Pag-angat

Hello, mga ateng! How's your Christmas season so far? Mine is quite good. Feel na feel ang holiday through Christmas songs although nakukulangan sa pailaw sa daan. We used to have many lights and decorations pero ngayon ay bilang na bilang. Nagtitipid yata ang mga Pilipino dahil sa mahal ng basic needs. Parang kada grocery ko every payday, nag-iiba ang presyo ng mga bilihin. KALOKA! May balita pang tataas ang mga noche buena items. Paano na ang lamesa natin sa December 24 at 31? 

Photo from ABS-CBN News

Naging busy rin ako these past few days dahil bukod sa trabaho, I opened an online store to sell some of my stuff like CDs and DVDs. May ilang naligaw na magazine at personal items. Sa panahon ngayon, parang hindi sapat na isa lang ang pinagkukuhanan ng kita. Kung gaano kabilis tumaas ang presyo ng mga bilihin, siyang bagal ng pag-angat ng sahod. The minimum wage is 570/day but the amount that you need to earn to live a decent life should be at least 30,000/month. Napakalayo!

Ilang buwan pa lang naman ako aktibo pero ang dami ko nang natutunan bilang isang online businesswoman. Oh 'di ba, ang lakas maka-Sy, Ayala at Gokongwei ng term ko. CHAR! At tulad ng karamihan ng Pilipino, bumibili din ako online through Lazada, Shopee, at FB Marketplace. May iba't ibang learnings and experiences ako between the two and let me share some of them:

As a seller:

• Be patient. Kahit nasa description/caption ang amount ng item, mode of payment and delivery, itatanong pa rin 'yan ng potential buyer. Para hindi magkakalyo kaka-type paulit-ulit, ilagay sa notepad, i-screenshot at 'yon ang i-reply kay buyer.
• May mga tatawad kahit sinabihan mo na last price na. Just be upfront kung keri o hindi.
• Magkaroon ng iba't ibang option on how to deliver items. Kapag rush, gusto makuha agad at within NCR, the buyer can book Lalamove or Grab. Kapag hindi rush, through LBC COP para mura. May mga nagtatanong kung pwede J&T and GoGo Xpress. This depends on the volume at kung ano ang bibilhin. Sinasabihan ko na lang ang buyer na at their risk since hindi kasing level ng LBC ang dalawang 'yan.
• Be mindful in packing your items. Dahil fragile ang CDs at DVDs, bukod sa bubble wrap, nilalagyan ko pa ng karton tapos bubble wrap ulit. Hindi eco-friendly but as a Miss Earth warrior, what I do is I keep the bubble wrap ng mga items na binili ko online at nire-recycle sa mga binebenta ko.
• Para iwas bogus buyer, I don't have COD as a mode of payment. Pay the item/s via GCash or bank transfer then shipping fee na lang ang babayaran ni buyer sa courier.

As a buyer:

• Humingi ng actual photo ng bibilhing item. Nabiktima ako ng isang seller kasi sabi niya okay daw mga discs pero pagdating, hindi gumagana at kinain na ng disc rot. I asked for a refund pero hindi nagbigay within the period they promised. Ni-let go ko na lang but I...
• Rate the seller honestly. Kung may issue sa item, try to send a message to them at baka maayos pa. Kapag hindi maganda ang experience niyo sa rider pero okay naman si seller at ang item, 'wag naman idamay ito sa rating. Kung may hiwalay na rating for buyer and courier, go lang pero usually ang rating na hinihingi sa inyo ng mga platform ay about the seller lang. Out of scope ni seller kung ano man ang quality of service na nakuha niyo sa courier.
• May mga FB sellers na kupal. May binili akong VCD tapos hindi gumana. I sent them a video as a proof. Aba, panay seenzone lang sa messages ko. Nung nag-reply na, hindi daw siya tumatanggap ng refund. Siya pa talaga nagsabi niyan. Pwede ko daw soli at papalitan niya pero sagot ko daw ang delivery expenses or refund daw niya ako pero 'di na daw siya makipag-transact sa akin. Insert Bea Alonzo "parang kasalanan ko" meme. Tapos gastos ko pa in case gusto ko palitan eh mas mahal pa 'yung delivery kaysa sa mismong item. KALOKA!
• Ang daming scammer! May mga too good to be true na presyo kaya always check their rating and customer feedback. Don't risk your hard-earned money.
• Check the actual photos of the item from customer's feedback/rating para iwas budol. Minsan kasi ang layo ng itsura ng item sa posted picture ni seller.
• Kung bibili ng damit, check the size chart, maghanda ng medida, at sukatin ang katawan. Maglagay ng allowance kasi minsan 'yung akala mong kasya ay masikip pala.

Sa tuwing sasapit ang Kapaskuhan, dumarami ang mga manloloko. I hope na makatulong ang ilan kong kuda para hindi kayo mabiktima. Enjoy shopping!

Pwesto 3.0

Narito ang third installment ng ating Pwesto series. Lakas maka-Lord of the Rings, de vaahhh? Gumora akiz kahapon sa Fisher Mall para mamili sa PolyEast Records kiosk.

Unang kong napansin ang papag ng CDs worth tweni to fifty peysos. OMG! It's back! Bigla kong na-miss ang yearly sale sa Universal Records building noong early to mid-2010s (Adik, Agawan).

Selected foreign and OPM albums are available for an affordable price. Merong Regine Velasquez, Ogie Alcasid, Christian Bautista, Jessa Zaragoza, Parokya ni Edgar, Pops Fernandez, Karylle, Jonalyn Viray, Martin Nievera, Gary Valenciano at kumpleto yata ang discography dito ni Jose Mari Chan.

Aside from CDs, makakabili din dito ng vinyl records worth ₱1,900. Very nostalgic itong cover ng Retro album ni Regine at Maligayang Pasko ni Joey Albert. Sana magkaroon pa ng CD version.

At dahil BER months na, maraming Christmas albums na pagpipilian, mapa-Tagalog man o English 'yan. Personal fave ko ang Pamasko ng mga Bituin, Salubungin ang Pasko at My First Christmas Album ni Kuh Ledesma. Very nostalgic kapag pinatutugtog!

PolyEast Records kiosk is located at the ground floor of Fisher Mall, QC, in front of McDonald's. Kung nasa malayo kang lugar, don't worry dahil may Lazada store sila.

Patuloy nating suportahan ang mga nalalabing record stores sa Pinas para patuloy silang gumawa at magbenta ng makokolekta natin.

Pwesto 2.0

Bilang physical media collector, ang hirap na makahanap ng tindahan na nagbebenta ng CDs at DVDs sa Pilipinas. Matagal nang wala ang OG Astroplus, Odyssey, Astrovision, Radio City, Video City at SM Record Bar. Although maraming online seller, mas masarap pa rin makita ng personal ang item bago bilhin. Makakapamili at makikilatis nang maigi lalo na sa maaarte tulad ko. Ganda ko kasi eh. CHAR!

Sa ngayon, tatlong shop ang madalas kong puntahan kapag kinakati akong mamili - ang PolyEast Records kiosk sa Fishermall, ang stall ni Mang Greg sa Cartimar, Recto na nai-blog na natin dito, at ang CDs Atbp. na nakapwesto sa may Libertad, Pasay. 

Taong 2017 nang una akong bumili dito ng live album ni Faith Cuneta sa halagang 150 pesos. Simula noon, nagsunud-sunod na ang pamimili ko. Bukod sa CDs at DVDs, meron din ditong Blu-ray discs, vinyl at cassette tape. From foreign to local, wide range ang pagpipilian. Kung suswertihin, makakatsamba ka ng rare item. May mga merch din at magazines na pwedeng mabili. Isa pang maganda dito ay hindi ka mamumulubi sa presyo. May iba kasing seller na akala yata eh ginto ang tinda nila. KALOKA!

Si Drake Gonzales ang may-ari ng shop na dating nakapag-trabaho sa record bars kaya pamilyar siya sa mga hilig ng customers. Super bait at approachable pa! Hindi rin problema ang malalayong customers dahil pwede niyang i-ship ang orders. 

CDs Atbp. is located at 2F Welcome Plaza Mall in Libertad, Pasay. It's between Paddock's and Healing Galing. You can check the items available through their official Facebook page.

Tumalon

Nagawi ang byuti sa may Balintawak last weekend dahil sa bagong bukas na Cloverleaf Ayala Mall. Very cozy at shala ang dating kahit katabi ng pinakasikat na palengke sa norte. May nakita kasi ako sa isang FB group na may nagtitinda daw dito ng CD sa muraytang halaga. Wiz naman ako nabigo at nakabili ng more than 10 years old na Toni Braxton at Monica albums - selyado, brand new at tag-100 peysosesoses lang. PAK!

After niyan eh nag-window shopping muna akiz. May kaliitan ang mall at hindi masyadong matao dahil na rin siguro hindi strategic ang place unlike TriNoMa na isang tumbling lang mula MRT. Kung ayaw niyo ng masikip, mainit at maputik, I recommend na ditez na mamili.

More rampage akiz nang masightsina at mahalina sa isang book shop, ang Biblio.

Tumalon ang puso ko nang makita ang mga second hand books sa muraytang halaga.

Mas mura sa Booksale lalo na sa mga sikat pang nobela.

May mga vintage books na printed pa in the 50's and 60's.

Ang gara ng interior - malamig sa mata at very refreshing. Hindi cluttered ang pagka-arrange ng libro at may arti-arti pa sa pader oh!

May iba din silang tinda like bags, cactus, coin bank, memo pads and other stationery items.

At ang pinaka-bongga, pwede kang umorder ng kape at mag-chill sa loob ng shop. I LOVE IT! Sure na mabe-bet-an ng mga bibliophiles like me. Just imagine sipping a cup of hot coffee and being surrounded by books. Heaven on Earth, 'ika nga nila.

Kung medyo malayo kayo sa Cloverleaf, don't worry dahil may branches din ito sa The 30th, UP Town at Feliz.

Estante

GOOD NEWS to all traditional book lovers out there! May nadiskubre akong mina sa Quezon City na tiyak na ikalulugod ninyo.

Daig ko pa ang nakainom ng isang case ng Cobra pagpasok ko ng Bookends. Excited na nilibot ang bawat estante at inisa-isa ang libro. Mga second hand books ang tinda rito. Halo-halo from encyclopedia, reference books, fiction, non-fiction, young adult to children's books. Meron din imported magazines. ANG SAYA! High na high at todong energized akez!

Pakyawan levels ang presyuhan, daig pa ang price tag sa Booksale. Meron pang Fifty Shades Darker. Nabasa niyo na ba 'yan mga 'teh? KALOKA! Nakaka-erbog! 

Literal na nagkalat ang libro dahil sobrang dami. Sa kaliwa't kanan, sa harap at likuran, patong-patong ang pagpipilian. At kapag naswertehan, makakakuha kayo ng good as new. BONGGA! 

I suggest na pumunta kayo ng umaga o tanghali dito para mas maliwanag at makapili kayo ng husto. Kulang ang isa o dalawang oras na pamimili, depende kung gaano kayo kaadik magbasa. 

Bookends is located at Mayon Street, Santa Mesa Heights, Quezon City. Kung malapit lang kayo sa Muñoz Market, sakay lang ng jeep papuntang Sta. Cruz. Tell mamang driver to drop you sa Mayon. Cross the kalsada at once na may nakitang Mercury Drug sa tapat ng palengke, akyat lang sa second floor at 'yun na!

The Epic Shop Online

Mga ateng ini-invite ko kayo lahat to like and share the FB page of my dear friend Lance. He's trying to venture in selling assorted items online like mono pods, sauna belt, tablet stand, smoothie maker pati na seamless bra. Ay! Kailangan ko 'yan! PAKAK! Hindi pa masyadong madami but your likes and shares will definitely help to make it popular. Click niyo lang ang picture sa taas. Maraming thank you! ☺

Pwesto 1.0

Para sa mga CD collector na tulad ko, iba ang feeling kapag nadaragdagan ang aming koleksyon. Pinaghalong excitement at saya kapag bubuksan na namin ang CD at isasalang sa player. Pa ul-ul na patutugtugin ang mga kanta hanggang sa magsawa.

Nagsimula akong mangolekta ng music albums noong ako'y Grade 6. Cassette tape ng 911 ang una sa koleksyon ko. Simula noon, nagtuloy-tuloy na ako sa pag-iipon nito. Mid 2000's nang mawala ang cassette tapes sa pamilihan. Puro CD's na ang natira. Buti na lang at graduate na ako noon at may trabaho kaya nasustentohan ko naman ang hilig ko.

Ang album ng isang foreign artist ay nagre-range from 350 - 500 peysosesoses depende kung Standard or Deluxe edition ito. Minsan, mas mahal pa diyan. Mas abot-kaya naman ang OPM albums na 150 - 350 peysos lang. Depende sa dami ng kanta at bongga ng case.

Kapag rare or out of stock na ang isang CD, maaari kaming tumakbo sa Amazon.co.uk at bumili nito. Buti na lang at hindi nagkakalayo ang presyo nito sa presyo sa merkado. Minsan, mas mura pa nga. Todong mag-aantay ka nga lang ng 3-4 weeks para sa shipping.

Sa pagliliwaliw ko sa Quiapo area, isang pwesto sa Cartimar Recto ang natuklasan ko. Isang pwesto na maaaring ituring na langit ng mga tulad ko, original CDs sa mas murang halaga.

Napakalawak ng selection ng pwesto na 'to from Rock, Pop, Jazz, Latin, OPM, Frank Sinatra to Lady Gaga meron sila.

Tingnan mo si kuya, hindi magkamayaw sa pagpili.

At kung vintage ang bet mo, madami silang vinyl records sa murang halaga.

May mga concert DVDs din sila. May kahalong movies 'yan ni Ate Shawie. Fan yata ng Megastar ang may ari. CHOS!

May mga second hand books din sila worth 150 - 200 lang.

Kaya sa mga nangongolekta diyan at mas pinipili pa rin ang bumili ng physical copy kesa mag-download sa Internet, punta na kayo dito. I'm sure mag e-enjoy kayo!