Lamat

Gumala ako last Saturday sa favourite spot natin, saan pa nga ba kundi sa kahabaan ng Recto. Nag-shopping galore ang byuti ko ng shu-es, damit, puki shorts pang-jogging dahil feeling ko uumpisahan ko ang 2020 na nag-eexercise ng mga dalawang araw lang naman charot at siyempre, hindi mawawala ang pagha-hunting ng CDs at dibidi-dibidi. Buti na lang at maraming tinda ngayon si Mang Greg. Isa sa pinaka bet kong nabayla sa kanya ang Markova: Comfort Gay.

Markova: Comfort Gay (2000)

RVQ Productions

Screenplay by Clodualdo del Mundo Jr.

Directed by Gil M. Portes

Starring Eric Quizon, Loren Legarda, Jeffrey Quizon and Dolphy

Hango ang istorya sa buhay ni Markova o Walter Dempster Jr., ang kauna-unahan at kaisa-isang Pinoy comfort gay. Special guest dito si Loren Legarda bilang sarili niya as a journalist na pinagkwentuhan ni Markova ng kanyang mga karanasan. Nagsimula ito sa kanyang pagkabata kung saan hindi siya tanggap ng kanyang kuya. Madalas siya pagmalupitan nito dahil sa kanyang pagiging pusong babae. Pinagsamantalahan din siya ng kaibigan nito ngunit hindi niya na pinaalam sa pamilya dahil na rin sa takot.

Nang mamatay ang kanyang kuya sa pagsusuka ng dugo sa labis na pag-inom, dito niya naramdaman ang tunay na kalayaan. Naging performer siya sa isang bar kasama ang apat na kaibigan - sina Minerva, Anita, Carmen at Sophie. Matapos ang kanilang bonggang dance number, natipuhan sila ng mga Hapon at dinala sa tinutuluyan. Dito nila nalaman na hindi mga tunay na babae ang kanilang mga nauwi kaya ang iba kabilang na si Markova ay nabugbog. Lahat sila ay dinala sa abandonadong lugar at dito todong pinagsamantalahan ng mga sundalong Hapon.

"Pagkukunwari ba 'to o pagtanggap lang natin sa sarili natin?"

Matapos pagsawaan ay nakatakas silang lima. Tuloy ang buhay ngunit may lamat na ang kanilang mga pagkatao. Gumanti si Sophie at pumatay ng mga Hapon. Si Carmen ay nahuli diumanong nagnakaw. Si Anita ay bumalik kasama ni Markova sa pagpe-perform. Sa trulili lang, ang perfect ng akting ng limang magkakaibigan. Ang galing nina Andoy Ranay at Ricci Chan.

Nang magka-edad na si Markova, naging make-up artist siya sa pelikula. Eto na ang kanyang kinatandaan hanggang sa manatili sa Home for the Golden Gays. Isa sa pinaka matapang na tinalakay ng pelikula ang kahalagahang malaman ang HIV status. Naratay sa San Lazaro Hospital si Anita dahil nagkaroon siya nito. Year 2000 pa ito pinalabas sa mga sinehan at medyo sensitobo pa ang usaping HIV/AIDS.

Nadurog ang puso ko sa buhay ni Markova at ng kanyang mga kaibigan. Ilang taon ang kanyang tiniis bago ibinahagi sa publiko ang kalupitang kanyang dinanas. Napakagaling ng portrayal ng lahat. Dito ko nalaman na magaling pala sumayaw si Eric Quizon. PAK na PAK ang galaw.

Isa ito sa pinakamatinong pelikula na tumalakay sa buhay ng isang miyembro ng LGBTQIA+ community. Karapat-dapat niyo itong mapanood, mga ateng.

Rating: 5/5 stars

Simbolo

Image from wallpaperaccess.com

Maligayang Pasko, mga ateng! Panahon muli upang ipagdiwang ang kapanganakan ni Jesus sa sabsaban. Simbolo ito ng pagkakaisa at pagmamahalan. Sana magsitigil muna ang mga paid online trolls sa paghasik ng lagim sa social media. KALOKA!

Madami na ang nabago, napalitan at nangyari simula noong una tayong magkakakilala. Pero isa lang ang masasabi kong hindi pwedeng magbago - ang kalandian natin. CHAR! Naglinis ako kanina ng mga old magazines at VCDs at bet kong mag-share muli ng mga sinaunang artikulo at pelikula tungkol sa ano pa nga ba - kalalakihan. Malungkot ang kahariang bahaghari kung waley sila kaya we will reminisce them in our future posts.

Wish ko ngayong Pasko na sana ay bago muna mag-share ang mga utaw sa social media ng kung anu-ano, validate muna nila kung legit or fake news. Lakas ng kapangyarihang itim ng mga trolls these past few days, weeks, months and years. Ang laki ng pondo para sa kanila. Iilan ang nakikinabang imbes na karamihan. Todong nakakalungkot na nakakagalit. Ay teka, baka madagdagan ang fine lines natin kakaisip sa kanila.

Isa pang hiling ko na sana ang ating mga magsasaka, mga aetas at mga nasa laylayan ng lipunan ay pagtuunan ng pansin ng gobyerno (at hindi kung magkano ang maibubulsa nila). Ang sakit sa puso na madami ang naghihirap dahil sa selfish intentions ng iilan. Dear God, please help us.

And to you who's reading this, I wish you real happiness and contentment in life. You deserve it, ateng. Give it to yourself. 😉

At dahil Pasko, sabay-sabay nating awitin ang isa sa pinakasikat na awiting Pilipino...

♫ Kampana ng simbahan ay nagigising na

At waring nagsasabi na tayo'y magsimba

Maggising at magbangon, tayo'y magsilakad

At masiglang tunguhin ang ating simbahan

Ang kampana'y tuluyang naggigising

Upang tayong lahat ay manalangin

Ang bendisyon kapag nakamtan na

Tayo'y magkakaroon ng higit na pag-asa

Kinagisnang simbang gabi huwag nating limutin

Pagka't tayo'y may tungkulin sa panalangin

Ang kampana ng simbahan ay nanggigising na

Tayong lahat ay manalangin habang nagsisimba ♪