Prinsipyo

Kapag wala akong dats at ayaw kong dumayo sa Quiapo para bumayla ng DVD, sa SM North ako rarampa. Mangangalkal ng Tagalog VCD's sa record bar hanggang sa makahanap ng ginto. 'Yun nga lang, hiyas ang nakita ko. Pwede na...

Hiyas... sa Paraiso ng Kasalanan (2001)
Leo Films
Directed by Rico Tariman
Screenplay by Carlito Conje
Starring Via Veloso, Francis Enriquez, Daniel Fernando, Lovely Rivero and Julio Diaz

Si Rowena (Veloso) ang bida ditey. Mahirap, nagsusumikap para sa ikaaalwan ng buhay. Uliran ang tatay (Diaz) niya pero lasenggo kaya ayun tinamaan ng sakit at nadedo. Napilitang lumusong sa putikan para maitaguyod ang nag-iisang kapatid. Pero bago pa 'yan nangyari, may isang lalaki na madalas niyang makita sa simbahan, si Jeffrey (Enriquez). Na-love at first sight ang ohms sa taglay na kariktan ng lolah natin. 'Di lang makakabig dahil laging istorbo ang magulang.

Mabalik tayo. Napasok siya bilang pokpok sa bonggang casa ni Madam (Rivero). Dito siya binansagang Apple at marami siyang naging customer. May matandang mayaman, bagets na muntik siyang pagtripan at si Jeffrey. Ang pagkakataon nga naman! Siya dapat at di-divirginize dito pero may prinsipyo si lalaki. Makikipag-tsuktsakan lang siya sa babaeng mahal niya. Lakas maka-charot nito ah!

"Ang unang gusto kong makatalik ay ang babaeng pakakasalan ko't mamahalin..."

Naging tagapagtanggol niya si Ricky (Fernando) sa lahat ng gustong magsamantala sa kanya. Itinakas siya nito at ibinahay pero hindi bilang syota kundi bilang shupatid. Na-teggie agbayani kasi ang totoong shupatemba nito at siya ang nagpapaalala nito sa kanya.

Sa tulong ni Ricky ay nakabalik siya ng kolehiyo. Naging mag-classmate sila ni Jeffrey. Dito na sumibol ang matamis nilang pagmamahalan. Kainggit! Eh naknowsline ng mga magulang ni lalaki kung ano siya dati kaya todo kontra ang mga 'to sa kanilang relasyon.

Natagpuan ni Madam kung saan siya nagtatago at pinababalik siya nito sa casa. Wit na niya bet dahil enjoy siya sa pagiging malinis. Enter the dragon si Ricky at bugbugan scene ang sumunod. Biglang dumating ang mga lespu. Cue na 'yan para sa ending.

Nakakatawa 'yung title pero may konek naman sa istorya. Medyo common pero maganda ang pagkakabuo ng mga eksena. Bet ko talaga kapag may Cinderella ingredient ang isang pelikula. Mahirap, inaapi saka makikilala si prince charming.

Rating: 3.5/5 stars