Clasikong Coleksyon

Hindi pa uso ang indie films, wala pang pekeng VCD's at DVD's at hindi pa talamak ang bentahan ng pornograpiya, ang meron lang noon ay mga babasahin na binebenta kasama ng mga komiks, dyaryo at Kislap magasin... ang Chika Chika. Nasa panahon ako noon nang pagtuklas sa aking sarili, mga freshman at sophomore years sa high school. Sa tuwing matatapos ang leksyon sa eskwela at napapadaan sa mga magasin stands sa Cubao at Muñoz, hindi pwedeng hindi ako dadaan sa mga local magazine stands at titingin sa mga pabalat ng Chika Chika. Kakuntsaba ko pa si Amber na baklitang kaklase ko. Tinatanong pa namin si manang tindera kung may edusine" sila (short for educational magazine). Kunwari nagtitingin tingin kami sa binebenta niyang dyaryo at magasin. Hindi niya alam, pinagpipyestahan na namin ang mga cover nina Leonardo Litton, Rodel Velayo, Harold Pineda atbp. Pero dahil sa mga bata pa kami at limited ang baon sa eskwela, todong binusog na lamang namin ang aming mga mata sa mga hotdog at itlog na nakasabit sa estante.

Nitong nasa college na ako, may isang magasin stand sa gilid ng Mercury Drug sa tapat ng Quiapo church ang nadaanan ko at saktong nagbebenta ng second hand na Chika Chika magasin. 20 to 25 pesos lang ang presyo. Swak na swak sa budget. Kasya pa ang tira ng aking baon kaya naman inunti-unti ko ang tinda ni manang.

Ngayon, wala na sa sirkulasyon ang Chika Chika pero mananatili itong parte nang aking baklang buhay. Hindi ko malilimutan ang mga bukol na naghuhumindig sa loob ng underwear, mga kwentong nakaka-kiliti ng imahinasyon at masasarap na katawan ng lalaki sa pabalat nito.