Destinasyon

Kung napansin niyo mga ateng, todo promote ako nitong Huawei P9. May sinalihan kasi akong contest online at ang mananalong blogger ay magkakamit ng isang unit nito. Nagpaparamdam na kasi ng retirement ang ketay ko. Bale lima ang ipamimigay nila at dalawa na ang nagwawagi. Mahigpit ang labanan at umi-English ang karamihan. Nosebleed akez! Sali lang nang sali at malay niyo, mapili ang exotic byuti ko.

Screencap of the blog post

January of this year nang ibahagi ko sa inyo ang isang blog kung saan walang havs na ginamit ang litrato ni poging taxi driver na nasakyan ko. Ginawan ng kwento na kesyo may nangyari daw sa kanila at may "video evidence" pa. Tumugma nga naman ang uniform ni kuya base sa screencap na makikita sa post na itech. Dahil nga nabahala ako sa false claim niya, agad ko siyang minessage sa FB at nag-sorry naman siya. Hindi nagtagal ay non-existent na ang post. Ayan, nakahinga ako nang maluwag. Binura na eh. Eto ang patunay ng aming usapan...

Matapos ang halos pitong buwan ay nakatanggap ako ng email about the same post. ABA! Hindi naman pala binura. Itinago lang at muling isinapubliko ang kanyang "kabaliwan". Sa trulili lang, wit ko noseline kung ano bang gusto niyang patunayan sa mga readers niya. Pwede naman niyang sabihin na ang susunod na mababasa ay kathang isip lamang. Mag-disclaimer din siya na hindi niya kuha ang mga larawan pero hindi. May watermark pa niya. KAKALOKA!

Hindi ko na siya muling imemessage mga ateng. Hayaan na lang natin siyang magliwaliw sa kanyang sariling mundo. Knows natin kung ano ang totoo. Matatalino na ang mga mambabasa ngayon. Though some of the people on the Internet world is vulnerable with these kind of stories, lalabas at lalabas din ang katotohanan. At muli kong ka-klaruhin, ako ang kumuha ng litrato at walang naganap na "milagro". How I wish! Marangal siyang nagtrabaho nang ako'y kanyang ihatid sa aking destinasyon. 'Yun lang. Period.