Lumibot

Sa wakas mga ateng, nakatikim na ulit ako ng puto bumbong noong Sabado nang magsimba ako sa Sto. Domingo. Napakasarap talaga! Wala pa yatang tatlong minuto eh naubos ko na. Iba talaga ang pagkaing Pilipino, walang katulad.

Tulad nang karamihan, natanggap ko na rin ang inaasam na 13th month pay at tulad pa rin ng karamihan, dumaan lang ito sa palad ko. Nagmadali pa nga. KALOKA! Binayaran ko na ang dapat bayaran. Hindi naman sa naniniwala ako na dapat walang utang sa pagpasok ng bagong taon pero eto lang 'yung chance na makapagbayad. Siyempre nagtira naman ako ng pang boylet, 'noh! Mga 3 hums ahahaha! Keri na 'yan kesa waley.

Last December 9 ay rumampa kami ng officemate ko na si Zeke sa QC LGBT Pride 2017. Ang tema ngayong taon ay Pride in QC, Safe and Free. Hindi ko perstaym umattend pero unang beses namin sumali sa martsa sa palibot ng Tomas Morato at Timog. Medyo pagoda sa rampahan pero worth it dahil pagkatapos lumibot ay may bonggang pa-show. May dancing, mowdeling, food park at speech with LGBT+ champion, Rep. Geraldine Roman. 

Simple lang manamit ang inang natin pero todo sa ganda at class. Parang babasaging kristal. Napaka-inspiring pa ng kanyang mensahe sa ating komunidad. Sana'y magkaisa at 'wag nang mag-okrayan. Trulili naman, 'di ba?! Humihingi tayo ng acceptance at equality pero minsan, tayo din ang kumukutya at nagdidiscriminate sa mga kafatid natin. 'Wag ganooon! 

Nagpaunlak din ng kanyang presensya ang King of Catwalk na si Sinon Loresca. Nakaka-GV ang kanyang smile. Wala rin siyang pagod kumaway sa kanyang fans at siyempre pa, siya'y rumampa on stage in his signature gown na hanggang bewang ang slit at super taas na tiil. Love him!

The celebration was super fun! Thanks to the Quezon City Government headed by Mayor Herbert Bautista for giving us this kind of event. Heto ang ilan sa mga kuhang larawan ni Zeke...

Tuloy ang laban, mga ateng...

MABUHAY ANG LGBT+ COMMUNITY!