Beki Problems

Nagsimula sa self-published book noong 2018 at ngayon ay isa ng online series, 'yan ang Beki Problems ni Joni Fontanos. 

Naalala ko pa kung gaano ako todong pinatawa ng libro nang una kong mabasa kaya isa din ako sa unang na-excite nang gawin nila itong serye. Medyo nakipagsabayan sa bugso ng BL series na sumikat ngayong pandemya pero angat ito sa iba dahil sa maraming dahilan. Una, hindi borta at BY ang bida. Hindi rin pamintaan ang labanan kaya wiz ka mababahing. At panghuli, makakarelate ka sa mga eksena at lugar na aakalain mong ikaw ang isa sa mga karakter. 

Bida dito si Chad Kinis na una nating nakilala sa Miss Q&A ng Showtime. Ka-loveteam niya si Gold Azeron at introducing naman si Ardel Presentacion. Nandito rin ang Cinemalaya Best Actress na si Ruby Ruiz at si Alex Medina bilang yummy tricycle driver. Paborito ko ang entry niya! Associate Producer din nito si Lex Bonife na siyang naghatid sa atin ng ilang acclaimed gay indie films tulad ng Ang Lalake sa Parola, Ang Lihim ni Antonio at Ang Laro ng Buhay ni Juan.

Narito ang unang episode...

Libreng mapapanood ang ikalawang episode sa heyPogi.com. At para tuluy-tuloy ang ligaya, maaaring pumili sa iba't ibang subscription plan sa abot-kayang halaga. Available din ang series sa patreon.com/heyPogi.