Restoration Project #6: Marupok

Marupok
Pinoy Klasiks
Hulyo 17, 1997
Taon 35 Blg. 1966
Graphic Arts Services, Inc.

Restoration Project #5: Frozen Baby

These past few weeks, inabala ko ang sarili ko sa pagre-restore ng mga lumang komiks. Maaaring ang iba sa inyo ay tulad ko na lubusang naapektuhan sa resulta ng eleksyon. Ano man ang nararamdaman niyo, valid 'yan at kanya-kanya tayo ng timeframe kung kailan magmu-move on.

Sa mga susunod na araw, hayaan niyong ibahagi ko sa inyo ang mga istorya na may katatakutan, kaseksihan, panibugho, at pagmamahal. Hindi masamang bumalik sa nakaraan kung ito naman ay nagbigay sa atin ng kasiyahan. Malumbay man ang ating mga puso, patuloy itong titibok para sa hinaharap. 

Frozen Baby
Pinoy Klasiks
Taon 33 Blg. 1859
Hulyo 7, 1996
Graphic Arts Services, Inc.

Kampante

Wala pa ako sa huwisyo matapos makita ang resulta ng partial unofficial results ng national elections. Hindi ko naman itinatwa sa sarili ko na maaaring matalo si VP Leni but not with that wide gap. But I guess the Filipino people is not yet ready for her kind of leadership. So I'm okay na magpahinga muna siya after 6 years of serving us. She deserves to spend private and quality time with her daughters, far away from trolls.

Saving grace na lang ang pagkakapasok ni Sen. Risa Hontiveros sa top 12. Abot-abot ang kaba ko at baka malaglag pa pero mukhang kampante na siya sa 11th spot. I just hope she survives a senate full of shit. Protektahan natin siya at malamang sa hindi, siya ang bagong focus ng trolling. I know she will continue fighting for us and creating progressive laws for women and the LGBTQIA+ community.

Masakit pa sa puso at matatagalan pa siguro bago tayo maka-move on. Sa ngayon, pagsaluhan muna natin ang istorya ng kakirian ni Alice...

Hayok Sa Laman
Betamax Komiks Magazine
Vol. 1 No. 3
Rico Publishing House

Pagbabago

Ilang oras na lang at muli na naman tayong maghahalal ng mga bagong pinuno ng bansa. Sana ay may listahan na kayong nakahanda para pagdating sa presinto, shading na lang ang gagawin. Make sure na kumpleto ang listahan at hindi sosobra lalo na sa pangulo, pangalawang pangulo at mga senador. Okay lang ang mag-undervote kasi mabibilang pa rin ang boto. Kapag sumobra, invalid na! Kaya dapat maingat dahil mahalaga ang bawat boto ngayon.

Sa pagsasama-sama natin sa mahigit labing-dalawang taon, tatlong presidente na ang pinagdaanan natin - Gloria, PNoy, at Digong. Pare-pareho nating naramdaman ang kanilang panunungkulan. Gumanda ba ang buhay natin o hindi? Umangat ba ang ekonomiya para sa karamihan o sa iilan lang? In line ba sa kanila ang core values natin? Ilan lang 'yan sa mga dapat nating itanong bago pumili ng kandidato. Hindi mahalaga kung bet natin sila personally bilang hindi naman tayo namimili ng jojowain. Kailangan suriin nang mabuti ang kanilang intensyon at karanasan. Panibagong anim na taon na pagseserbisyo ang ipararanas nila sa atin kaya mahalaga ang kanilang reputasyon.

Si (10)Leni Robredo ang iboboto kong pangulo samantalang si (7)Kiko Pangilinan ang aking bise-presidente. Pareho silang walang bahid korapsyon at nagtrabaho para sa ikauunlad ng buhay ng mga Pilipino. Minsan lang dumating ang tulad nila kaya 'wag sana nating palagpasin ang pagkakataon na magkaroon ng matino at mahusay na mga lider.

Kumpleto na rin ang labing-dalawang senador ko. Muli kong iboboto sina (34)Risa Hontiveros, (58)Sonny Trillanes, at (18)Leila De Lima. Napatunayan nila na kaya nilang magtrabaho na hindi humahalik sa puwet ng pangulo. Maraming batas ang naipasa at kahit nakulong dahil sa gawa-gawang krimen, hindi ito naging hadlang para maging produktibo si Sen. De Lima sa kanyang tungkulin. We should give her another chance not just to redeem herself but to serve us.

The rest of my senators are newbies - (4)Teddy Baguilat, (16)Neri Colmenares, (21)Chel Diokno, (26)Luke Espiritu, (37)Elmer Labog, (38)Alex Lacson, (45)Sonny Matula, (56)Jopet Sison, at (63)Carmen Zuibiaga. Kada eleksyon, hinihiling natin ang pagbabago pero palaging mga lumang pangalan o galing sa TraPong pamilya ang nananalo. Kung gusto ng pagbabago, magsisimula 'yan sa mga bagong pangalan na dapat umupo. 

Nasa kamay natin ang kinabukasan ng bansa. Maging bukas sana tayo sa pagtanggap ng katotohanan tungkol sa isang pulitiko. Walang perpekto sa kanila pero kung sandamakmak na ang kinasangkutan niyang katiwalian, isang malaking X na siya sa listahan. Hindi na dapat kasama sa pagpipilian. Panahon na para tayo ay umusad mula sa kurakot, mapanlinlang at makasariling pamumuno. Sabi nga ni Sister Stella L...

"Kung hindi tayo kikilos, sino ang kikilos? Kung hindi ngayon, kailan pa?"

Kwela 27

Kiss Komiks
Mayo 9, 1996
Taon 1 Blg. 37
Sonic Triangle Publishing, Inc.

Pahapyaw

Hindi ko naman masisisi kung bakit matitigas ang bungo ng millennials pagdating sa mga Marcos. Malandi man ako noong nag-aaral pa ako, natatandaan ko na pahapyaw lang ang diskusyon sa mga ginawang kabalbalan nila. Although mas maraming silang pages sa libro ng HeKaSi (Sibika at Kultura noong elementary tapos naging HeKaSi na naging Social Studies noong high school) kumpara sa ibang presidente, wala masyadong depth at hindi nakapag-focus sa mga biktima ng martial law, mga utang, at pagnanakaw na hanggang ngayon ay binabayaran natin. Walang intensity ganooon! I'm not claiming na ganito sa lahat ng paaralan huh!

Kung tatanungin mo ako 10 years ago kung ano opinyon ko tungkol sa kanila, malayong-malayo sa sasabihin ko ngayon. Salamat na lang at maraming tumitindig ngayon at may mga credible sources na available online para imulat ang nakapikit kong mga mata dati. Actually hindi nakapikit, nakatingin sa corridor hinihintay dumaan si crush. CHAR!

Sisisihin ko ba ang titser ko, ang libro, DECS (yes, hindi pa DepEd ang tawag noon) o ang gobyerno? Hindi na siguro mahalaga 'yan. Ang dapat pagtuunan ng pansin ay kung paano maitatama ang mga butas ng nakaraan. Paano 'yan? Iboto ang nararapat, 'yung may malinis na record, hindi magnanakaw at hindi ginagawang negosyo ang pulitika. Sino yan? Let me introduce...

SA GOBYERNONG TAPAT,

ANGAT BUHAY LAHAT!

Pinarusahan

Wala palang MRT kahapon kaya kawawa ang mga komyuter dahil walang masakyan. Huling araw bago gunitain ang Semana Santa pero tila ba pinarusahan pa tayo ng gobyerno. As far as I can remember, walang biyahe ang mga tren mula Maundy Thursday hanggang Easter Sunday. So bakit maaga ng one day this year? Mabuti sana kung katulad ng dati ang bus system sa EDSA. Eh limitado lang ang number of buses na pwedeng bumiyahe sa EDSA Carousel bilang isang lane lang 'yan. Ang hirap pa sumakay dahil kailangan mong umakyat ng MRT station o overpass para makarating sa bus stop. Not friendly sa mga senior citizens at PWDs. Hay, sana manalo si Leni para maayos 'yan. Sure ako diyan!

Sana ay nakauwi na ang karamihan sa inyo at nagpapahinga na ngayon. Deserve niyo ang holiday break na 'to. Basahin na rin natin ang mahiwagang love story nina Ruel at Martika na sinulat ni Mars Alvir at ginuhit ni Rodman...

Paniniwala't Pag-ibig

Aliwan Komiks

Hulyo 6, 1997

Taon 35 Blg. 2269

Graphic Arts Services, Inc.