Batikan

Image courtesy of PEP.ph

Tuluyan nang nagupo ng sakit na leukemia ang master director na si Mario O'Hara. Siya ang direktor ng halos lahat ng paborito kong Ate Guy movies; Tatlong Taong Walang Diyos, Kastilyong Buhangin, Bulaklak sa City Jail at Bakit Bughaw Ang Langit. Sa Babae Sa Breakwater siya mas nakilala ng batang henerasyon dahil humakot ito ng mga parangal at isa dito ang international award ng baguhan na si Katherine Luna.

Tatlo sila nina Lino Brocka at Ishmael Bernal na malaki ang naiambag sa Philippine Cinema dahil sa kakaiba nilang estilo sa paggawa ng pelikula. Karamihan sa mga iyon ay tunay na klasiko at magpasahanggang ngayon ay pinag-uusapan. Bukod sa pagiging direktor, isa din siyang batikang screenwriter at naging aktor din sa pelikula at teatro.

Siya ay namatay sa edad na 68.