'Sanglibo (final part)

Matapos ang mahigit dalawang linggo ay nakabalik din ako sa Manila Social Hygiene Clinic para malaman ang resulta ng aking STI test. Tulad ng HIV test ko, non-reactive din ang nabasa ko sa papel. Muli ay nagpasalamat ako sa Kanya. Tuwang tuwa naman si Alvin dahil kinuha ko ang resulta ng kahuli-hulihang test na napagdaanan ko.

Republic Act 8504: Philippines HIV/AIDS law
(open image in new tab for better view)

Nagpaalam ako na kukuha ng mga litrax na magagamit sa vlag. Pumayag naman siya at habang busy-busyhan ako sa pagpipica ay nakilala ko si Rom. Dating nagta-trabaho sa isang bangko na ngayon ay mas piniling mag-aral at magnegosyo. Nakatsikahan ko siya tungkol sa kung paano unti-unting pinapatay ng HIV ang lahi natin. May mga kakilala siya na sa batam-batang edad ay nateggie agbayani dahil dito. 'Yung iba nasa early twenties pa lang. Imagine that! Nagsisimula pa lang mangarap pero sinungkit na ni kamatayan ang kaluluwa. Nakakakilabot pero totoo. Ganyan kalala ang sitwasyon ngayon. 'Ika nga ni Alvin, isang Pilipino bawat oras ang nabibiktima. So that's 24 people a day times 30 days/month times 12 months/year. Da the Math mga ateng at manoseline niyo kung gaano karami 'yan. KALOKA!

Ikaw, ikaw na nagbabasa nito, I encourage you to take the test. Mahirap sa umpisa lalo na't ang pinakamatinding kalaban mo ang takot na likha ng iyong sarili. Pero sino ang magtutulak sa'yo na gawin ang unang hakbang, 'di ba ikaw rin? Kung nagawa mong ngang makipaglampungan sa estranghero dahil sa tulak ng kalibugan, mas magagawa mo 'to. 'Wag kang mag-alala dahil may counsellor na gagabay sa'yo. Heto ang detalye ng klinika...

MANILA SOCIAL HYGIENE CLINIC

208 Quiricada Street, Sta. Cruz, Manila

Tel # 711-6945

Schedule:

Lunes - Huwebes

8AM - 11AM

1PM - 3PM

Biyernes

8AM - 11AM

Wakas