Termino

Panahon na pala ng proklamasyon ng mga pambato ng iba't ibang partido para sa nalalapit na eleksyon. Kahit ilang buwan pa bago 'yan eh todong exposure na agad ang ginagawa ng ilan. Bukod sa epal campaigns, panay ang labas nila sa balita. Kung anu-anong isyu ang sinasawsawan, may masabi lang. 'Yung iba gume-guest pa sa mga variety shows at nagpapaka-masa. Kebs kung pagtawanan sila basta maramdaman ng madla ang kanilang presensya.

In na in sa Pinas ang Political Dynasty. Kapag tapos na ang termino ni pudra, si mudra naman ang bonggang tatakbo. Ang mga junakis, magsisimula sa mababang posisyon. Kapag retired na ang mga magulang, sila naman ang papalit. Siyempre join din si tito at tita pati na sina pinsan. Ginawang family tree ang lingkod bayan. Uso 'yan sa senado... AMININ!

Isa pang trend ang pag-shift ng career sa gobyerno. Tatakbong mayor matapos ang termino sa kongreso at pagkatapos ng tatlong taon, tatakbo uling congressman. Tatlong termino ulit tapos babalik sa pagkamayor at uulit pa. Hindi ko knowsline ang tawag diyan kaya mag-imbento watashi... Political Recyling. Keri ba?

Matatapos pa kaya ang ganyang kalakaran sa gobyerno o baka thunderrific na ako eh iisang apelyido pa rin ang nasa posisyon? Wala namang masama kung gumagawa ng tama pero hindi mo maiiwasang 'di magtaka kung bakit kapit-tuko ang ilan at parang ayaw pakawalan ang kinauupuan.