona of Pampanga, please pray for us. GANYAAAN! Super kakilig. Sino ang nagwagi sa puso niya? Nako, hindi ko na ibibigay 'yan. Panoorin niyo para malaman.
I've seen a lot of LGBT-themed movies and Mamu; and a Mother too is on my top 3. Baka nga top 1 pa dahil relate na relate ako sa mga eksena excluding the jowa part bilang waley ako 'nun. Ano ba 'yun? AMP! Like Mamu, may pamangkin akong sinusuportahan at gusto ko rin na makatapos siya ng pag-aaral. After that, he can do whatever he wants to do basta hindi masama.
Bona with her alkansya and strobe lights
While watching the movie, I can't help but to be proud of some scenes. May respeto, hindi ginawang katatawanan at inangat ang pagiging trans woman. May mga light moments with friends pero hindi niyurakan, nilait, at binatuk-batukan. Hindi korni pakinggan ang mga linya at napapanahon ang gay lingo na ginamit. Also, the characters are not overly-sexualized. Walang laplapan, matinding karahasan at todong hubaran. Pang-dalaginding kaya nakakuha ng R-13 from the MTRCB.
The cast were perfect for their roles. The surprising ones were Petite and Tonton. Dami naming tawa sa kanila! Supportive na mga kaibigan pero in touch sa reality. Swerte nina Mamu at Bona to have friends like them.
Panoorin ang Mamu; and a Mother too bago mahuli sa chika! Showing pa sa micro-cinemas near you. Here's the schedule:
Isang taon matapos magwagi ang Tale of the Lost Boys sa Sinag Maynila 2018, nagbabalik sina Oliver Aquino at Direk Joselito Altarejos para magbigay muli ng isa na namang makabuluhan at mapangahas na pelikula, ang Jino to Mari.
Kasama nila dito si Angela Cortez na gaganap bilang batang ina. Ang kwento ay iikot sa dalawang tao na binayaran upang gumawa ng porno sa Araw ng mga Kaluluwa. KALOKA! Baka bumangon ang mga bangkay para manood nito huh! Ang isa pang nakakaintriga, may ipinagawa sa kanila na hindi naman kasama sa usapan. Ano kaya 'yon? Nako, kailangan nating mapanood ang pelikula para malaman 'yan!
Una nang naipalabas ang Jino to Mari sa mga film festivals sa Switzerland at Cambodia at umani ng mga bonggang papuri. Eh gawang Joselito Altarejos 'yan eh, sure na quality film! Kaya naman 'di nakapagtatakang pasok ulit siya sa Sinag Maynila 2019. PAK!
Mga ateng, minsan na lang magkaroon ng ganitong pelikula kaya todong suportahan natin. Aside from SM at Gateway, mapapanood din ito sa micro-cinemas like Black Maria in Mandaluyong and Cinema '76 in Anonas. Narito ang schedule:
Black Maria Cinema - April 7 and 9 (6:30 PM), April 8 (1:30 PM) Cinema '76 Anonas - April 7 (9 PM), April 8 (6:30 PM) Gateway Cubao - April 6 Gala Screening (9 PM), April 8 (1:30 PM), April 9 (6:30 PM) SM Megamall - April 7 (9 PM), April 8 (6:30 PM)
I cannot believe na limang taon na ang nakalilipas nang brutal na patayin ang sisteret nating si Jennifer Laude.
Jennifer Laude and Joseph Pemberton
Nahatulan na si Joseph Pemberton ng 6 hanggang 12 taon na pagkakakulong pero hindi lubusang makuha ng pamilya ni Laude ang hustisya. Dapat kasi ay sa New Bilibid Prison siya idi-deliver after the trial pero dahil sa presensya ng mga 'kano, sa Camp Aguinaldo ito nakapiit. Ayaw sa masikip at mainit. Ano siya, si Maricel Soriano? Special treatment dahil ba Amerikano? KALOKA!
Last year, ipinalabas sa iba't ibang panig ng mundo ang Call Her Ganda, ang dokyumentaryong sumubaybay sa kaso. Umani ito ng mga papuri at ngayon ay ipinapalabas sa Cinema 76 in Anonas and San Juan. I was able to watch it last night and there was a Q&A with the producer, director and lawyer of Jennifer Laude. Direk PJ Raval said it took them 3 years to complete the film. Ang haba!
It was my first time to watch a documentary like this. May interview with the lawyers, sa nanay at kapatid ni Jennifer, may news clippings, rally, discussion ng transgender women, at may special participation si PDutz. Naiyak ako sa ilang eksena specially kapag pinapakita si nanay. Sabi nga nila, walang kasing sakit sa magulang ang maglibing ng anak. Ilang beses din siyang sinubukang suhulan. Kahit na mahirap sila at alam naman nating malakas ang tukso ng pera, hindi nila binenta ang hustisya na karapat-dapat sa kanyang anak.
Binuksan din nito ang aking isipan sa mga butas ng VFA o Visiting Forces Agreement. Nakapaloob pala dito na isang taon lang ang palugit para sa kaso or else, fly-la-loo to the US of A na si Pemberton. Sabi ni Atty. Virgie Suarez, it was like a marathon case. Stressful pero kinaya. One of the lawyers who helped as well was the famous Harry Roque. Infairness, na-appreciate ko siya dito nang husto. Sayang at nasira siya kay PDutz.
Mga ateng, I'm inviting you to watch this documentary. Madaming kayong matututunan. Tiyak na ipaglalaban niyo rin ang karapatan at pagkilala na matagal na nating inaasam.
Dalawang paparating na pelikula ang magpapa-ulan ng luha at saya sa ating kaharian.
Una diyan ng Mamu; and A Mother Too na kasama sa C1 Originals 2018 Festival. Bida dito si Iyah Mina at ang child star na si EJ Jallorina. Tatlong masasarap na kalalakihan ang kanilang leading men - Ahron Villaflor, Jovani Manansala at ang super cutie na si Markus Paterson. Trailer pa lang ng pelikula, mapapahagalpak ka na sa tawa at mata-touch ang birdie heartie mo. AAWWW!
Palabas na ito mula October 12 to 21 sa mga sumusunod na sinehan - Trinoma, Glorietta, Gateway Cineplex, Powerplant Mall, Santolan Town Plaza, SM Megamall, SM North EDSA, SM Sta. Mesa, SM Manila, UP Cine Adarna, FDCP Cinematheque Manila, Cinema '76, Black Maria Cinema, and Cinema Centenario.
***
Samantala, kalalabas lang at mainit-init pa ang trailer ng Born Beautiful, ang sequel sa award-winning movie na Die Beautiful. This time, si Barbs na ang bibida. Although a new actor will play the iconic character, winner pa rin ang arrive! Very timely ang istorya lalo na't kahit unti-unti na tayong natatanggap ng lipunan, may mga samahan pa rin diyan na nagsasabing tayo'y makasalanan at hinihikayat na bumalik sa pagiging straight. As if we were born straight. CHAR!
Dalawang cutie pies din ang leading men ni Martin del Rosario dito, sina Kiko Matos at Akihiro Blanco. OMG! Parehong panalo, walang tapon.
Wala pang release date ang pelikula but we need this kind of movie the soonest. Super excited na akong mapanood!
Bago sumapit ang Pasko at ang Metro Manila Film Festival, inaanyayahan ko kayong manood ng award-winning movie na Maestra. Ito ay sa panulat ni Archie Del Mundo at direksyon ni Lemuel Lorca. Nagkaroon ako ng pagkakataon na mapanood ito kahapon sa UP Cine Adarna.
Maestra (2017) Spotlight Artist Center/Dr. Carl Balita Production Directed by Lem Lorca Written by Archie Del Mundo Starring Angeli Bayani, Anna Luna and Ms. Gloria Sevilla
Umikot ang istorya sa tatlong guro ng iba't ibang henerasyon - si Iah (Luna) na bagong graduate at nagnanais makapasa sa Licensure Examination for Teachers o LET, si Gennie (Bayani)na kahit ilang beses nang bumagsak, patuloy pa rin nagsusumikap para makamit ang lisensya, at si Espie (Sevilla) na hindi balakid ang edad para patuloy na makapagturo sa bagong henerasyon.
Kakaiba ang istorya ng Maestra sa lahat ng indie films na napanood ko. Walang hubaran, sampalan, sabunutan at suguran na karaniwang mga eksena sa pelikula. Wala ring masyadong scoring at distracting na theme song. Natural ang dating.
Angeli Bayani deserves an award for her role
Ang Maestra ay tungkol sa buhay ng mga guro at sa kanilang debosyon sa piniling propesyon. Ipinakita dito ang mga pagsubok na kanilang hinarap at patuloy na hinaharap sa araw-araw. I was particularly touched sa eksena kung saan ilang oras ang todong binubuno ni ma'am makarating lang sa paaralan. Kinakausap pa niya ang magulang ng mga estudyanteng hindi na nagsipasok. Hanggang diyan na lang as I don't want to spoil the rest of the story.
With Archie Del Mundo
Madalang magkaroon ng pelikula na guro ang sentro ng istorya. The last that I can remember is Mila by Maricel Soriano pero tungkol pa 'yan sa personal niyang buhay.Habang tumatakbo ang istorya, hindi niyo mapipigilang makaalala ng isang guro na dumaan sa buhay niyo. You will appreciate them more than ever.
Maestra will have a limited commercial run on the following SM Cinemas on December 8 and 9:
SM Megamall
SM Mall of Asia
SM North EDSA
SM Fairview
SM Manila
SM Sta. Mesa
SM Southmall
SM Bacoor
Humakot na ito ng international awards at recognition sa Amerika, Australia at Venezuela kaya worthy talaga panoorin. Don't miss this opportunity, mga ateng!
I miss gay indie films so much! Hindi ko na halos matandaan 'yung last na napanood ko. So happy dahil ang Best Picture ng Cinema One Originals Festival 2016 ay nagkaroon ng commercial run sa ilang piling sinehan sa Pilipinas last month. Ito ang 2 Cool 2 Be 4gotten starring Khalil Ramos, Ethan Salvador and Jameson Blake.
2 Cool 2 Be 4Gotten (2016)
Cinema One Originals with VY/AC Productions
Directed by Petersen Vargas
Written by Jason Paul Laxamana
Starring Khalil Ramos, Jameson Blake, Ana Capri and Ethan Salvador
Isang matalinong weirdo siFelix (Ramos) na naging kaibigan si Magnus (Salvador) dahil nilapitan siya nito para magpaturo ng Geometry. Kilig na kilig akez dahil naalala ko ang dalaginding days ko. Wala nang mas sasaya pa na lapitan at kausapin ka ni crush. Kapatid ni Magnus si Maxim (Blake) na kahit kasing gwapo niya eh maaskad ang pag-uugali.
Napadalas ang tutorial session sa bahay nina Magnus hanggang sa unti-unti na silang maging close at magkaroon ng bonding moments like listening to music, yosi and nomo sessions. Bilang may tinatagong landi si Felix, hindi niya mapigilan ang ma-fall kay Magnus. JUSKO NAMAN 'TEH! Kahit sino talaga, malalaglag ang panti sa kanya. Wala yata siyang pangit na eksena sa pelikula.
Naging komplikado ang lahat nang malaman ni Felix na gustong ipapatay ni Maxim si Demetria (Capri), ang nanay nito. Ang dahilan: para kuhanin sila ng tatay nilang 'Kano at dalhin sa Amerika. Wit ko kineri ang twist ng pelikula. SURPRISA! Habang nakahiga silang dalawa sa kama, kinuda ni ateng kay crush ang balak ni shupatemba. Nawala ang amats nito at agad jumuwelay sa balur. Sayang at mukhang chance na sana ni ateng, naka-boxers pa man din si crush.
Ito 'yung tipo ng pelikula na hindi mo namamalayan na patapos na pala. Darang na darang ka sa istorya at todong aabangan ang susunod na eksena. Halos lahat ng artista ay magagaling mula sa mga guro, estudyante, magulang hanggang sa mga bida. Hindi mo aakalain na baguhan sina Ethan at Jameson. Si Khalil, matagal ng artista. Naabutan ko pa siya sa Princess & I ng KathNiel at magaling na siya noon pa man. Pero ang paborito ko sa lahat eh si Ana Capri. Baklang-bakla umarte. Love her talaga!
Late '90s din ang peg ng 2C2B4. Nostalgic nang marinig ko ang tunog ng internet connection via landline. Pati na rin 'yung recording of music to cassette tape, pagrewind nito gamit ang dulo ng lapis at paggamit ng walkman. Can't help but to smile with these details.
Also, feeling ko nanonood ako sa Instagram with the dimension they chose. Parang close to 1:1 ang ratio tapos filtered pa. The most Instagrammable moment was the talahiban scene sa lahar area. May dandelion/confetti effect while Felix is looking at Magnus. Aaaawwww! Feels good to be young again!
You should really watch this, mga ateng. Kulang ang words to describe how good this movie is. It's now on its 4th week and still showing in Cinema 76 and Gateway Cineplex.
