Iglap

Ang daming nagtaka matapos tumabo sa takilya ng Praybeyt Benjamin at Feng Shui eh nangulelat ito sa katatapos lang na MMFF 2015 awards night. Hindi man lang na-nominate si Kris Aquino at ang kanyang signature tili (aaaaaahhhh... in a monotone pitch). Madami naman ang naintriga (isa na ako) after manalo ng 2nd Best Picture, Best Actor at Actress ang English Only Please nina Jennylyn Mercado at Derek Ramsay. Tinagurian itong dark horse dahil less promo sila kumpara sa ibang kasabayan. Elsa, an FB friend, told me I should watch it dahil todong makaka-relate daw akez. Ayan! Mas tumaas ang curiosity level kaya 'di ko na pinalagpas at pinanood ko na kahapon.

English Only, Please (2014)

Quantum Films, MJM Production Inc., Tuko Film Productions & Buchi Boy Films

Directed by Dan Villegas

Screenplay by Antoinette Jadaone

Starring Derek Ramsay, Isabel Oli, Kean Cipriano and Jennylyn Mercado

Dalawang tanga pagdating sa pag-ibig sina Julian Parker (Ramsay) at Tere Madlansacay (Mercado).

Daig pa ni Tere ang bakla kung magmahal. Iniwan, nambabae pero isang sutsot at ng ex-jowa (Cipriano), bigay hilig siya sa kagustuhan nito. Umaasang babalikan pero wala. Ayaw na sa kanya.

'Di naman maka-move on sa Pinay ex-GF (Oli) niya si Julian Parker. Sa labis na sama ng loob, gumawa siya ng sulat na nagsasaad kung gaano siya ka-bitter. At para mas mapait ang dating, ginusto niyang sabihin ito in Tagalog. Dito nag-meet ang landas nila ni Tere as his translator.

This is supposed to be an Angeline Quinto-Sam Milby movie but eventually, napunta kina Jennylyn at Derek. Their team-up is actually refreshing on screen. Never pang na-test ang kanilang chemistry bilang nagta-trabaho sila sa magkaibang network. But this proves na walang imposible sa dalawang magagaling na artista.

I've never been a fan of Jen not until I saw how great she was in Rhodora X. Sakit sa bangs ng character/s niya dun. Mabait sa una then sa isang iglap kailangan maging luka-lukahan. I think this is the first time she tried rom-com at PAK! She delivered it well. Derek continues to improve on his craft. Nakita ko ang progress niya as an actor from I Love You, Goodbye to No Other Woman and this. 'Di nakapagtataka na nakuha nila ang bonggang acting awards.

Though eto pa lang ang napanood kong MMFF entry this year, I think the movie deserves their best picture award. Flawless ang pagkakasulat ng script. Swak na swak sa henerasyon ngayon ang mga ginamit na linya at detalye like "traffic sa EDSA", "beh", at ang social media app na Tinder. Malinis ang pagkakasunud-sunod ng mga eksena at perfect sa anggulo sina Derek at Jennylyn. Kikiligin ka talaga!

Hands down din sa producers ng EOP. Sugal na maituturing ang ginawa nila but I guess they believed on the script, the actors and director. They were able to give freshness to Philippine Cinema.

Rating: 5/5 stars.