Nakakapagod nang makita ang mga kawatan na malayang nagagawa ang kanilang gusto lalo na sa bandang MRT Buendia area. Kanina, pasado alas-dos ng hapon, habang nag-aantay ako ng masasakyan papuntang Ayala, isang babaeng kaaakyat lang ng ordinary bus ang walang habas na inagawan ng relo o bracelet. Napatingin na lamang sa labas ng bintana si ate hawak ang kanyang braso habang tinatanaw ang tumakbong suspek kasama ang isa pa. Lumingon pa nga sa amin 'yung isa bago tuluyang tumakbo. Ang kakapal ng mukha! Hindi na natakot kahit may pulis sa itaas ng MRT. Dangan lamang at wala mismo sa pinangyarihan ng krimen. Haaayyy, kailangan talagang mag-dobleng ingat sa panahon ngayon. Kahit katirikan pa ng araw, pwede kang mabiktima.
No comments:
Post a Comment