Histerikal

Walang pahinga ang mga isyung politikal ngayong linggo. Matapos ibasura ng Comelec ang petisyon na i-disqualify si you-know-who, ngayon naman ay inendorso siya ng El Shaddai. Nakakaloka talaga itong mga religious group na itey. Nasa 10 Commandments naman ang bawal magnakaw pero sila pa itong humihimod sa puwet ng pamilya matinggera. Saang langit kaya sila dadalhin ng mga ginagawa nila? Totoo ba na dalawa ang pisngi ng langit? Tara't alamin natin...

Dalawang Pisngi ng Langit (2001)

El Niño Films

Directed by Cesar SB Abella

Written by Efren Piñon

Starring Nini Jacinto, Francis Enriquez, Mike Magat and Alma Soriano

Parehong estudyante sina Roel (Enriquez) at Ellen (Jacinto) na may kaniya-kaniyang sugar jowa. Si Meliton (Magat) ay isang abogado samantalang office girl naman si Laura (Soriano). Nagkainisan sa simula pero nang maimbita sa isang party at nag-match ang kanilang mga puso sa isang palaro, doon nagsimula ang kanilang landian. 

Nakatunog si Laura at pinamanmanan si Roel. Nang makumpirma ang hinala, nakipagkita siya kay Meliton at nagsumbong. Kinorner nila ang dalawa habang naglalampungan sa dilim. Naging histerikal si Laura samantalang kalmadong tinanggap ni Mileton ang pakikipaghiwalay ni Ellen.

Mula sa maalwan na pamumuhay, naging isang kahig, isang tuka sa ngalan ng pag-ibig sina Ellen at Roel. Hirap maka-move on si Laura kaya sinubukan niyang akitin si Roel nang imbitahan niya itong pumunta sa bahay. Tinanggihan siya ni Roel at pero nakiusap siya na samahan kumain not knowing na may pampatulog ang red wine.

"Totoo nga pala na dalawa ang pisngi ng pag-ibig. Isa 'yong tunay na pagmamahal, tunay na kaligayahan. At ang isa naman ay pagkukunwaring pagmamahal at kaligayahang dala ng karangyaan."

Hindi makatulog si Ellen dahil gabi na at wala pa si Roel. Napasugod siya sa bahay ni Laura at natagpuan ang otoko na nakahilata sa kama. Sinubukan niyang gisingin pero natuklasan na pinatulog ito. Galit na galit si Laura at sinubukang patayin si Ellen. Naghabulan at nag-agawan sa patalim ngunit si Laura ang nasaksak. Finally ay nagising si Roel at nakita ang pangyayari. Siya ang umako sa krimen. Napawalang-sala sa ending sa tulong ng isang witness at ni Mileton.

Nabili ko 'yung VCD sa Lazada pero parehong disc A ang dumating. Napansin ko na lang nung papalitan ko na ang bala. Buti na lang at uploaded sa YouTube ang pelikula at doon ko na tinapos. Katulad nang nabasa niyo, walang espesyal sa istorya. But it's a good break from the usual Netflix and Star Cinema movies.

Isa sa mga paborito kong sexy actress itong si Nini Jacinto. Bagay na bagay sa kanya 'yung pabebe na inosente. Tsaka marunong talagang umarte, hindi puro katawan lang ang kayang ipakita. 

Rating: 2/5 stars

Sipit

Trending sa social media itong si Toni Gonzaga at ang pag-host niya sa proclamation rally ng isang partido. Pinakilala pa niya ang kongresista na isa sa mga nag-deny ng new franchise sa ABS-CBN na ngayon ay may apog na tumakbong senador. May linya pa siyang "buhay na buhay ang pagmamahal ng Pilipinas kay Apo Lakay." Like whuuut? Girl, 'wag mong idamay ang buong bansa, hindi namin siya love.

Maraming frustrated na Kapamilya fans at ex-employees ang nagpahayag ng kanilang saloobin. La Traidora naman kasi ang dating nitong si Toni. Kung hindi nag-invest sa kanya ang ABS-CBN, hindi niya mararating ang kung ano man ang kinalalagyan niya ngayon. Wiz naman kasi siya kagalingan umarte at kagandahan kumanta pero binigyan siya ng magagandang proyekto at todong exposure. Nakailang box-office hits siya at awards sa mga album niya, 'di ba? Mapatugtog nga ang Nanghihinayang by Jeremiah. Sayang eh.

Para hindi naman masyadong mabigat sa pakiramdam, eto ang malaki at magaling na si Zoltan Amore...

Doorknob

Umpisa na ng kampanya para sa national elections. Todong excited na akong mapalitan ang kasalukuyang gobyerno. Pero sana naman 'wag tayong bumoto ng magnanakaw at manloloko ng taong bayan. Doon tayo sa malinis ang track record at laging nandiyan para tumulong. Gumagawa ng paraan maliit man ang budget. Pumili din tayo ng mga senador na ipaglalaban ang pantay na karapatan ng LGBTQIA+ community. Nakakasawa na mapanood sa TV na ginagawa tayong katatawanan kapag ipinaglalaban ang panukalang batas na para sa atin. Huwag magpagoyo at magsaliksik nang husto kung sino ba ang may tunay na plano para sa nakararami.

Matapos ang post natin about Dante Gomez, naisip kong ibahagi sa inyo ang ilan sa mga underrated sexy actors na lumabas sa Chika Chika. 'Yung tipong kumpletos rekados at pasado sa ating pihikang panlasa pero hindi masyadong nabigyan ng movie projects o hindi man lang nakapag-bida. Next natin si Harold Pineda...

Talutot

Sa susunod na Lunes na pala ang Valentine's Day. Kumusta naman ang puso niyo, mga ateng? Kulay rosas ba ang paligid na tila umuulan ng mga talutot? O parang horror movie na madilim at puro agiw? Ano man ang lagay ng puso niyo, ang mahalaga eh malusog ito at tumitibok-tibok.

Napanood niyo na ba ang iba't ibang interviews ng mga presidentiables? Kanino ang paborito niyo? So far, bet na bet ko 'yung kay Jessica Soho. Direct to the point, mabilis, wala masyadong palabok at ramdam mo na pare-pareho ang atake niya sa bawat kandidato. Sana isunod niya ang mga tumatakbo sa pagka-pangalawang pangulo para mas makilala din natin sila. So far, may listahan na ako kung sinu-sino ang iboboto pero maaari pa itong magbago sa mga susunod na araw kapag mas nakilala natin sila at ang kanilang mga plataporma.

Dahil matagal-tagal na rin 'yung huli nating post tungkol sa laman ng "Balikbayan Package", halikayo't ibalik natin para naman kahit paano ay uminit ang nanlalamig nating mga puso. Simulan natin kay Dante Gomez...

Ang Sapatos at si Sassa Gurl

Bago matapos ang buwan na ito, gusto ko lang i-share na after 4 years ay nakabili akong muli ng high heels (right pair). It may sound shallow to some but for someone like me na size 42 with limited budget, achievement unlocked ito dahil napakadalang ng murang sapatos na ganyan ang sukat. Pinakamalaking size na sa Pinas ang 8. Plus size nang maituturing kapag lagpas diyan na madalang makakita sa mall. Ang alam ko lang na meron ay mga gawang Bragais pero libuhin naman ang presyo. At dahil nasa laylayan tayo ng lipunan, ilang beses tayong mag-iisip bago maglabas ng ganyang halaga. Salamat talaga at nag-sale sa Payless at nagkaroon tayo ng sexy pointed black pumps. Mukhang Louboutin ang style. Love it!

Nabanggit ko rin lang naman ang laylayan sa lipunan, medyo napantig ang tainga ko nang mabasa itong tweet na 'to patungkol sa pagmomodelo ni Sassa Gurl (who identifies as a woman) para sa White Castle calendar..

Wit ko siya kilala pero nagbukas siya ng diskusyon patungkol sa konsepto ng kung ano ba dapat ang pagiging transgender woman. Pagkakaintindi ko sa tweets niya, nakakulong siya sa konsepto na ang mga transgender woman ay dapat mala-Geena Rocero sa ganda at lambot. Para sa kanya, dapat ay lumaklak tayo ng pillar at magmakaawa sa health centers dahil importante na maging "passing" para sa kumportableng buhay.

Miz/ma'am, paano po kaming ang gender identity ay babae pero walang pribilehiyong makabili ng hormones o pills? Para sa aming mga nasa laylayan ng lipunan, limited ang choices namin. Hindi lahat ay afford ang turok/tusok. Meron din sa amin na sinimulan ang transition pero hininto dahil sa side effects. Hindi keri ang magtiis-ganda lalo na kung naaapektuhan ang ibang gawain.  Gustuhin man namin maging member ng #TeamBarbie, may mga priorities kami more than physical transitioning. Also, hindi lahat ng transgender woman ay iniisip ang konseptong "passing" para sa mas maginhawang buhay. Some of us are happy for whatever we have, whether we look "passing" or not. It doesn't invalidate our gender identity.

Kaya salamat sa White Castle for this historical moment, and to Sassa Gurl, thank you for representing our kind. Personally, I feel visible because of this project.

Kaya mga ateng, suportahan natin sila by buying White Castle Light Whisky with free Sassa Gurl calendar through Lazada and Shopee.

Rehistro

HAPPY 2022, MGA ATENG! Sa tuwing pumapasok ang bagong taon, ito rin ang araw kung kailan ipinagdiriwang ang anibersaryo ng ating blog.

Labing-dalawang taon na ang nakararaan nang simulan kong tipahin ang keyboard at isambulat sa mundo ng internet ang aking mga opinyon, pantasya, balita, at buhay-buhay na may kinalaman sa ating makulay na kaharian. I remember patapos pa lang ang pamumuno ni Gloria noon at sabik na sabik tayo sa bagong lider. Hindi pa toxic ang Facebook at panay status message lang ang madalas i-post. Galing pa sa digicam ang mga pictures at kiber kung may mag-like o wala. Hindi pa conscious kung 'di maganda ang lighting o kung chaka ang rehistro kasi 'di pa takot maging meme. Kasagsagan nina Rihanna, Katy Perry at Lady Gaga. Rude Boy, Telephone, Teenage Dream ang mga madalas patugtugin. 480p ang YouTube video quality, mabagal na bandwidth kapag naka-720p. Sina Nicolehyala at Christsuper ang naririnig tuwing umaga. May Cosmopolitan, Metro, Preview, Good Housekeeping, Star Studio magazines every month. Kabi-kabila ang bikini contests. Hindi ako maka-catch up sa dami ng pinapalabas na gay indie films. Sina Mandaya Moore at Manila Gay Guy ang mga inspirasyon ko noon sa pagsusulat. Feels so good to reminisce the good old days.

A lot has happened since then. The energy that I had during the early years of our blog is not there anymore. Maybe it's just wandering somewhere at babalik pa because I really miss writing almost everyday. Minsan nakakadalawa o tatlong post pa tayo. Kahit pagod sa work, nakakapagsulat pa din. Maybe I'll look back and see what I was doing then compare to now. Baka pwede ibalik, nakaka-miss kasi.

Also, hindi na rin basta-basta pwedeng mag-post ngayon without verifying facts. Pwede kang maging source of fake news kaya maiging research dapat ang gagawin para credible ang isusulat. Pati paglalandi natin sa ibang otoko na akala natin ay harmless may be considered as sexual harassment. 

I hope that the new year will bring us better days compare to the last two years. May nabasa nga ako sa Twitter, hindi daw niya ma-distinguish 'yung mga memories noong 2020 at 2021. Same. Pero nasa kamay natin kung paano maiiba ang taong ito. Hindi siguro natin kontrolado ang magiging aksyon ng gobyerno but we have now the opportunity to change them. Nakakapagod at nakaka-drain sila ng energy sa totoo lang. Lakas-tama sa mental health! Now that their 6 years is almost over, I pray that we vote for someone who will prioritize us and not terrorize us. 'Yung pamumunong may puso at tayo ang priority, hindi ang mga kapartido o padrino. We now have the power to have a better future so let's not waste it. 

MANIGONG BAGONG TAON SA ATING LAHAT!!!

Maliit o Malaki

Kumustasa ang Pasko niyo, mga ateng? Nawa'y nabundat at naging maligaya kayo. Ikalawang selebrasyon na natin ito na kasama si Aling Covida at kahit mas maigi ang lagay kumpara noong isang taon, may pangamba pa rin sa tuwing lumalabas. Buti na lang at mas madali na ngayon ang access sa bakuna. Kung eligible na kayo sa booster shot, magpaturok na. Basta lagpas 3 months na noong nagpa-second dose kayo o 2 months sa primary single-dose vaccine, pwedeng-pwede na. 

May pahabol palang mga larawan ang #TabangLadlad ng Ladlad Party-list kung saan ipinamahagi nila ang ating donasyon sa Golden Gays at Brgy. Kapitolyo sa Pasig. 

***

Nitong mga nakaraan eh wala akiz ginawa kundi magpatugtog ng Christmas songs bilang nakaka-lift talaga siya ng spirit. Lakas maka-good vibes lalo kapag medyo down ka. Staple na sa playlist ko ang Christmas albums nina Mariah Carey, Christina Aguilera at Kylie Minogue. My trifecta of Christmas melodies kumbaga. Nitong nakaraan din eh nahilig ako sa mga Pamaskong kanta ng OPM artists. More on the songs na lumabas noong '80s tulad ng Kampana ng Simbahan, Sino si Santa Klaus, Sa Paskong Darating atbp. Buti na lang at meron pang kiosk ang Universal Records sa Fishermall kaya namili tayo. Bagong dagdag sina Regine Velasquez at Salubungin ang Pasko by various artists.

Maybe it comes with the age pero iba talaga ang epekto ng musikang Pilipino lalo na kapag Pasko. Parang ibinabalik ka sa pagkabata kung saan maraming kang masasayang alaala kasama ang mga magulang, kapatid at mga kaibigan. 'Yung sama-sama kayong sinasalubong ang pagpatak ng alas-dose ng umaga sabay kain ng Noche Buena. Kinabukasan eh mamamasko sa mga ninong at ninang at matutuwa sa malulutong na tag-lilimang pisong papel. Ang sarap balikan ang pagkabata! Ngayon eh tayo na ang aligaga sa kung ano ang ihahanda at ipapamasko sa mga inaanak. Tapos wala na tig-bebenteng papel ngayon. KALOKA!

***

Kung naging masagana ang Kapaskuhan natin, meron naman sa ating mga kababayan ang wala ni pader o bubong na masisilungan dahil sa hagupit ng bagyong Odette. Mahigit isang linggo na ang nakakaraan pero hirap pa rin maiabot ang tulong sa kanila. Kaya naman kung may maitutulong tayo, halikayo't mag-donate ng kaperahan o kahit anong mapapakinabangan nila. Walang maliit o malaki sa panahon ng pagdadamayan kaya kung ano ang kaya, ibigay natin. Heto ang dalawa sa pwede nating pagdalhan ng ating mga donasyon: