Kibit-balikat

'Yan ang kontrobersyal tweet ni Miriam Quiambao tungkol sa 'ting lahi. Todong kinuyog ang byuti niya sa Twitter at iba't ibang social networking sites kung saan umani siya ng 'sangkaterbang batikos. Buti na lang at hindi akiz online noong pinost niya 'yan at baka nagpadala ako sa bugso ng aking damdamin.

Aktwali, wala naman akong naramdamang galit o ano pa man ng una kong mabasa 'yan. Bilang isang homosekswal, hindi na ako naaapektuhan sa mga ganyan. Bakit? Kasi may matibay akong relasyon sa ating Ama. Walang sinumang nilalang ang maaaring tumibag o umimpluwensiya sa aming samahan kesehodang ang turing pa rin ng ilan sa 'ting lahi ay likha ng demonyo. Kesyo wala daw tayo sa bibliya at tayo'y makasalanan. Hanggang ngayon naman, wa-i pa ring patunay 'yang mga satsat nila.

Isa lang naman si Miriam na ganyan ang opinyon pero sa totoo lang, marami pa sila. Malaya lang niyang naibulatlat ang kanyang saloobin dahil nagkataon na meron siyang Twitter account.  

Sa dalawampu't pitong taon ko dito sa mundo, natuto na akong mamili ng gay issues na dapat patulan at dapat ipagkibit-balikat lamang. At dito sa kuda ni Miriam na minsan nang tiningala at niluklok sa dambana ng 'sangkabaklaan dahil sa natamong karangalan sa Miss U, deds akekels. Kung gusto ko ng respeto at pagtanggap mula sa ibang tao, dapat akong matutong rumespeto sa kanilang choices and beliefs. Kung ayaw sa byuti ko, 'di wag. Walang pilitan noh!?

Hangga't alam natin sa ating sarili na wala tayong ginagawang masama at tinatapakang tao, go lang nang go! Move forward, stay happy and bonggacious. Life is beautiful so don't waste it sa mga tulad niya.