Kasagsagan

Ultra mega supermarket sa hype ang pelikulang Starting Over Again na ipinalabas noong isang buwan. Ang bobongga ng mga reviews kaya kahit isang buwan nang showing eh sumige kami sa sinehan.

Starting Over Again (2014)
Star Cinema
Directed by Olivia M. Lamasan
Starring Piolo Pascual, Iza Calzado and Toni Gonzaga

Teenage crush ni Ginny (Gonzaga) si Marco (Pascual), isang propesor sa kolehiyong kanyang pinapasukan. Broadcaster ang peg kung maka-declare ng pagtangi si babae na nahuli naman ni ser. Eventually ay nahulog ang loob nito sa kanya at naging sila. Getting to know each other, may kanya-kanyang pangarap at nagsalo sa tamis ng sariwang pagmamahal. Unti-unti ay naturn-off si Ginny sa kababawan ng ambisyon ni Marco. Gora siya papuntang España upang pag-igihin ang pagiging arkitekto. Naiwang luhaan sa ulanan si fafah. Ouch!

So many years have passed at nakatanggap ng email si Ginny. Isang sulat na ginawa ni Marco sa kasagsagan ng kanyang paghihinagpis. Asa si ateh na pwede pa silang magkabalikan tapos kinuha pa nito ang serbisyo niya sa itatayong restawran. Ayun! Todong nalulong sa pag-asa ang loka! Effort siya to get Marco's attention with killer high heels and chiffon outfit. Tsuri na lang siya kasi totally move on na ito thanks to Patty (Calzado), his gorgeous jowa. Eh naniwala siya sa vision mission na "hangga't 'di kinakasal ay may pag-asa" kaya ginawa niya ang lahat, laplapan sa second floor at kangkingan sa kwarto na sinambulat pa niya kay legal GF. Ang kapal di ba?!

In the end, 'di siya nagtagumpay. Nag-formal closure na lang sila ni Marco so that they can finally move on. Na-engage si Marco at Patty at umekstra sa dulo sina Vhong, Luis, Sam at ang real-life jowa ni Toni. So happy ending pa rin. Pilit nga lang.

Madaming factors kung bakit tinangkilik ng manonood ang pelikula, mula sa sikat na producer, promotions, direktor, mga artista at makatotohanang istorya. Kakaiba na hindi nagkatuluyan ang dalawang bida na kadalasang nangyayari. Bet na bet ko 'yung confrontation scene na pinakita sa trailer. Numu-Nora Aunor sa akting si Papa P samantalang pigil sa iyak at puno ng guilt ang itsura ni Toni. Ang mas nagpahanga sa akin ay ang subtle performance ni Iza. Ramdam mo na pumaloob siya sa karakter niya. Nasa kanya ang simpatya ng manonood bilang the good, gracious and overly understanding girlfriend.

Rating: 4/5 stars