'Sanglibo (part 5)

Dalawang may edad na mujer ang naabutan kong nag-uusap sa loob ng laboratoryo. Pumasok ako sa loob at ibinigay kay tiya ang papel. Pinaupo ako sa tabi ng mesa na nasa aking kanan.

Ang iskedyul ng klinika

"Pwede po bang dito na lang sa kaliwang braso ko?" request ko. Sa kanan kasi ako kinunan noong isang araw para sa CBC ko.

"Sige upo ka dun sa kabila."

Nilagay na niya ang rubber sa braso ko. Binasa ng alkohol ang bulak saka binuksan ang sachet para ilabas ang injection. JUICE KOH! Napapikit na lang ako sa sobrang kaba. Halos mahimatay na ako sa takot... sa turok ng karayom. Ilang saglit ang lumipas at natapos din. Nakita ko pang puno ang lalagyan. Sana hindi na muna ako dumilat. May dugo pa ba ako? Hindi ko na matandaan kung binigyan niya ako ng kapirasong papel basta pinabalik niya ako sa taas. At saka kami nag-usap ulit ni Alvin.

Talvogue

International pageant season na mga ateng at tuwang tuwa ako sa galak at kasiyahan dahil umpisa pa lang ay 'di tayo binigo ng ating pambato sa Miss Supranational 2013.

Miss Supranational 2013 - Philippines (middle)
1st runner-up - Mexico (right)
2nd runner-up - Turkey (left)

Si Mutya Johanna Datul ang kauna-unahang Pinay at Asyana na nakapag-uwi ng korona. Ay! 'Di pa yata siya umuuwi at kasalukuyang busy pa sa Minsk, Belarus kung saan siya kinoronahan. Talvogue ang mahigit walumpung kandidata mula sa iba't ibang kontinente sa lahing kayumanggi.

Mutya Datul during the lingerie portion of the pageant

Bukod sa pangmayaman na korona, nakamit niya rin ang bonggang Miss Personality award ng pagandahan. I'm sure teary eyed ang mga panatikong sisterets diyan. Mala-Hilda Koronel nga ako sa pag-crayola dahil sa ating tagumpay. Sana sunud-sunod na ang dating ng mga korona.

MABUHAY ANG GANDANG PILIPINA!!!

BER months na!

Todong masaya talaga ako kapag parating na ang apat na buwan na nagtatapos sa tatlong letra na 'yan. Madaming special at regular holidays na paparating kung saan magsasama at mabubuo ang mga pamilya. Walang sawang magku-kwentuhan at magkakainan.

Courtesy of mae-onlyndaphils.blogspot.com

Mga Pilipino nga daw ang pinakamaaga at pinakamahabang mag-celebrate ng Pasko kaya ngayon pa lang eh bonggang nagpapatugtog na ng mga paskong awitin kung saan-saan. 'Di mo tuloy maiwasang mapangiti. ANG SAYA SAYA!

I'm wishing all of you mga ateng to have a blessed and happy last 4 months of the year. Kung ano man 'yang hiling niyo, matutupad 'yan in God's time kaya don't ever give up. Smile and be optimistic all the time ☺

'Sanglibo (part 4)

Masunurin naman akez kaya paglabas ko ng hospital vicinity eh tumawid ako at pumasok sa isang bukas na gate. Kulay berde ang dalawang palapag na building. May kalumaan na at parang walang utaw. Baka naman hindi dito pero eto mismo 'yung tapat ng San Lazaro. Mga bahay na sa tabi eh. Dumerecho ako sa dulo ng garahe at may nakitang mujer at ohms na masinsinang nag-uusap.

"Dito po ba nagpapa-HIV testing?"

"Akyat ka sa second floor. Unang kwarto sa kaliwa" sabi ni ateng.

Umakyat ako sa hagdan na gawa sa kahoy. It reminds me of a public elementary school building. May kwadradong salamin sa pinto. Sumilip ako. May isang lalaki na busy sa pagsusulat. Napansin niya ang byuti ko at sumenyas na ako'y pumasok.

Freeze. Fade out. Black screen.

Aking mga kababayan,

Maghunos dili kayo sa pamimintang sa feborit actor/senator ko. Naniniwala akong si Lizardo ang may pakana ng paninira sa kanya. Porke ba balak niyang tumakbo sa mas mataas na posisyon sa susunod na eleksyon eh sisiraan agad siya? Ang aga naman yatang black propaganda niyan!

Anong magagawa niyo kung mahal namin siya? Tandaan niyo, mas marami ang masa sa sushalera. Sa kanya kaya ipinasa ni FPJ ang espada ni Panday. Patunay lang na may kakayahan siyang ipagtanggol kaming mga nangangailangan. MGA WALANG MAGAWA! Para meron, panoorin niyo ang paborito kong pelikula nila ni Lani Mercado... 'yung "TULUMEEE!!!"

Tsaka anong pinagsasabi niyong magkakuntsaba sila ni Janet Napoles? Da who ang babaeng 'yan? Siya ba 'tong nakasleeveless...

HALLER!!! Pwede ba 'wag kayong shushunga-shunga. Eh mukhang fan lang siya na nagpapicture eh. Kilatisin niyo ang pigi ngiti. Kung ako din naman ang makakakita sa kanila sa restawran, 'di ko palalagpasin ang once in a lifetime na photo op with the two of the biggest action stars in Philippine Senate. Kaya lang 'di naman ako nagagawi sa ganyang kainan. Sana minsan maisip nilang kumain sa paborito kong unlimited lugawan. Basta huwag lang silang manghihingi. Eh anong ibibigay ko? 'Di naman pwede 'yung akin dahil personal 'yun, sa pang araw-araw na pagkain. 

Innocent until proven guilty, 'yan ang motto ko para sa kanya. Uhm... motto nga ba ang tawag diyan? Ay basta! Hindi ako maniniwala sa mga tsismis. Walang katotohanan ang mga 'yan!

At sa'yo aking feborit actor/senator, tibayan mo lang ang sikmura mo sa pagsubok na 'to. Paulit-ulit ka man tirahin, alam kong sa bandang huli, ikaw  ang magwawagi tulad sa ending ng mga pelikula mo. Ratratan sa abandonadong gusali kasama ang iyong leading lady. 'Pag tumba na lahat ng kalaban, maririnig ang wangwang sa background. Hudyat na darating ang mga pulis. Freeze. Fade out. Black screen. Cast of characters. Arranged from bida to ekstra. All rights reserved. In short, lilipas din 'to at makakalimutan ng tao sa 2016. Mananaig kaming mga fans sa botohan. Mananalo ka. Sigurado 'yan.

Feeling bilyonarya,
Bb. Melanie

'Sanglibo (part 3)

Dahil hapon na at malapit na ang rush hour, ipinagpabukas ko na ang HIV test. On my way home eh 'di ko mapigilan ang kainin ng paranoia. Paano kung positive? Anong gagawin ko? Paano ang mga taong umaasa sa akin? Paano ang trabaho ko? At marami pa. Hanggang sa panaginip eh 'di ako tinantanan niyan. Wala muna akong sinabihan tungkol dito. Sinarili ko muna. Mahirap. Ay! Mahirap na mahirap pala.

Nasa sakayan na ako pasado alas-nueve ng umaga. Halos umabot ako ng alas-diez kakahintay dahil andaming tao 'tas kokonti ang mga sasakyang bumabiyahe. Sa wakas may dumating na FX papuntang LRT Muñoz. Dahil 'di ko alam ang eksaktong bababaan, sinabi ko na lang na sa Baclaran. Sa may bintana ako pumwesto para kita ko ang labas. 'Pag nakita ko ang hinahagilap ko, bababa na ako sa susunod na istasyon. Unfortunately, wit ko natanaw. Alam kong lumagpas na ako kasi Doroteo Jose station na. Bumaba na ako at sumakay ng jeep pabalik.

Chick Flicks

Sa loob ng halos dalawang linggo na buro queen ang drama ko sa balur, sandamakmak na chick flicks ang pinanood ko. At puro Ingles itey bilang paghahanda sa mga afam. Para naman may magamit ako sa kanila at hindi puro ooohhhh at aaahhhh lang ang masasabi ko. ECHOS! May mga bago at may inulit akez.